ເມືອງເມິງ ແລະ ຜາອຸດົມສະເຫລີມສະຫລອງບຸນປະຈຳເຜົ່າ

ເມືອງເມິງ ແລະ ຜາອຸດົມສະເຫລີມສະຫລອງບຸນປະຈຳເຜົ່າ - 8716 - ເມືອງເມິງ ແລະ ຜາອຸດົມສະເຫລີມສະຫລອງບຸນປະຈຳເຜົ່າ
ເມືອງເມິງ ແລະ ຜາອຸດົມສະເຫລີມສະຫລອງບຸນປະຈຳເຜົ່າ - Untitled design - ເມືອງເມິງ ແລະ ຜາອຸດົມສະເຫລີມສະຫລອງບຸນປະຈຳເຜົ່າ

ປັດຈຸບັນປະຊາຊົນເຜົ່າ ຕ່າງໆ ໃນຂອບເຂດທົ່ວປະເທດ ຕາງກໍໄດ້ຈັດງານບຸນປະຈຳ ເຜົ່າຂອງຕົນເພື່ອເປັນການສະ ເຫລີມສະຫລອງຜົນສຳເລັດ ໃນການເກັບກ່ຽວຜົນຜະລິດ ດ້ວຍຄວາມເບີກບານມ່ວນຊື່ນ ແລະ ທັງເປັນການສົ່ງເສີມການ ທ່ອງທ່ຽວ ລາວອີກດ້ວຍ, ດັ່ງເຜົ່າ ກຶມມຸ ເມືອງເມິງ ແລະ ເຜົ່າໄຕດຳ ເມືອງຜາອຸດົມ ແຂວງບໍ່ແກ້ວ ກໍໄດ້ຈັດງານ ສຳຄັນດັ່ງກ່າວ ຂຶ້ນ ເມື່ອມໍ່ໆມາ ນີ້ດ້ວຍຫລາກ ຫລາຍກິດຈະກຳ ທີ່ສ່ອງແສງ ເຖິງວິຖີຊີວິດຂອງ ແຕ່ລະເຜົ່າ ຄື: ບຸນເກຣີ ແມ່ນ ຮີດຄອງປະເພນີອັນດີງາມທີ່ບັນ ພະບູລຸດຂອງເຜົ່າກຶມມຸໄດ້ສືບ ທອດກັນມາແຕ່ບູຮານ ແລະ ມີປະຫວັດອັນຍາວນານ ເຊິ່ງ ມັນກຳເນີດຂຶ້ນພ້ອມໆ ກັບການ ກຳເນີດຂອງຊົນເຜົ່າດັ່ງກ່າວ ໂດຍການດຳລົງຊີວິດຂອງເຂົາ ເຈົ້າແມ່ນໄດ້ຕິດພັນກັບທຳມະ ຊາດ, ອາໄສທຳມມະຊາດເປັນ ບ່ອນຊອກຢູ່ຫາກິນດັ່ງນັ້ນໃນ ແຕ່ລະປີເຂົ້າເຈົ້າໄດ້ຈັດໃຫ້ມີກິດ ຈະກຳດັ່ງກ່າວ, ເພື່ອສະແດງ ຄວາມຮູ້ບຸນຄຸນຂອງຜູ້ເປັນບັນ ພະບູລຸດຂອງເຜົ່າດັ່ງກິດຈະ ກຳການກິນເຫລົ້າໄຫພາສາ ເຜົ່າກິມມຸເອີ້ນວ່າ: (ເອືອກປູດ ກະຕ໋ອງ), ການໃສ່ແຮ້ວ, ໃສ່ ຕ່ຳ, ການໄລ່ນົກ ແລະ ການຕຳ ເຂົ້າທີ່ເປັນເອກະລັກສະເພາະ ຂອງຕົນ.

 

+ ປີທ່ອງທ່ຽວຕ້ອງເລັ່ງສ້າງສິ່ງອຳນວຍຄວາມສະດວກໃຫ້ຜູ້ມາທ່ຽວຫລາຍຂຶ້ນ

+ ທ່ຽວແຂວງຈຳປາສັກ

ເມືອງເມິງ ແລະ ຜາອຸດົມສະເຫລີມສະຫລອງບຸນປະຈຳເຜົ່າ - Wave100S AD to Website 2020 0 - ເມືອງເມິງ ແລະ ຜາອຸດົມສະເຫລີມສະຫລອງບຸນປະຈຳເຜົ່າ

ສ່ວນບຸນກິນເຂົ້າໃໝ່ປະ ຈຳປີຂອງເຜົ່າໄຕດຳກໍເຊັ່ນ: ດຽວກັນຍ້ອນເຫັນໄດ້ມູນເຊື້ອ ແລະ ຮີດຄອງປະເພນີອັນດີ ງາມຂອງເຜົ່າທີ່ໄດ້ຕົກທອດ ກັນມາດັ່ງບຸນກິນເຂົ້າໃໝ່, ບຸນ ກິນເຂົ້າເໝົ້າ, ເຂົ້າຮາງ ທີ່ໄດ້ຈັດ ຂຶ້ນໃນທຸກໆປີພາຍຫລັງທີ່ສຳ ເລັດການເກັບກ່ຽວມ້ຽນມັດ ຜົນຜະລິດຂອງຕົນ, ເຊິ່ງເຂົາ ເຈົ້າເຊື່ອຖືກັນວ່າ: ກ່ອນຈະ ກິນ ເຂົ້າໃໝ່ແຕ່ລະຄອບຄົວຕ້ອງ ໄດ້ເຮັດເຂົ້າເໝົ້າ, ເຂົ້າຮາງ, ເພື່ອຖວາຍແກ່ດວງວິນຍານ ຜູ້ທີ່ເປັນບັນພະບູລຸດ, ຜູ້ເປັນພໍ່ ແມ່, ປູ່ຍາຕາຍາຍທີ່ໄດ້ສ້າງ ສາ ແລະ ມອບມູນມໍລະດົກກໍ ຄືດິນນາ, ດິນສວນທຳການ ຜະລິດໃຫ້ລູກຫລານໄດ້ສືບ ທອດ. ໃນງານສະເຫລີມສະ ຫລອງບຸນດັ່ງກ່າວຍັງມີກິດ ຈະກຳຂັບໄຕດຳ, ເຕັ້ນແຊ່ ແລະ ການສະແດງສິລະປະ- ວັນນະຄະດີ, ສະແດງໃຫ້ເຫັນ ວິຖີຊີວິດ ແລະ ເອກະລັກຂອງ ເຜົ່າໄຕດຳ, ພ້ອມທັງເປັນການ ສົ່ງທ້າຍປີເກົ່າຕ້ອນຮັບປີໃໝ່, ລະນຶກເຖິງບຸນຄຸນຂອງບັນພະ ບູລຸດຜູ້ທີ່ມີຄຸນງາມຄວາມດີ ໃນການເຕົ້າໂຮມ, ຜູກແໜ້ນ ຄວາມສາມັກຄີ, ລະຫວ່າງ ຄອບຄົວຕໍ່ຄອບຄົວ, ບ້ານຕໍ່ ບ້ານໃຫ້ໄດ້ມີໂອກາດພົບປະ ສ້າງສັນ, ແລກປ່ຽນຄວາມ ຄິດເຫັນໃນການສ້າງເສດຖະ ກິດໃຫ້ມີຢູ່ມີກິນ ແລະ ໄດ້ຮັບ ການພັດທະນາດີຂຶ້ນເລື້ອຍໆ.

ເມືອງເມິງ ແລະ ຜາອຸດົມສະເຫລີມສະຫລອງບຸນປະຈຳເຜົ່າ - 8716 - ເມືອງເມິງ ແລະ ຜາອຸດົມສະເຫລີມສະຫລອງບຸນປະຈຳເຜົ່າ

ເມືອງເມິງ ແລະ ຜາອຸດົມສະເຫລີມສະຫລອງບຸນປະຈຳເຜົ່າ - WhatsApp Image 2020 05 27 at 5 - ເມືອງເມິງ ແລະ ຜາອຸດົມສະເຫລີມສະຫລອງບຸນປະຈຳເຜົ່າ
ເມືອງເມິງ ແລະ ຜາອຸດົມສະເຫລີມສະຫລອງບຸນປະຈຳເຜົ່າ - WhatsApp Image 2020 05 27 at 5 - ເມືອງເມິງ ແລະ ຜາອຸດົມສະເຫລີມສະຫລອງບຸນປະຈຳເຜົ່າ
error: Alert: ເນື້ອຫາຂ່າວມີລິຂະສິດ !!