ສ່ວນແບ່ງຂອງຜູ້ເຖົ້າໃນຕະຫລາດແຮງງານຍີ່ປຸ່ນ

ສ່ວນແບ່ງຂອງຜູ້ເຖົ້າໃນຕະຫລາດແຮງງານຍີ່ປຸ່ນ - 65cab57b7669bbjbe5j7h - ສ່ວນແບ່ງຂອງຜູ້ເຖົ້າໃນຕະຫລາດແຮງງານຍີ່ປຸ່ນ
ສ່ວນແບ່ງຂອງຜູ້ເຖົ້າໃນຕະຫລາດແຮງງານຍີ່ປຸ່ນ - Untitled design - ສ່ວນແບ່ງຂອງຜູ້ເຖົ້າໃນຕະຫລາດແຮງງານຍີ່ປຸ່ນ

#ວິເສດ ສະແຫວງສຶກສາ.

ມີເລື່ອງທີ່ໜ້າສົນໃຈບົດໜຶ່ງ ທີ່ຜູ້ຂຽນຖອດຈາກໜັງສືພິມ ວຽງຈັນທາມ (Vientiane Times)ສະບັບວັນທີ 22 ເດືອນ ມັງກອນນີ້, ມາສະເໜີໃຫ້ ທ່ານ ຜູ້ ອ່ານຊາບ. ເປັນເລື່ອງ ການນຳໃຊ້ ຢ່າງສະຫລາດສ່ອງໃສຂອງ ທາງການຍີ່ປຸ່ນ ເພື່ອໃຫ້ຄົນທີ່ ຢູ່ໃນໄວ “ຍອດທອງຕະບອງ ຍອດເພັດ” ປະກອບສ່ວນເຫື່ອ ແຮງ ແລະ ຄວາມຊຳນານງານ ຂອງພວກຕົນ ເຂົ້າໃນການພັດທະ ນາເສດຖະກິດ. ໃນປັດຈຸບັນຍີ່ ປຸ່ນພວມປະເຊີນກັບບັນຫາຂາດ ເຂີນແຮງງານຍ້ອນຈຳນວນຜູ້ ເຖົ້າກຳລັງລົ້ນປະເທດບວກກັບ ການເກີດນັບມື້ຫລຸດໜ້ອຍຖອຍ ລົງ. ແຕ່ໃນທີ່ສຸດທາງການຍີ່ ປຸ່ນກໍສາມາດຊອກພົບທາງອອກເປັນເທື່ອລະກ້າວນັ້ນກໍຄືການ ກຳນົດນະໂຍບາຍສືບຕໍ່ນຳໃຊ້ ແຮງງານພະນັກງານອະວຸໂສ ບຳນານໃຫ້ ເໝາະສົມກັບ ໄວວຸດ ທິ ແລະ ເປັນໄປຕາມຄວາມສະໝັກໃຈ.

ໃນເບື້ອງຕົ້ນນັ້ນຍີ່ປຸ່ນຊຸກຍູ້ພະນັກງານເຖົ້າແກ່ໃກ້ຈະບຳ ນານ ຫລື ເຂົ້າບຳນານໄປ ແລ້ວ ສືບຕໍ່ເຮັດວຽກໃນຂະແໜງທີ່ ຂາດເຂີນພະນັກງານປ່ຽນແທນ ເມື່ອສອງປີກ່ອນ ໄດ້ຍິນວ່າ ໄດ້ມີນະໂຍບາຍຊຸກຍູ້ໃຫ້ນັກບິນເຖົ້າ ສືບຕໍ່ເຮັດວຽກຕາມເງື່ອນໄຂສະດວກຍ້ອນຍີ່ປຸ່ນຍັງພົບບັນຫາ ຂາດເຂີນນັກບິນ. ແຕ່ແລ້ວ ຫວ່າງບໍ່ດົນມານີ້ ລັດຖະບານຍີ່ ປຸ່ນໄດ້ພິຈາລະນາຢ່າງ ເອົາການ ເອົາງານເພື່ອປັບຂຶ້ນອາຍຸເຂົ້າ ບຳນານ, ຊຸກຍູ້ໃຫ້ພະນັກງານ ຫລັງເຂົ້າບຳນານແຕ່ 65-70 ປີ ແລະ ຫລັງ 70 ປີສືບຕໍ່ເຮັດ ວຽກດ້ວຍນະໂຍບາຍຈູງໃຈທີ່ຜູ້ ຂຽນ ເຫັນວ່າດີທີ່ສຸດ. ໃນວັນທີ 17 ເດືອນນີ້ລັດຖະບານຍີ່ປຸ່ນ ໄດ້ ເລີ່ມກຽມຮ່າງນະໂຍບາຍໃໝ່ ກ່ຽວກັບການນຳໃຊ້ແຮງງານ ພະນັກງານອະວຸໂສຫລັງບຳ ນານດ້ວຍການສະໜອງປະ ໂຫຍດທາງການເງິນ. ອາຍຸສຳ ລັບເຂົ້າບຳນານຢູ່ຍີ່ປຸ່ນແມ່ນ 65 ປີ ແຕ່ກໍມີຂໍ້ໂຍະຍານໃຫ້ພະ ນັກງານສາມາດສະເໜີເຂົ້າ ບຳນານໄດ້ແຕ່ ອາຍຸ 60-70ປີ.

 

ສ່ວນແບ່ງຂອງຜູ້ເຖົ້າໃນຕະຫລາດແຮງງານຍີ່ປຸ່ນ - Wave100S AD to Website 2020 0 - ສ່ວນແບ່ງຂອງຜູ້ເຖົ້າໃນຕະຫລາດແຮງງານຍີ່ປຸ່ນ

ສຳລັບນະໂຍບາຍໃໝ່ນີ້, ຖ້າໃຜ ສະໝັກໃຈ ເຂົ້າບຳນານຫລັງອາຍຸກຳນົດ ເຂົ້າບຳນານ (ຄື 65 ປີ) ຈະໄດ້ຮັບເງິນບຳນານເພີ່ມ ຂຶ້ນຫລາຍ ກວ່າຜູ້ທີ່ເຂົ້າບຳນານ ໃນອາຍຸ 65ປີ. ໝາຍຄວາມວ່າ ຖ້າໃຜເຂົ້າບຳນານເວລາອາຍຸ 66 ປີ (1 ປີ ຫລັງອາຍຸບຳນານ ທາງການ) ຈະໄດ້ເງິນເບ້ຍບຳ ນານຫລາຍກວ່າຜູ້ເຂົ້າບຳນານ ໃນອາຍຸ 65 ປີ 0,7% ຖ້າລວມ ໝົດປີອັດຕາສ່ວນເພີ່ມກໍຈະເປັນ 8,4% ສຳລັບຜູ້ທີ່ເຂົ້າບຳນານ ໃນອາຍຸ 67,68,69,70 ປີ… ກໍ ຈະໄດ້ຮັບເງິນເບ້ຍບຳນານສູງ ຂຶ້ນຕາມລຳດັບ. ຂ່າວບອກວ່າ ລັດຖະບານຍີ່ປຸ່ນມີແຜນຈະປັບ ຂຶ້ນອາຍຸເຂົ້າບຳນານເປັນ 70 ປີ ແລະ ໃຫ້ສິດສະໝັກໃຈເຂົ້າຮັບ ບຳນານຫລັງ 70 ປີ ໂດຍຈະໄດ້ ຮັບນະໂຍບາຍຊຸກຍູ້ຕື່ມ. ຢູ່ລາວ ພວກເຮົາແຮງງານໜຸ່ມຍັງມີ ເຫລືອເຟືອແຕ່ກໍຄວນເບິ່ງໄວ້ແຕ່ ເນີ້ນໆ ວ່າມີວັນໜຶ່ງປະເທດພວກ ເຮົາຕ້ອງກາຍ ເປັນສັງຄົມຜູ້ເຖົ້າ ແລ້ວກໍຈະມີຄວາມຈຳເປັນນຳໃຊ້ ແຮງງານຜູ້ເຖົ້າດ້ວຍນະໂຍບາຍ ຊຸກຍູ້. ອາດກຳນົດວ່າ ໃຜແກ່ຍາວ ເຮັດວຽກວິຊາສະເພາະ (ບໍ່ແມ່ນ ແກ່ຍາວຍ້ອນຮັກສາຕັ່ງ) ຫລັງປີ ບຳນານກໍຍິ່ງ ຈະໄດ້ຮັບອັດຕາ ເງິນຫລາຍຂຶ້ນ. ແຕ່ເລື່ອງນີ້ຕ້ອງ ເບິ່ງປະສິດທິພາບຂອງວຽກ ແລະ ຖົງງົບປະ ມານຂອງລັດຖະບານ. ສຳລັບຢູ່ຍີ່ປຸ່ນນັ້ນນະໂຍບາຍທີ່ ຈະເພີ່ມເງິນບຳນານສຳລັບຜູ້ ເຂົ້າ ບຳນານຫລັງປີບຳນານ ນັ້ນກໍຍັງ ເປັນພຽງແຜນແຕ່ເຊື່ອວ່າຄົງຈະກາຍເປັນຈິງເພາະບັນຫາຂາດ ເຂີນແຮງງານບີບບັງຄັບ. ຍີ່ປຸ່ນ ໄດ້ກຳນົດໄວອອກແຮງງານ ຂອງພົນລະເມືອງແຕ່ 15-64 ປີ ເຊິ່ງມີຈຳນວນ 87 ລ້ານຄົນໃນປີ 1995. 20 ປີ ຫລັງຈາກນັ້ນ (ປີ2015) ຈຳນວນຄົນໃນໄວອອກ ແຮງງານໄດ້ຫລຸດລົງ 10 ລ້ານ ຍັງເຫລືອພຽງ 77 ລ້ານຄົນ. ສະ ຖິຕິປີ 2016 ຊີ້ອອກວ່າສ່ວນ ແບ່ງຂອງຜູ້ເຖົ້າໃນຕະຫລາດ ແຮງງານຍີ່ປຸ່ນນັ້ນມີ 7,7 ລ້ານຄົນ ແລະ ແຜນການສຳຫລວດພົບ ວ່າ 40% ຂອງຄົນຍີ່ປຸ່ນທີ່ມີອາ ຍຸກາຍ 60 ປີນັ້ນຕ້ອງການສືບ ຕໍ່ເຮັດວຽກຫລັງບຳນານ ແລະ ຫລັງອາຍຸ 70 ປີ./.

+ ແຮງງານລາວຢູ່ໄທແສນກວ່າຄົນອາດຖືກສົ່ງກັບປະເທດຍ້ອນບໍ່ໄປຂຶ້ນທະບຽນແຮງງານ

+ ຂະແໜງແຮງງານຖືເອົາວຽກງານສຶກສາອົບຮົມແນວຄິດພະນັກງານຕີຖອຍປະກົດການຫຍໍ້ທໍ້

ສ່ວນແບ່ງຂອງຜູ້ເຖົ້າໃນຕະຫລາດແຮງງານຍີ່ປຸ່ນ - 65cab57b7669bbjbe5j7h - ສ່ວນແບ່ງຂອງຜູ້ເຖົ້າໃນຕະຫລາດແຮງງານຍີ່ປຸ່ນ
(ພາບປະກອບ)
ສ່ວນແບ່ງຂອງຜູ້ເຖົ້າໃນຕະຫລາດແຮງງານຍີ່ປຸ່ນ - WhatsApp Image 2020 05 27 at 5 - ສ່ວນແບ່ງຂອງຜູ້ເຖົ້າໃນຕະຫລາດແຮງງານຍີ່ປຸ່ນ
ສ່ວນແບ່ງຂອງຜູ້ເຖົ້າໃນຕະຫລາດແຮງງານຍີ່ປຸ່ນ - WhatsApp Image 2020 05 27 at 5 - ສ່ວນແບ່ງຂອງຜູ້ເຖົ້າໃນຕະຫລາດແຮງງານຍີ່ປຸ່ນ
error: Alert: ເນື້ອຫາຂ່າວມີລິຂະສິດ !!