ໄຂ​ງານ​ວາງສະ​ແດງ​ເຕັກ​ໂນ​ໂລ​ຊີ​ການ​ສື່ສານ (Lao ICT EXPO 2018)

ໄຂ​ງານ​ວາງສະ​ແດງ​ເຕັກ​ໂນ​ໂລ​ຊີ​ການ​ສື່ສານ (lao ict expo 2018) - Huawei - ໄຂ​ງານ​ວາງສະ​ແດງ​ເຕັກ​ໂນ​ໂລ​ຊີ​ການ​ສື່ສານ (Lao ICT EXPO 2018)
ໄຂ​ງານ​ວາງສະ​ແດງ​ເຕັກ​ໂນ​ໂລ​ຊີ​ການ​ສື່ສານ (lao ict expo 2018) - Untitled design - ໄຂ​ງານ​ວາງສະ​ແດງ​ເຕັກ​ໂນ​ໂລ​ຊີ​ການ​ສື່ສານ (Lao ICT EXPO 2018)

ງານ​ວາງສະ​ແດງ​ເຕັກ​ໂນ​ໂລ​ຊີ​ການ​ສື່ສານ ​ແລະ ຂໍ້​ມູນ​ຂ່າວສານ (Lao ICT EXPO 2018) ​ໄດ້​ໄຂ​ຂຶ້ນທີ່​ສູນ​ການ​ຄ້າ​ ລາວ-​ໄອ​ເຕັກ ນະຄອນຫລວງ​ວຽງ​ຈັນ ​ໃນ​ວັນ​ທີ 24-28 ມັງກອນ​ນີ້, ພາຍ​ໃຕ້​ຫົວ​ຂໍ້: “ພ້ອມ​ກັນ​ກ້າວ​ໄປ​ສູ່​ການ​ຫັນ​ເປັນ​ສັງຄົມ​ດີ​ຈີ​ຕອນ” ​ໂດຍ​ການ​ເຂົ້າຮ່ວມ​​ຂອງ​ທ່ານ ສົມ​ດີ ດວງ​ດີ ຮອງ​ນາຍົກລັດຖະມົນຕີ, ລັດຖະມົນຕີ​ກະຊວງ​ການ​ເງິນ, ມີ​ທ່ານ​ລັດຖະມົນຕີ​ກະຊວງ​ໄປສະນີ, ​ໂທລະ​ຄົມມະນາຄົມ ​ແລະ ການ​ສື່ສານ ທັນ​ສະ​ໄໝ ກົມມະ​ສິດ ​ແລະ ຕົ​ວ​ແທນ​ຈາກ​ບັນດາ​ກະຊວງ, ອົງການ​ທຽບ​ເທົ່າ, ສະ​ຖາ​ບັນ​ການ​ສຶກສາ ​ແລະ ບັນດາ​ບໍ​ລິສັດ​ຕ່າງໆ​ເຂົ້າຮ່ວມ​ເປັນ​ຈຳນວນ​ຫລາຍ.

ກະຊວງ ປທສ ​ໃຫ້​ຮູ້​ວ່າ: ສັງຄົມ​ດີ​ຈີ​ຕອນ​ແມ່ນ​ປັດ​ໄຈ​ພື້ນຖານ​ຂອງ​ການ​ຫັນ​ເປັນ​ສັງຄົມ​ທັນ​ສະ​ໄໝ ​ແລະ ສີວິ​ໄລ, ​ເຊິ່ງທຸກ​ປະ​ເທດ​ທົ່ວ​ໂລກ​ລ້ວນ​ແຕ່​ມຸ່ງ​ມາດ​ປາຖະໜາ​ຢາກ​ພັດທະນາ​ໄປ​ເຖິງ​ຈຸດໝາຍ​ດັ່ງກ່າວ, ງານ​ສະ​ແດງ​ຄັ້ງນີ້​ມີ​ບັນດາ​ບໍລິສັດ​ໄອ​ຊີ​ທີ​ແຖວ​ໜ້າ​ຈາກ​ພາຍ​ໃນ ​ແລະ ຕ່າງປະ​ເທດ​ນຳ​ເອົາ​ຜະລິດ​ຕະພັນ​ເຕັກ​ໂນ​ໂລ​ຊີ​ການ​ສື່ສານ ​ແລະ ຂໍ້​ມູນ​ຂ່າວສານ​ດ້ານ​ໂທລະ​ຄົມມະນາຄົມ, ຮາດ​ແວ-ຊອບ​ແວຄອມ​ພິວ​ເຕີ​, ​ເຕັກ​ໂນ​ໂລ​ຊີລະບົບ​ຄວາມ​ປອດ​ໄພ, ລະບົບ​ໂປຣ​ແກຣມຕ່າງໆ ​ເພື່ອການ​ບໍລິຫານ​ທຸລະ​ກິດ​ຂະໜາດ​ນ້ອຍ ​ແລະ ກາງ ​ແລະ ສະ​ຕາດ​ອັບ (Startup), ການ​ຄ້າ, ການ​ເງິນ, ການ​ຜະລິດ, ກະສິກຳ, ການ​ສຶກສາ ​ແລະ ອື່ນໆ, ພ້ອມ​ທັງ​ມີ​ກອງ​ປະຊຸມສຳ​ມະ​ນາ​ທີ່​ໜ້າ​ສົນ​ໃຈ ​ເປັນຕົ້ນກອງ​ປະຊຸມ​ສົນທະນາ​ຜູ້​ບໍລິຫານ​ໄອ​ຊີ​ທີ​ອາ​ຊຽນຄັ້ງທີ 6, ກອງ​ປະຊຸມ​ສົນທະນາ​ຜູ້​ປະກອບ​ການ​ໄອ​ຊີ​ທີອາຊີ-ປາຊີ​ຟິກ, ກອງ​ປະຊຸມ​ສົນທະນາ​ດີ​ຈີ​ຕອນ​ລາວ ​ໂດຍ​ມີ​ຜູ້​ແທນ​ຈາກ​ບັນດາ​ປະ​ເທດ​ໃນ​ອາ​ຊຽນ ​ແລະ ອາຊີ-ປາຊີ​ຟິກ​ເຂົ້າຮ່ວມເວທີ​ສົນທະນາ​ດັ່ງກ່າວ​ເປັນ​ຈຳນວນ​ຫລາຍ. ພ້ອມ​ນັ້ນ ກໍ​ມີ​ກິດຈະກຳ​ທີ່​ໃຫ້​ຄວາມ​ຮູ້ ​ແລະ ຄວາມ​ມ່ວນ​ຊື່ນ​ໃຫ້​ແກ່​ຜູ້​ເຂົ້າຊົມງານ ​ເປັນຕົ້ນ: ການ​ແຂ່ງຂັນ​ກິລາ​ດີ​ຈີ​ຕອນ (eSports), ການ​ສົ່ງ​ເສີມ​ເອັສ​ເອັມອີ ​ແລະ ສະ​ຕາດ​ອັບ, ​ໂດຍ​ການ​ນຳ​ສະ​ເໜີ​ຂອງ​ນັກ​ພັດທະນາ​ລາວ​ທີ່​ໄດ້​ຮັບ​ລາງວັນ​ການ​ແຂ່ງຂັນ​ຜະລິດ​ຕະພັນ​ໄອ​ຊີ​ທີຂອງ ສປປ ລາວ ​ແລະ ລາງວັນ​ໃນ​ລະດັບ​ອາ​ຊຽນປີ 2017 (Lao ICT Award 2017 ​ແລະ ASEAN ICT Award 2017), ການ​ສົ່ງ​ເສີມ​ການ​ນຳ​ໃຊ້​ໄອ​ຊີ​ທີ​ທີ່​ມີ​ປະ​ໂຫຍ​ດຂອງ​ໄວ​ໜຸ່ມ ນຳ​ສະ​ເໜີ​ໂດຍ​ຜູ້​ຊະນະ​ເລີດ​ຈາກ​ງານ​ແຂ່ງຂັນ​ຂຽນ​ບົດ​ຄວາມ (ພາຍ​ໃຕ້​ໂຄງການ APT Young Professionals and Students Programme) ​ໃນ​ຫົວ​ຂໍ້ “ຜົນ​ກະທົບ​ຂອງ​ສື່​ສັງຄົມ​ອອນ​ລາຍ​ຢູ່ ສປປ ລາວ” ​ແລະ ກິດຈະກຳ​ແຈກ​ລາງວັນ​ຕ່າງໆ.

ທ່ານ ທັນ​ສະ​ໄໝ ກົມມະ​ສິດ ກ່າວ​ວ່າ: ງານ​ວາງສະ​ແດງ​​ຄັ້ງນີ້​ຈັດ​ຂຶ້ນ​ເພື່ອ​ໃຫ້​ທຸກ​ພາກສ່ວນ​ໃນ​ສັງຄົມ​ໄດ້​ສຳຜັດ​ຕົວ​ຈິງ​ກັບການ​ພັດທະນາ​ເຕັກ​ໂນ​ໂລ​ຊີ​ການ​ສື່ສານ ​ແລະ ຂໍ້​ມູນ​ຂ່າວສານ​ຢູ່ ສປປ ລາວ, ​ເປັນ​ການ​ສ້າງ​ກາລະ​ໂອກາດ​ໃຫ້​ຜູ້​ປະກອບ​ການ, ຜູ້​ຜະລິດ, ຜູ້​ບໍລິການ, ຜູ້​ຊົມ​ໃຊ້ ​ແລະ ຜູ້​ຄຸ້ມ​ຄອງ​ເຕັກ​ໂນ​ໂລ​ຊີ​ການ​ສື່ສານ ​ແລະ ຂໍ້​ມູນ​ຂ່າວສານ​ໄດ້​ພົບ​ປະ​ແລກປ່ຽນ​ບົດຮຽນ, ຄວາມ​ຮູ້, ຄວາມ​ເຂົ້າ​ໃຈ ​ແລະ ສ້າງ​ການ​ພົວພັນ​ຮ່ວມ​ມື​ທາງ​ດ້ານ​ການ​ຄ້າ ​ແລະ ການ​ພັດທະນາ​ຮ່ວມ​ກັນ.

ປັດ​ຈຸ​ບັນ, ການ​ພັດທະນາ​ໄອ​ຊີ​ທີ​ຢູ່ ສປປ ລາວ ມີ​ການ​ຂະຫຍາຍຕົວ​ຢ່າງ​ແຂງ​ແຮງ, ​ເຫັນ​ໄດ້​ຈາກ​ຈຳນວນ​ຜູ້​ບໍລິການ ​ແລະ ຜູ້​ຊົມ​ໃຊ້​ເພີ່ມ​ຂຶ້ນຢ່າງ​ຕໍ່​ເນື່ອງ​ເຊັ່ນ: ອັດຕາ​ຜູ້​ຊົມ​ໃຊ້​ໂທລະສັບ​ມື​ຖື​ມີ​ເຖິງ 100%, ຈໍານວນ​ຜູ້​ປະກອບ​ການ​ກໍ​ເພີ່ມ​ຂຶ້ນກວ່າ 5.000 ບໍລິສັດ, ພື້ນຖານ​ໂຄງ​ລ່າງ​ໄດ້​ມີ​ການ​ຂະຫຍາຍຕົວ​ຢ່າງ​ຕໍ່​ເນື່ອງ, ສັນຍາ​ນ​ໂທລະສັບ​ມື​ຖືກ​ວມ 91% ຂອງ​ຈຳນວນ​ໝູ່​ບ້ານ, ການ​ຂະຫຍາຍ​ບໍລິ​ມາດ​ການ​ເຊື່ອມ​ໂຍງ​ເຄືອ​ຂ່າຍ​ອິນ​ເຕີ​ເນັດ​ຂອງ​ບັນດາ​ບໍລິສັດ​ກໍ​ນັບ​ມື້ຫລາຍ​ຂຶ້ນ.

ໄຂ​ງານ​ວາງສະ​ແດງ​ເຕັກ​ໂນ​ໂລ​ຊີ​ການ​ສື່ສານ (lao ict expo 2018) - Wave100S AD to Website 2020 0 - ໄຂ​ງານ​ວາງສະ​ແດງ​ເຕັກ​ໂນ​ໂລ​ຊີ​ການ​ສື່ສານ (Lao ICT EXPO 2018)

ຜູ້ຕາງໜ້າບໍລິສັດ ຮົວເຫວີຍ ໃຫ້ສໍາພາດວ່າ: ການເຂົ້າຮ່ວມງານວາງສະແດງຄັ້ງນີ້, ແມ່ນເພື່ອແລກປ່ຽນຄວາມຄິດເຫັນ ແລະ ປະສົບການດ້ານການພັດທະນາລະບົບໄອຊີທີໃນລາວ, ໂດຍບໍລິສັດຮົວເຫວີຍໄດ້ນໍາເອົານະວັດຕະກໍາໃໝ່ມາວາງສະແດງຄື: ເຄື່ອງສະມາດຊີຕີ, ສະມາດໂຮມ, ລົດຖີບໂອໂຟ ແລະ ເຕັກໂນໂລຊີທັນສະໄໝອື່ນໆ ເພື່ອເພີ່ມສີສັນໃຫ້ງານດັ່ງກ່າວມີຄວາມຫລາກຫລາຍ ແລະ ມີບັນຍາກາດຄືກຄື້ນຍິ່ງຂຶ້ນ.

ໄຂ​ງານ​ວາງສະ​ແດງ​ເຕັກ​ໂນ​ໂລ​ຊີ​ການ​ສື່ສານ (lao ict expo 2018) - WhatsApp Image 2020 05 27 at 5 - ໄຂ​ງານ​ວາງສະ​ແດງ​ເຕັກ​ໂນ​ໂລ​ຊີ​ການ​ສື່ສານ (Lao ICT EXPO 2018)
ໄຂ​ງານ​ວາງສະ​ແດງ​ເຕັກ​ໂນ​ໂລ​ຊີ​ການ​ສື່ສານ (lao ict expo 2018) - WhatsApp Image 2020 05 27 at 5 - ໄຂ​ງານ​ວາງສະ​ແດງ​ເຕັກ​ໂນ​ໂລ​ຊີ​ການ​ສື່ສານ (Lao ICT EXPO 2018)
error: Alert: ເນື້ອຫາຂ່າວມີລິຂະສິດ !!