ປະກອບຄໍາເຫັນໃສ່ຮ່າງກົດໝາຍ 4 ສະບັບໃນຂົງເຂດເສດຖະກິດ

- Untitled design - ປະກອບຄໍາເຫັນໃສ່ຮ່າງກົດໝາຍ 4 ສະບັບໃນຂົງເຂດເສດຖະກິດ

ຄະນະປະຈໍາສະພາແຫ່ງຊາດໄດ້ເຫັນດີໃຫ້ກໍາມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ຈັດກອງປະຊຸມເປີດກວ້າງຂອງຕົນຂຶ້ນໃນວັນທີ 6-7 ເມສານີ້ທີ່ແຂວງວຽງຈັນ, ເພື່ອຄົ້ນຄວ້າປະກອບຄໍາເຫັນໃສ່ຮ່າງກົດໝາຍ 4 ສະບັບຄື: ຮ່າງກົດໝາຍວ່າດ້ວຍຄື້ນຄວາມຖີ່ວິທະຍຸສື່ສານ, ຮ່າງກົດໝາຍວ່າດ້ວຍການປົກປ້ອງຂໍ້ມູນອີເລັກໂຕລນິກ, ຮ່າງກົດໝາຍວ່າດ້ວຍນໍ້າ ແລະ ຊັບພະຍາກອນນໍ້າ ແລະ ຮ່າງກົດໝາຍວ່າດ້ວຍໄຟຟ້າໃນຂົງເຂດເສດຖະກິດ, ເຊິ່ງເປັນເນື້ອໃນໜຶ່ງທີ່ຈະນໍາເຂົ້າພິຈາລະນາໃນກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ໃຫ້ມີເນື້ອໃນຄົບຖ້ວນ, ຮັດກຸມ ແລະ ສອດຄ່ອງກັບສະພາບການຂະຫຍາຍຕົວທາງດ້ານເສດຖະກິດ-ສັງຄົມຂອງປະເທດເຮົາໃນໄລຍະໃໝ່, ພ້ອມກັນນັ້ນກໍເພື່ອເປັນການທາບທາມຄໍາຄິດເຫັນ ແລະ ສ້າງຄວາມເຂົ້າໃຈຕໍ່ເນື້ອໃນຂອງຮ່າງກົດໝາຍໃຫ້ແກ່ບັນດາສະມາຊິກສະພາແຫ່ງຊາດນໍາໄປຄົ້ນຄວ້າ, ປະກອບຄໍາຄິດເຫັນໃນກອງປະຊຸມຢ່າງມີຈຸດສຸມ ແລະ ເຮັດໃຫ້ການພິຈາລະນາເນື້ອໃນກົດໝາຍໃນກອງປະຊຸມສະພາແຫ່ງຊາດມີຄວາມວ່ອງໄວ, ໃຊ້ເວລາສັ້ນກະທັດລັດ, ແຕ່ຮັບປະກັນທາງດ້ານເນື້ອໃນຖືກຕ້ອງຕາມແນວທາງນະໂຍບາຍຂອງພັກ-ລັດ.

ໃນກອງປະຊຸມຍັງໄດ້ຮັບຟັງການສະເໜີກ່ຽວກັບການສ້າງຮ່າງກົດໝາຍວ່າດ້ວຍການປົກປ້ອງຂໍ້ມູນອີເລັກໂຕລນິກ, ຄວາມຮູ້ເບື້ອງຕົ້ນ ແລະ ການສ້າງຮ່າງກົດໝາຍວ່າດ້ວຍຄື້ນຄວາມຖີ່ວິທະຍຸສື່ສານ, ການປັບປຸງຮ່າງກົດໝາຍວ່າດ້ວຍນໍ້າ ແລະ ຊັບພະຍາກອນນໍ້າ, ຜູ້ແທນທີ່ເຂົ້າຮ່ວມກອງປະຊຸມໄດ້ມີໂອກາດໂອ້ລົມສົນທະນາ ແລະ ຜັດປ່ຽນກັນປະກອບຄໍາເຫັນໃສ່ຮ່າງກົດໝາຍ. ຈາກນັ້ນຄະນະຮັບພິຊອບຈະນໍາເອົາຄໍາຄິດເຫັນຂອງກອງປະຊຸມໄປປັບປຸງ ແລະ ຮຽບຮຽງຮ່າງກົດໝາຍໃຫ້ມີເນື້ອໃນສົມບູນຄົບຖ້ວນສາມາດນໍາເຂົ້າພິຈາລະນາໃນກອງປະຊຸມສະໄໝສາມັນເທື່ອທີ 3 ທີ່ຈະໄຂຂຶ້ນໃນທ້າຍເດືອນເມສານີ້.

- Wave100S AD to Website 2020 0 - ປະກອບຄໍາເຫັນໃສ່ຮ່າງກົດໝາຍ 4 ສະບັບໃນຂົງເຂດເສດຖະກິດ
- WhatsApp Image 2020 05 27 at 5 - ປະກອບຄໍາເຫັນໃສ່ຮ່າງກົດໝາຍ 4 ສະບັບໃນຂົງເຂດເສດຖະກິດ
- WhatsApp Image 2020 05 27 at 5 - ປະກອບຄໍາເຫັນໃສ່ຮ່າງກົດໝາຍ 4 ສະບັບໃນຂົງເຂດເສດຖະກິດ
error: Alert: ເນື້ອຫາຂ່າວມີລິຂະສິດ !!