ປະຄົບຮ້ອນ ແລະ ປະຄົບເຢັນ ດີ ແລະ ແຕກຕ່າງກັນແນວໃດ ?

ປະຄົບຮ້ອນ ແລະ ປະຄົບເຢັນ ດີ ແລະ ແຕກຕ່າງກັນແນວໃດ ? - 012501 2018 - ປະຄົບຮ້ອນ ແລະ ປະຄົບເຢັນ ດີ ແລະ ແຕກຕ່າງກັນແນວໃດ ?
ປະຄົບຮ້ອນ ແລະ ປະຄົບເຢັນ ດີ ແລະ ແຕກຕ່າງກັນແນວໃດ ? - Untitled design - ປະຄົບຮ້ອນ ແລະ ປະຄົບເຢັນ ດີ ແລະ ແຕກຕ່າງກັນແນວໃດ ?

ການປະຄົບຮ້ອນ ຫລື ປະຄົບເຢັນເປັນວິທີໜຶ່ງໃນການປະຖົມພະຍາບານເບື້ອງຕົ້ນເພື່ອຫລຸດຜ່ອນອາການປວດ ຫລື ອັກເສບ ທັງອາການປວດທີ່ເກີດການເຈັບປ່ວຍ, ມີໄຂ້ ຫລື ການໄດ້ຮັບການບາດເຈັບລະຫ່ວາງການຫລິ້ນກິລາ, ແລ່ນຫລິ້ນ ເຊິ່ງອາດມີໄດ້ຕັ້ງແຕ່ ຫາກລົ້ມຫົວກະທົບກະແທກຈາກການປະທະ, ການບາດເຈັບ, ຟົກຊຳ້ຂອງພາກສ່ວນຕ່າງໆຂອງຮ່າງກາຍ ການເລືອກໃຊ້ຄວາມຮ້ອນ ຫລື ເຢັນນັ້ນມີຂໍ້ທີ່ຕ້ອງພິຈາລະນາເບື້ອງຕົ້ນ ຄື : ຖ້າເກີດການບາດເຈັບກະທັນຫັນຮ່ວມກັບມີອາການບວມ ຄວນເລືອກໃຊ້ຄວາມເຢັນ ເພາະຄວາມເຢັນຈະເຮັດໃຫ້ເສັ້ນເລືອດຫົດໂຕ ເຮັດໃຫ້ເລືອດອອກໜ້ອຍລົງ ແລະ ຊ່ວຍຫລຸດອາການບວມໄດ້, ແຕ່ຖ້າເປັນອາການປວດແບບເປັນໆເຊົາໆ ມີອາການມາດົນ ຫລື ຊຳ້ເຮື້ອ ຫລື ປວດຮ່ວມກັບມີອາການກ້າມຊີ້ນເຄັ່ງ ຄວນໃຊ້ຄວາມຮ້ອນ ເພາະຄວາມຮ້ອນຈະເຮັດໃຫ້ຫລອດເລືອດຂະຫຍາຍໂຕ, ການໄຫລວຽນເລືອດດີຂຶ້ນຈຶ່ງຫລຸດອາການປວດ ແລະ ເຄັ່ງຂອງກ້າມຊີ້ນໄດ້.

– ປະຄົບເຢັນ ເມື່ອມີອາການປວດ  ຫລື ໄດ້ຮັບບາດເຈັບຄວນປະຄົບໂດຍນຳ້ກ້ອນ ຫລື ນຳ້ເຢັນທັນທີ  (ພາຍໃນ 24 – 48 ຊົ່ວໂມງ) ປະຄົບດົນ 20 – 30 ນາທີ, ມື້ລະ 2 – 3 ເທື່ອ ອາການທີ່ຄວນປະຄົບເຢັນ ແມ່ນອາການເຈັບຫົວ, ມີໄຂ້ສູງ, ປວດແຂ້ວ, ປວດບວມຂໍ້ຕີນ, ຂໍ້ເຄັດ, ເລືອດດັງໄຫລ ຫລື ປວດບວມບໍລິເວນອື່ນໆທີ່ເກີດຈາກການໄດ້ຮັບບາດເຈັບ ຫລື ຫາກໍມີອາການໃໝ່ໆ ອາດໃຊ້ເຈວສຳລັບປະຄົບຮ້ອນເຢັນແບບສຳເລັດຮູບ ຫລື ເຮັດຖົງນຳ້ກ້ອນຂຶ້ນໃຊ້ເອງ ໂດຍການໃຊ້ຖົງປລາສະຕິກຂະໜາດພໍດີແລ້ວຕື່ມນຳ້ລ້າປະສົມນຳ້ກ້ອນແນວລະເຄິ່ງໃສ່ໃນຖົງ ກວດເບິ່ງວ່າບໍ່ເຢັນເກີນໄປ ໂດຍການເອົາມາປະຄົບຜິວໜັງ ຖ້າບໍລິເວນ ທີ່ມີອາການເປັນບໍລິເວນມື, ແຂນ, ຂາ ຫລື ຕີນ ອາດໃຊ້ການແຊ່ໃນພາຊະນະທີ່ບັນຈຸນຳ້ເຢັນແທນ ໂດຍແຊ່ດົນປະມານ 15 – 20 ນາທີ.

– ປະຄົບຮ້ອນ ເມື່ອການປະຄົບຮ້ອນຈະເລີ່ມໃຊ້ຫລັງຈາກມີອາການຜ່ານໄປແລ້ວ 48 ຊົ່ວໂມງ  ໃຫ້ປະຄົບເທື່ອລະ 15 – 20 ນາທີມື້ລະ 2 – 3 ເທື່ອ ເພື່ອຫລຸດອາການປວດ ແລະ ຜ່ອນຄາຍກ້າມຊີ້ນ ອາການທີ່ຄວນປະຄົບຮ້ອນ ເຊັ່ນ : ປວດເຄັ່ງຂອງກ້າມຊີ້ນບໍລິເວນຄໍ, ບ່າໄຫລ່, ແຂ່ງ, ປວດປະຈຳເດືອນ ອາດໃຊ້ເຈວສຳລັບປະຄົບຮ້ອນເຢັນແບບສຳເລັດຮູບ, ໃຊ້ກະເປົ໋ານຳ້ຮ້ອນ ຫລື ອາດໃຊ້ຜ້າຂົນໜູຈຸ່ມນຳ້ຮ້ອນ ໂດຍອຸນຫະພູມທີ່ເໝາະສົມ ບໍ່ຄວນເກີນ 45 ອົງສາ, ສິ່ງສຳຄັນທີ່ຕ້ອງຄຳນຶງເຖິງ ຄືບໍ່ຄວນປະຄົບດ້ວຍຄວາມຮ້ອນສູງເກີນໄປ ເພາະຈະເຮັດໃຫ້ຮູ້ສຶກແສບຮ້ອນບໍລິເວນທີ່ປະຄົບນັ້ນ, ບໍ່ຄວນປະຄົບດົນ ຫລື ຖີ່ເກີນໄປ ແລະ ຕ້ອງບໍ່ປະຄົບຮ້ອນໃນບໍລິເວນທີ່ມີບາດແຜເປີດ ຫລື ມີເລືອດອອກ ເພາະຈະຍິ່ງເຮັດໃຫ້ມີການອັກເສບຫລາຍຂຶ້ນ ຈະປະຄົບຮ້ອນໄດ້ກໍຕໍ່ເມື່ອການອັກເສບໜ້ອຍລົງແລ້ວ ເຊິ່ງສັງເກດໄດ້ຈາກບໍ່ມີອາການບວມ, ແດງ, ອອກຮ້ອນ ເປັນຕົ້ນ.

ປະຄົບຮ້ອນ ແລະ ປະຄົບເຢັນ ດີ ແລະ ແຕກຕ່າງກັນແນວໃດ ? - Wave100S AD to Website 2020 0 - ປະຄົບຮ້ອນ ແລະ ປະຄົບເຢັນ ດີ ແລະ ແຕກຕ່າງກັນແນວໃດ ?
ປະຄົບຮ້ອນ ແລະ ປະຄົບເຢັນ ດີ ແລະ ແຕກຕ່າງກັນແນວໃດ ? - WhatsApp Image 2020 05 27 at 5 - ປະຄົບຮ້ອນ ແລະ ປະຄົບເຢັນ ດີ ແລະ ແຕກຕ່າງກັນແນວໃດ ?
ປະຄົບຮ້ອນ ແລະ ປະຄົບເຢັນ ດີ ແລະ ແຕກຕ່າງກັນແນວໃດ ? - WhatsApp Image 2020 05 27 at 5 - ປະຄົບຮ້ອນ ແລະ ປະຄົບເຢັນ ດີ ແລະ ແຕກຕ່າງກັນແນວໃດ ?
error: Alert: ເນື້ອຫາຂ່າວມີລິຂະສິດ !!