ຖືເອົາບຸນປີໃໝ່ລາວເປັນເທດສະການສົ່ງເສີມການທ່ອງທ່ຽວຂອງປະເທດ

- Untitled design - ຖືເອົາບຸນປີໃໝ່ລາວເປັນເທດສະການສົ່ງເສີມການທ່ອງທ່ຽວຂອງປະເທດ

- 17799223 788567881302023 3689667518244607326 n 225x300 - ຖືເອົາບຸນປີໃໝ່ລາວເປັນເທດສະການສົ່ງເສີມການທ່ອງທ່ຽວຂອງປະເທດວັນ​ທີ 11 ​ເມສາ​ນີ້, ກະຊວງ​ຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ ​ແລະ ບໍລິສັດ ລາວ ອາ​ເມ​ຊິງ ສະຕາ​ເວີ ທ່ອງ​ທ່ຽວ ຈຳກັດ, ​ໄດ້ຮ່ວມ​ກັນ​​ຖະ​ແຫລ​ງຕໍ່​ສື່​ມວນ​ຊົນກ່ຽວ​ກັບ​ການຈັດ​ງານບຸນປີ​ໃໝ່​ລາວເພື່ອ​ສົ່ງ​ເສີມ​ການ ທ່ອງທ່ຽວ​​ວ່າ: ງານ​ດັ່ງກ່າວ ​ແມ່ນ​ຈະ​ເລີ່​ມ​ແຕ່ວັນ​ທີ 13-16 ​ເມສາ​ນີ້, ​ທີ່​ຫາດ​ຊາຍ​ດອນ​ຈັນ, ​ເມືອງ​ຈັນທະ​ບູລີ, ນະຄອນຫລວງ​ວຽງຈັນ, ​ເພື່ອ​ເປັນ​ການ​​ໂຄສະນາ​ການທ່ອງທ່ຽວ​ພາຍ​ໃນ​ປະ​ເທດ​ໃຫ້​ມີ​ຄວາມ​ຄຶກຄື້ນ​ຂຶ້ນ​ກວ່າ​ເກົ່າ, ສປປ ລາວ ​ໄດ້​​​​​ເລືອກ​ເອົາ​ປີ 2018 ​​ເປັນ​ປີ​ທ່ອງ​ທ່ຽວ​ ​ແລະ ​ງານ​ດັ່ງ ກ່າວ ກໍ​ຈະ​ເປັນ​ການ​​ເລີ່​ມຕົ້ນ ​​ເພື່ອປຸກລະດົມ​ໃຫ້​ຄົນ​ລາວ​ຕື່ນ​ຕົວ​ທ່ອງທ່ຽວ​ລາວ​ຫລາຍ​ຂຶ້ນ, ພາຍ​ໃຕ້​ຫົວ​ຂໍ້: ປະ​ເທດ​ລາວສວຍ​ງາມ​ຫລາຍ, ​ຊຶ່ງ​​ໄດ້​ມາ​ຈາກສະຖານ​ທີ່​ທ່ອງ​ທ່ຽວຂອງ​ລາວ, ປະຊາຊົນລາວ ​ແລະ ວັດທະນະທຳ, ຮີດຄອງປະ​ເພນີ​ຂອງລາວ​ທີ່ມີ​ຄວາມ​ສວຍ​ງາມ​​ເປັນ​ພິ​ເສດ ​ແລະ ​ໃນງານຄັ້ງ​​ນີ້ ກໍ​ຈະ​ໄດ້​ນຳ​ເອົາ​ສິ່ງ​ສວຍ​ງາມທີ່​ມີ​ຢ່າງ​ຫລວງ​ຫລາຍ​ມາ​ນຳ​ສະ​ເໜີ ​ແລະ ສະ​ແດງ​ໃຫ້​ກັບ​ຊາວ​ຕ່າງ​ຊາດທີ່​ເຂົ້າ​ມາ​ທ່ອງ​ທ່ຽວ​​ໃນ​ໄລຍະ​ບຸນປີ​ໃໝ່​​ນີ້ ​ໄດ້​ຮູ້ຈັກ ​ແລະ ຮັບ​ຮູ້​ເຖິງ​ວິຖີ​ຊີວິດ​ຂອງ​ປະຊາຊົນ​ລາວ​ທີ່​ມີມາ​ແຕ່​ບູຮານ​ນະ​ການ, ພ້ອມ​ທັງກິດຈະກຳ​ຕ່າງໆ​ເພື່ອ​​ເປັນ​ການ​ດຶງດູດ​ນັກ​ທ່ອງ​ທ່ຽວ​ຈາກຕ່າງປະ​ເທດ ​ແລະ ປະຊາຊົນ​ລາວຫັນ​ມາ​ທ່ອງ​ທ່ຽວ​ໃນ​ລາວ​ນັບ​ມື້​ຫລາຍ​ຂຶ້ນ, ​ໂດຍ​ເລືອກ​ເອົາເຕັ້ນ​ບັດສະຫລົບ​ລວມໝູ່, ການ​ຮ້ອງ​ເພັງ​ຈາກ​ສິລະ​ປິນ, ຫລີ້ນ​ກິລາປະ​ເພນີ ​ແລະ ກິດຈະກຳ​ຕ່າງໆ​ເພື່ອ​ສ້າງ​ຄວາມ​ຕື່ນຕາ​ຕື່ນ​ໃຈ​ໃຫ້​ກັບ​ນັກ​ທ່ອງ​ທ່ຽວ​ເຊັ່ນ: ການ​ສ້າງ​ອຸມົງ​ນ້ຳຂອງທີ່​ມະຫັດສະຈັນ ​ແບບ​ບໍ່​ເຫັນ​ຢູ່​ໃສ​ມາ​ກ່ອນ, ພ້ອມ​ທັງ​ມີ​ກິດຈະກຳ​ສາວ​ນ້ອຍ​ຕົກ​ນ້ຳ ​ແລະ ອື່ນໆ, ພິ​ເສດ ຈະມີ​ນັກ​ຮ້ອງ​ຊື່​ດັງ​ຈາກ​ປະ​ເທດ​​ເພື່ອນ​ບ້ານ​ມາ​ຮ່ວມ​ຂັບ​ຮ້ອງ​ໃຫ້​ຄວາມ​ມ່ວນ​ຊື່ນຕື່ມ​ອີກ.

ທ່ານພູເມດ ມະນູ​ພິບູນ ປະທານ​​ເຈົ້າ​ໜ້າ​ທີ່​ບໍລິຫານບໍລິສັດ ລາວ ອາ​ເມ​ຊິງ ​ມີ​ຄຳ​ເຫັນ​ວ່າ: ​​ໃນ​ປີຜ່ານມາ, ມີ​ຜູ້​ເຂົ້າ​ຮ່ວມຫລີ້ນ​ກິດຈະກຳ​ຢູ່​ຫາດ​ຊາຍ​ຫລາຍ​​ເກືອບ​ແສນ​ຄົນ ​ແລະ ຄາດ​ວ່າ​ປີ​ນີ້ ຈະ​ສາມາດດືງດູດ​ນັກ​ທ່ອງ​ທ່ຽວ​​ເຂົ້າ​ຮ່ວມ​ກິດຈະກຳ​ຢູ່​ຫາດ​ຊາຍ​ຫລາຍ​ກວ່າ​ປີຜ່ານມາ​ເທົ່າ​ຕົວຢ່າງ​ແນ່ນອນ ຍ້ອນປີ​ນີ້​ມີ​ຫລາຍ​ກິ​ດຈະ​ກຳທີ່​ຕື່ນ​ຕາ​ຕື່ນ​ໃຈ.

- Wave100S AD to Website 2020 0 - ຖືເອົາບຸນປີໃໝ່ລາວເປັນເທດສະການສົ່ງເສີມການທ່ອງທ່ຽວຂອງປະເທດ
- WhatsApp Image 2020 05 27 at 5 - ຖືເອົາບຸນປີໃໝ່ລາວເປັນເທດສະການສົ່ງເສີມການທ່ອງທ່ຽວຂອງປະເທດ
- WhatsApp Image 2020 05 27 at 5 - ຖືເອົາບຸນປີໃໝ່ລາວເປັນເທດສະການສົ່ງເສີມການທ່ອງທ່ຽວຂອງປະເທດ
error: Alert: ເນື້ອຫາຂ່າວມີລິຂະສິດ !!