ແຂວງຊຽງຂວາງກໍານົດ 11 ຄໍາຂວັນງານກິລາແຫ່ງຊາດ

ແຂວງຊຽງຂວາງກໍານົດ 11 ຄໍາຂວັນງານກິລາແຫ່ງຊາດ - 27335416 724181717792404 246248550 o - ແຂວງຊຽງຂວາງກໍານົດ 11 ຄໍາຂວັນງານກິລາແຫ່ງຊາດ
ແຂວງຊຽງຂວາງກໍານົດ 11 ຄໍາຂວັນງານກິລາແຫ່ງຊາດ - Untitled design - ແຂວງຊຽງຂວາງກໍານົດ 11 ຄໍາຂວັນງານກິລາແຫ່ງຊາດ

ພິທີເປີດງານກິລາແຫ່ງຊາດ ຄັ້ງທີ 11 ຖືໄດ້ວ່າແຂວງຊຽງຂວາງເຈົ້າພາບງານມະຫະກໍາກິລາແຫ່ງຊາດ ຄັ້ງທີ 11 ເລືອກໝາຍເລກໄດ້ຖືກໃຈຫລາຍໆຄົນ ພາຍຫລັງ ກໍານົດ 11 ຄໍາຂວັນ ປະຈໍາງານດັ່ງກ່າວທີ່ຈະເປີດສາກຂຶ້ນຢ່າງເປັນທາງການໃນທ້າຍປີນີ້ ພ້ອມທັງກໍານົດພິທີເປິດງານຢ່າງເປັນທາງການໃນວັນທີ 11 ພະຈິກ 2018 (11/11/2018).

ອີງຕາມການລາຍງານຂອງທ່ານ ບົວລີ ພັນນາວົງ ຫົວໜ້າພະແນກສຶກສາທິການ ແລະ ກິລາແຂວງຊຽງຂວາງວ່າ: ພາຍຫລັງແຂວງຊຽງຂວາງໄດ້ຮັບແຈ້ງຈາກລັດຖະບານສະບັບເລກທີ 1021/ຄລບ, ລົງວັນທີ 26/5/2011 ວ່າດ້ວຍການແຈ້ງໃຫ້ຊາວແຂວງຊຽງຂວາງເປັນເຈົ້າພາບຈັດງານມະຫະກາກິລາແຫ່ງຊາດ ຄັ້ງທີ 11 ແລະ ໄດ້ໄປຮັບທຸງເຈົ້າພາບຈາກງານມະຫະກໍາກິລາແຫ່ງຊາດ ຄັ້ງທີ 10 ທີ່ແຂວງອຸດົມໄຊ ໃນວັນທີ 21 ທັນວາ 2014 ເຮັດໃຫ້ພະນັກງານ, ທະຫານ, ຕໍາຫລວດ ແລະ ປະຊາຊົນບັນດາເຜົ່າທົ່ວແຂວງຊຽງຂວາງມີຄວາມຮູ້ສຶກປິ​ຕິ​ຍິນ​ດີ ​ແລະ ເປັນກຽດຢ່າງສູງ.

ຫົວໜ້າພະແນກສຶກສາທິການ ແລະ ກິລາແຂວງຊຽງຂວາງ ກ່າວອີກວ່າ: ມາເຖິງວັນທີ 23 ພະຈິກ 2013 ທາງແຂວງໄດ້ວາງສີລາລຶກ ແລະ ເລີ່ມລົງມືກໍ່ສ້າງໃນຫລາຍໆດ້ານ ໂດຍສະເພາະດ້ານສະໜາມແຂ່ງຂັນ ຈົນເຖິງປັດຈຸບັນສໍາເລັດໄປແລ້ວ 75% ຄາດວ່າຈະສໍາເລັດກ່ອນມື້ເປີດການແຂ່ງຂັນ 5 ເດືອນ. ສ່ວນອີກອັນໜຶ່ງທີ່ສໍາຄັນຄື ຄໍາຂວັນແມ່ນພວກເຮົາກໍານົດເອົາ 11 ຄໍາຂວັນ ປະຈໍາງານການແຂ່ງຂັນ ເພື່ອໃຫ້ຊາວແຂວງຊຽງຂວາງ ກໍຄືຊາວລາວໄດ້ລະນຶກໃນໃຈສະເໝີ ແລະ ປະດັບປະດາທົ່ວແຂວງ ພ້ອມກັນປະຕິບັດ ເນື່ອງໃນໂອກາດອັນສະຫງ່າລາສີນີ້ ດັ່ງນີ້: 1. ສາທາລະນະລັດ ປະຊາທິປະໄຕ ປະຊາຊົນລາວ ໝັ້ນຍືນ. 2. ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ. 3. ປະທານ ໄກສອນພົມວິຫານ ຍືນຍົງ ຢູ່ໃນພາລະກິດປະຕິວັດຂອງພວກເຮົາຕະຫລອດໄປ. 4. ຍິນດີຕ້ອນຮັບສູ່ ງານມະຫະກໍາກິລາແຫ່ງຊາດ ຄັ້ງທີ 11 ຊຽງຂວາງເກມ. 5. ສາມັກຄີມີວິໄນ ໄຊຊະນະເປັນພາລະກິດຂອງໝົດທຸກຄົນ. 6. ກິລາ ເພື່ອສຸຂະພາບມິດຕະພາບ ເພື່ອການພັດທະນາ. 7. ຊົມເຊີຍງານມະຫະກໍາກິລາແຫ່ງຊາດ ຄັ້ງທີ 11 ຢ່າງສຸດໃຈ. 8. ກິລາມີວິໄນໃສສະອາດຍາດໄດ້ໄຊຊະນະ. 9. ຊຽງຂວາງ ມີນໍ້າໃຈໄມຕີຈິດມິດຕະພາບ ແລະ ຄວາມໝັ້ນຄົງ. 10. ລວມພະລັງສາມັກຄີເປັນເຈົ້າພາບທີ່ດີ ຈັດງານມະຫະກໍາກິລາແຫ່ງຊາດ ຄັ້ງທີ 11 ​ແລະ 11. ຊຽງຂວາງວິລະຊົນອົດທົນ ຜ່ານຜ່າອາດຫານຊານໄຊກ້າວໄປສູ່ການພັດທະນາ.

ແຂວງຊຽງຂວາງກໍານົດ 11 ຄໍາຂວັນງານກິລາແຫ່ງຊາດ - Wave100S AD to Website 2020 0 - ແຂວງຊຽງຂວາງກໍານົດ 11 ຄໍາຂວັນງານກິລາແຫ່ງຊາດ
ແຂວງຊຽງຂວາງກໍານົດ 11 ຄໍາຂວັນງານກິລາແຫ່ງຊາດ - WhatsApp Image 2020 05 27 at 5 - ແຂວງຊຽງຂວາງກໍານົດ 11 ຄໍາຂວັນງານກິລາແຫ່ງຊາດ
ແຂວງຊຽງຂວາງກໍານົດ 11 ຄໍາຂວັນງານກິລາແຫ່ງຊາດ - WhatsApp Image 2020 05 27 at 5 - ແຂວງຊຽງຂວາງກໍານົດ 11 ຄໍາຂວັນງານກິລາແຫ່ງຊາດ
error: Alert: ເນື້ອຫາຂ່າວມີລິຂະສິດ !!