ກະຊວງ ປທສ ດໍາເນີນກອງປະຊຸມປະຈໍາປີ 2017

ກະຊວງ ປທສ ດໍາເນີນກອງປະຊຸມປະຈໍາປີ 2017 - DSC 2748 - ກະຊວງ ປທສ ດໍາເນີນກອງປະຊຸມປະຈໍາປີ 2017
ກະຊວງ ປທສ ດໍາເນີນກອງປະຊຸມປະຈໍາປີ 2017 - Untitled design - ກະຊວງ ປທສ ດໍາເນີນກອງປະຊຸມປະຈໍາປີ 2017

ໃນວັນທີ 23-24 ມັງກອນນີ້, ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ), ໄດ້ຈັດກອງປະຊຸມສະຫລຸບວຽກງານຂອງຕົນໃນປີຜ່ານມາຂຶ້ນທີ່ສູນການຄ້າລາວ-ໄອເຕັກນະຄອນຫລວງວຽງຈັນ, ພາຍໃຕ້ຄໍາຂວັນທີ່ວ່າ: “ສົ່ງເສີມ, ນໍາໃຊ້ ICT ເຂົ້າໃນ (SME) ແລະ (Start up) ເພື່ອຂັບເຄື່ອນເສດຖະກິດດີຈີຕອນ”, ໂດຍການເປັນປະທານຂອງທ່ານ ທັນສະໄໝ ກົມມະສິດ ລັດຖະມົນຕີກະຊວງດັ່ງກ່າວ.

ລັດຖະມົນຕີກະຊວງ ປທສ ໄດ້ຍົກໃຫ້ເຫັນວ່າ: ປີຜ່ານມາ, ກະຊວງໄດ້ສໍາເລັດການຕິດຕັ້ງອຸປະກອນເຕັກນິກລະບົບຕ່າງໆ ເປັນຕົ້ນ: ຂະຫຍາຍລະບົບສູນກາງໂທລະສັບ ແລະ ອິນເຕີເນັດລະຫວ່າງປະເທດ, ສາມາດຮອງຮັບບໍລິການເຊື່ອມຕໍ່ພາຍໃນ ແລະ ຕ່າງປະເທດໄດ້ 100%, ຂະຫຍາຍລະບົບເຊີເວີທີ່ສາມາດໃຊ້ຮ່ວມກັນໄດ້ ຫລື ຄລາວໃຫມ່ ສາມາດຮອງຮັບເຊີເວີຈໍາລອງໄດ້ຈໍານວນໜຶ່ງ ແລະ ມີການບໍລິການຝາກເວັບໄຊຈາກພາກລັດ ແລະ ອົງການຕ່າງໆຫລາຍກວ່າ 200 ເວັບໄຊ, ໄດ້ປັບປຸງຫ້ອງເຕັກນິກຮັບຝາກອຸປະກອນເຊີເວີພາກລັດສາມາດຮອງຮັບໄດ້້ 200 ເຊີເວີ, ຊຶ່ງປັດຈຸບັນໄດ້ມີກະຊວງຈໍານວນໜຶ່ງມານໍາໃຊ້ແລ້ວ ແລະ ຂະຫຍາຍລະບົບເຊື່ອມຕໍ່ລະຫວ່າງສູນກາງອິນເຕີເນັດ ແລະ ສູນຝາກຂໍ້ມູນ ເພື່ອຮອງຮັບບໍລິມາດຂໍ້ມູນທີ່ນັບມື້ເພີ່ມຂຶ້ນ ແລະ ໄດ້ຍົກລະດັບ-ຂະຫຍາຍເຄື່ອຂ່າຍເຕັກນິກເປັນຕົ້ນ: ການວາງສາຍໄຍແກ້ວໃນຂອບເຂດທົ່ວປະເທດໄດ້ 7 ພັນກິໂລແມັດ, ລວມເປັນ 75 ພັນກິໂລແມັດ, ສົມທຽບໃສ່ປີກ່ອນເພີ່ມຂຶ້ນ 11%, ກວມ 18 ແຂວງ 148 ເມືອງ, ຈໍານວນລົງທະບຽນນໍາໃຊ້ໂທລະສັບທັງຕັ້ງໂຕະ ແລະ ມືຖືມີ 4,7 ລ້ານເລກໝາຍ ແລະ ລົງທະບຽນນໍາໃຊ້ອິນເຕີເນັດທັງໝົດ 2,4 ລ້ານບັນຊີ, ມີອັດຕາການຊົມໃຊ້ອິນເຕີເນັດ 37,5% ຂອງປະຊາກອນ, ພື້ນທີ່ໃຫ້ບໍລິການໂທລະສັບມືຖືກວມ 91% ຂອງຈໍານວນບ້ານທັງໝົດ, ໃນນີ້ 3G ແລະ 4G ຄວບຄຸມພື້ນທີ່ໄດ້ 67% ແລະ 13% ເຮັດໃຫ້ອັດຕາການຊົມໃຊ້ໂທລະສັບມືຖືສູງເຖິງ 120% ຢູ່ໃນເຂດເທດສະບານຕົວເມືອງໃຫຍ່. ອັນໄດ້ຊ່ວຍໃຫ້ປີຜ່ານມາ ທົ່ວຂະແໜງ ປທສ ສ້າງລາຍຮັບໄດ້ 3.640 ຕື້ກີບ, ທຽບໃສ່ປີ 2016 ເພີ່ມຂຶ້ນ 14%.

ປະທານກອງປະຊຸມກ່າວວ່າ: ໃນປີໃຫມ່ນີ້, ຈະສືບຕໍ່ພັດທະນາຂະແໜງການໄປສະນີ, ຄົມມະນາຄົມ ແລະ ການສື່ສານໃຫ້ທັນສະໄໝ, ມີພື້ນຖານໂຄງລ່າງດີຈີຕອນດ້ວຍລະບົບຄວາມໄວສູງ, ປອດໄພ, ທົ່ວເຖິງ, ປະກອບສ່ວນຢ່າງຕັ້ງໜ້າເຂົ້າໃນວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກຂອງປະຊາຊົນໃຫ້ຫລຸດລົງ ແລະ ເປັນຈຸດເຊື່ອມໂຍງພາກພື້ນ ແລະ ສາກົນຢ່າງມີຄຸນນະພາບສູງ, ສ້າງບຸກຄະລາກອນໃຫ້ມີຄວາມຮູ້ ແລະ ຫົວຄິດປະດິດສ້າງ ແລະ ສືບຕໍ່ເປັນແຖວໜ້າໃນການສ້າງລາຍຮັບໃຫ້ແກ່ງົບປະມານ, ປະກອບສ່ວນສໍາຄັນຕໍ່ການພັດທະນາເສດຖະກິດ-ສັງຄົມຂອງຊາດໃຫ້ຫລຸດພົ້ນອອກຈາກບັນຊີປະເທດດ້ອຍພັດທະນາໃນປີ 2020.

ກະຊວງ ປທສ ດໍາເນີນກອງປະຊຸມປະຈໍາປີ 2017 - Wave100S AD to Website 2020 0 - ກະຊວງ ປທສ ດໍາເນີນກອງປະຊຸມປະຈໍາປີ 2017

 

ກະຊວງ ປທສ ດໍາເນີນກອງປະຊຸມປະຈໍາປີ 2017 - WhatsApp Image 2020 05 27 at 5 - ກະຊວງ ປທສ ດໍາເນີນກອງປະຊຸມປະຈໍາປີ 2017
ກະຊວງ ປທສ ດໍາເນີນກອງປະຊຸມປະຈໍາປີ 2017 - WhatsApp Image 2020 05 27 at 5 - ກະຊວງ ປທສ ດໍາເນີນກອງປະຊຸມປະຈໍາປີ 2017
error: Alert: ເນື້ອຫາຂ່າວມີລິຂະສິດ !!