1 ໃນ 3 iPhone ຮຸ່ນໃຫມ່ໃຊ້ຈໍ LCD ຂະໜາດ 6.1 ນິ້ວ ອັດຕາສ່ວນສະແດງຜົນ 18:9

ມີຂ່າວລືກ່ອນໜ້ານີ້ວ່າ ໃນປີ 2018 Apple ມີແຜນຈະເປີດຕົວ iPhone ຮຸ່ນໃຫມ່ຈໍານວນ 3 ຮຸ່ນ ໂດຍທີ່ 2 ໃນ 1 ຮຸ່ນຈະມາພ້ອມແຜງຈໍ OLED ຄືກັນກັບຮຸ່ນ iPhone X ແລະ ຫລ້າສຸດກໍມີຂ່າວລືຂອງອີກຮຸ່ນທີ່ເຫຼືອ ຊຶ່ງເປັນຈໍ LCD ອອກມາແລ້ວ.

ຕາມການລາຍງານລະບຸວ່າ iPhone ຮຸ່ນທີ່ເປັນແຜງຈໍ LCD ຈະມີຂະໜາດ 6.1 ນິ້ວ ຊຶ່ງຄາດວ່າອາດຈະເປັນຮຸ່ນລະດັບ Entry-level ຂອງປີ 2018 ໂດຍທີ່ລາຄາຄາດວ່າຈະຢູ່ປະມານ 22.000-25.000 ບາດ (ສະກຸນເງິນໄທ) ແລະ ຫລ້າສຸດກໍມີຂ່າວລືຈາກທາງໄຕ້ຫວັນອ້າງວ່າຈໍ LCD ຂອງຮຸ່ນນີ້ ຈະມາພ້ອມການ​ອອກ​ແບບ​ຫລຸດພື້ນທີ່ຂອບທັງ 4 ດ້ານຂອງ JDI ທີ່ເປີດຕົວເມື່ອເດືອນມິຖຸນາຜ່ານມາ, ໂດຍທີ່ມີອັດຕາສ່ວນສະແດງຜົນ 18:9, ຄວາມລະອຽດ 2,160×1,080 ພິກເຊລ. ສໍາລັບ iPhone ຮຸ່ນຈໍ LCD ມີແວວວ່າຈະໃຊ້ວັດສະດຸອ້ອມເຄື່ອງທີ່ເປັນສະແຕນເລດ ເພື່ອເພີ່ມຄວາມສາມາດໃນການຮັບສົ່ງສັນຍານ ຂະນະທີ່ກ້ອງຫຼັງເປັນເລນດຽວ ແລະ ບໍ່ມີ 3D Touch.