ກອງປະຊຸມໃຫຍ່ຊົນຊາດຊີຣີ ຮັບຮອງເອົາເອກະສານ 3 ສະບັບ

ຊີຣີຕ້ອງ​ກາຍ​ເປັນປະ​ເທດ​ປະຊາທິປະ​ໄຕ ​ແລະ ປະຊາຊົນ​ມີ​ສິດ​ຕັດສິນ​ອະນາຄົດ​ຂອງ​ຕົນ. ນີ້​ແມ່ນ​ໜຶ່ງ​ໃນ​ບັນດາ​ເນື້ອ​ໃນຕົ້ນຕໍ​ໃນ​ຖະ​ແຫລ​ງການ​ຂອງ​ກອງ​ປະຊຸມ​ໃຫຍ່​ເຈລະຈາ​ຊົນ​ຊາດ​ຊີຣີ ຢູ່​ໂຊ​ຊິ ທີ່​ໄດ້​ປະກາດ​ໃນ​ວັນ​ທີ 30 ມັງກອນ​ຜ່ານ​ມາ ຜ່ານ​ເວັບ​ໄຊ​ຂອງ​ກະຊວງ​ການ​ຕ່າງປະ​ເທດຣັດ​ເຊຍ.

ກອງ​ປະຊຸມ​ໃຫຍ່​ເຈລະຈາ​ຊົນ​ຊາດ​ຊີຣີ ຖືກ​ດຳ​ເນີນ​ໃນ​ວັນ​ທີ 30 ມັງກອນ ຢູ່​ໂຊ​ຊິ ດ້ວຍ​ການ​ເຂົ້າຮ່ວມ​ຂອງ​ຜູ້​ແທນ 1.393 ຄົນ ​ແລະ ນັກ​ສັງ​ເກດ​ການ​ກວ່າ 50 ຄົນ. ກອງ​ປະຊຸມ​ໃຫຍ່​ໄດ້​ຮັບຮອງ​ເອົາ​ເອກະສານ​ສຳຄັນ 3 ສະບັບ ລວມມີ​ຖະ​ແຫລ​ງການສິ້ນສຸດ​ກອງ​ປະຊຸມ​ໃຫຍ່, ຈົດໝາຍ​ຮຽກຮ້ອງ​ຂອງ​ບັນດາ​ຜູ້​ແທນ​ເຂົ້າຮ່ວມ​ກອງ​ປະຊຸມ ​ແລະ ບັນຊີ​ລາຍ​ຊື່​ຜູ້​ສະໝັກ​ເຂົ້າຮ່ວມ​ຄະນະ​ກຳມະການ​ຄົ້ນຄວ້າ​ກ່ຽວ​ກັບ​ບັນດາ​ບັນຫາ​ກ່ຽວຂ້ອງ​ເຖິງ​ການ​ຮຽບຮຽງ​ລັດຖະທຳ​ມະນູນ. ໝາຍ​ຄວາມ​ວ່າ​ເຂົ້າຮ່ວມ​ຄະນະ​ກຳມະການ​ລັດຖະທຳ​ມະນູນ. ຣັດ​ເຊຍ ຖະ​ແຫລ​ງວ່າ: ກອງ​ປະຊຸມ​ໃຫຍ່​ເຈລະຈາ​ຊົນ​ຊາດ​ຊີຣີ​ແມ່ນ​ບາດກ້າວ​ສຳຄັນ​ທຳ​ອິດ​ໃນ​ການ​ໄກ່​ເກ່ຍປອງ​ດອງ​ຊາດ​ຢູ່​ຊີຣີ ​ແລະ ​ເບິ່ງ​ລວມ​ແລ້ວ​ແມ່ນ​ບັນລຸ​ຜົນສຳ​ເລັດ.