FCC ເຜີຍ Nokia ຮຸ່ນໃໝ່ ມີຂະໜາດນ້ອຍຢ່າງບໍ່ໜ້າເຊື່ອ

FCC (Federal Communication Commission : ຄະນະກໍາມະການກາງ​ເບິ່ງ​ແຍງກິດຈະການສື່ສານ ໄດ້ສະແດງໃຫ້ເຫັນວ່າ ໂທລະສັບມືຖືຮຸ່ນໃໝ່ຂອງ HMD ທີ່ມີລະຫັດຮຸ່ນ TA-1056 ນັ້ນ ມີຂະໜາດນ້ອຍຫຼາຍ ຄື: 133 x 68 ມມ ຊຶ່ງນ້ອຍກວ່າ Nokia 2 ທີ່ມີຂະໜາດຕົວເຄື່ອງ 143.5 x 71.3 ມມ ແລະ ອາດມີອັດຕາສ່ວນໜ້າຈໍ 16:9 ດ້ວຍ. ນອກຈາກນີ້ TA-1056 ຍັງຮອງຮັບການ​ເຮັດ​ວຽກ 2 ຊິມ,  ຖອດປ່ຽນແບັດເຕີຣີໄດ້ ແລະ ມີຊ່ອງສຽບຫູຟັງ 3.5 ມມ.

            ເຖິງວ່າຈະຍັງບໍ່ມີຂໍ້ມູນຈະ​ແຈ້ງ ແຕ່ກໍມີການຄາດຄະ​ເນວ່າ Nokia TA-1056 ອາດເປັນ Nokia 1 ທີ່ໃຊ້ລະບົບ Android Go ກໍເປັນໄດ້.