ຜູ້ນຳທີ່ເປັນແບບຢ່າງແຫ່ງປີ

- advert banner 728 90 728x90 - ຜູ້ນຳທີ່ເປັນແບບຢ່າງແຫ່ງປີ

- Untitled 1 4 - ຜູ້ນຳທີ່ເປັນແບບຢ່າງແຫ່ງປີໂດຍ: ທິດ​ກໍ່າ

- new3 - ຜູ້ນຳທີ່ເປັນແບບຢ່າງແຫ່ງປີ

ຕາມທິດກໍ່າວ່າ, ໃນປີ 2559 ຜ່ານມາ ເປັນປີທີ່ພວກເຮົາມີໂຊກມີໄຊ, ເປັນປີເງິນປີທອງ ແລະ ເປັນປີທີ່ມີ ຫຼາຍເຫດການໃນລັກສະນະປະຫວັດສາດຂອງຊາດ. ເປັນຫຍັງຈຶ່ງວ່າແນວນັ້ນ ? ຍ້ອນວ່າພວກເຮົາສາມາດເຮັດ ໄດ້ຫຼາຍວຽກ, ມີຜົນງານໂດດເດັ່ນໃນຫຼາຍດ້ານ ແລະ ໄດ້ຮັບໄຊຊະນະໃນຫຼາຍຂົງເຂດນັບທັງຢູ່ພາຍໃນ ແລະ ພັນ ທະໜ້າທີ່ຕໍ່ສາກົນ. ສໍາລັບຢູ່ພາຍໃນທີ່ມີເຫດການໃນລັກສະນະປະຫວັດສາດກໍແມ່ນໄດ້ເປີດກອງປະຊຸມຜູ້ແທນ ທົ່ວປະເທດຄັ້ງທີ 10 ຂອງພັກ; ໄດ້ປ່ອນບັດເລືອກຕັ້ງເອົາຜູ້ແທນສະພາແຫ່ງຊາດຊຸດທີ 8 ແລະ ຜູ້ແທນສະພາ ຂັ້ນແຂວງ. ຫຼັງຈາກນັ້ນກໍໄດ້ມີຄະນະບໍລິຫານງານສູນກາງພັກ, ຄະນະຜູ້ແທນສະພາແຫ່ງຊາດ ແລະ ຄະນະລັດຖະ ບານຊຸດໃໝ່ຕາມຄວາມມຸ້ງມາດປາດຖະໜາຂອງປວງຊົນລາວທັງຊາດ.

ນັບແຕ່ມື້ພວກເຮົາໄດ້ມີແກນນໍາຊຸດໃໝ່ຂອງປະເທດຊາດເປັນຕົ້ນມາຮອດປັດຈຸບັນກໍເຫັນໄດ້ວ່າບ້ານເມືອງ ເຮົາໄດ້ສືບຕໍ່ມີສະຖຽນລະພາບໝັ້ນຄົງໜັກແໜ້ນ ແລະ ມີການສ້າງສາພັດທະນາເດີນໜ້າໄປຕິກໆ. ເວົ້າແຈ້ງໃນ ແຜນພັດທະນາເສດຖະກິດ-ສັງຄົມທັງສືບສານອັນເກົ່າ ແລະ ໃນແຜນອັນໃໝ່ກໍໄດ້ຮັບການປັບປຸງແກ້ໄຂທັງກໍ່ ສ້າງ ແລະ ເສີມຂະຫຍາຍໃຫ້ກ້າວສູ່ຜົນສໍາເລັດຢ່າງໜັກແໜ້ນ ແລະ ເພິ່ງພໍໃຈຂອງປວງຊົນລາວທັງຊາດ. ສິ່ງດັ່ງ ກ່າວບໍ່ພຽງແຕ່ສ້າງບົດບາດ, ກຽດຊື່ສຽງຄວາມເຊື່ອໝັ້ນ ແລະ ຄວາມໄວ້ເນື້ອເຊື່ອໃຈໃນການນໍາພາຂອງພັກ; ແຕ່ຍັງເປັນການສະແດງໃຫ້ເຫັນເຖິງຄວາມປີຊາສາມາດໃນການຊີ້ນໍາ-ນໍາພາຂອງພັກ ແລະ ລັດຖະບານໃນບັນ ດາປັດໃຈ ແລະ ເງື່ອນໄຂອັນໃໝ່ຕາມຂະບວນວິວັດທະນາການແຫ່ງການປ່ຽນແປງຂອງໂລກ. ແນ່ນອນໃນການ ບໍລິຫານປົກຄອງບ້ານເມືອງນັ້ນຍ່ອມເດີນໄປຕາມຈັງຫວະ ແລະ ກົດເກນແຫ່ງການເຕີບໃຫຍ່ຂະຫຍາຍຕົວຂອງ ສັງຄົມແຕ່ລະໄລຍະຕາມຍຸກຕາມສະໄໝ. ແຕ່ສິ່ງສໍາຄັນຈະເດີນໜ້າ ຫຼື ຖອຍຫຼັງຢາກໄປໄວ ຫຼື ໄປຊ້ານັ້ນ ມັນກໍຂຶ້ນ ກັບຄົນເປັນຜູ້ເຮັດເປັນຜູ້ສ້າງມັນຂຶ້ນມາ. ໃນພາລະກິດສ້າງສາປະເທດຊາດບ້ານເມືອງນັ້ນ ອັນສໍາຄັນມັນກໍຂຶ້ນ ກັບຫົວຈັກ ຫຼື ຖ້າຈະເວົ້າແຈ້ງແລ້ວມັນກໍຂຶ້ນກັບນາຍ ຫຼືວ່າ ຫົວໜ້າເປັນຜູ້ຕັດສິນຊີ້ຂາດຕາມຫຼັກການລວມສູນ ປະຊາທິປະໄຕຂອງພັກ.

ຕາມທິດກໍ່າຄິດ, ສິ່ງທີ່ແຕກຕ່າງໃນຄະນະລັດຖະບານຊຸດທີ 8 ເຊິ່ງທິດກໍ່າອົດຍ້ອງບໍ່ໄດ້ນັ້ນ ກໍຄືຄວາມເດັດ ຂາດຈິງຈັງຈິງໃຈທັງເປັນຕົວແບບ ແລະ ຕົ້ນແບບຂອງການເປັນຜູ້ນໍາແຫ່ງປີ ຫຼື ອາດເວົ້າໄດ້ວ່າກາຍເປັນຍຸກປະ ຫວັດສາດຂອງປະເທດ. ທິດກໍ່າຂໍຍົກເອົາໂຕທີ່ເດັ່ນໆມາເປັນໄມ້ຫຼາວັດແທກ ຫຼື ເປັນຕົ້ນແບບຕົວແບບທີ່ພວກ ເຮົາທຸກຄົນພາຍໃນຊາດຄວນໄດ້ຈາລຶກ ແລະ ໃຫ້ການຍົກຍ້ອງ ຄືອັນທີໜຶ່ງແມ່ນການປິດປ່າຢ່າງຊິ້ນເຊີງໂດຍມີ ຄໍາສັ່ງເລກທີ 15 ນຍ ເປັນໄມ້ຄ້ອນຕະບອງເພັດກົກຊີ້ຕາຍປາຍຊີ້ເປັນ. ອັນທີສອງແມ່ນເວົ້າເລື່ອງການປະຢັດຈົນ ເຖິງຂັ້ນສະຫຼະລົດປະຈໍາຕໍາແໜ່ງທີ່ຫຼູຫຼາລາຄາແພງປະມູນອອກຂາຍເພື່ອນໍາເອົາເງິນທີ່ໄດ້ມານັ້ນເຂົ້າງົບປະມານ ຂອງລັດແລ້ວຫັນໄປຊື້ເອົາລົດທີ່ມີລາຄາຢ່າງເໝາະສົມມານໍາໃຊ້ເຂົ້າໃນວຽກງານອັນຈໍາເປັນ. ນີ້ລະຄືຕົວແບບຂອງ ການປະຢັດຊັດທ່ຽງ. ອັນທີສາມແມ່ນເວົ້າເລື່ອງການສໍ້ລາດບັງຫຼວງ ເຊິ່ງໃນຫຼາຍປີຜ່ານມາເກືອບເວົ້າໄດ້ວ່າຈະ ກາຍເປັນຊໍາເຮື້ອ; ໃນບາງຄັ້ງ ແລະ ບາງກໍລະນີໃຜກໍໄດ້ຍິນຢູ່ໃນຫູ, ໄດ້ເຫັນກັບຕາແລ້ວກໍເອົາມາລັກຂະນາໃນໃຈ ແຕ່ບໍ່ມີໃຜກ້າເວົ້າ. ຈົນວ່າພໍມາຮອດຍຸກຂອງລັດຖະບານຊຸດທີ 8 ກໍສາມາດກວດກາພົບເຫັນ ແລະ ໄດ້ສະສາງ ລ້າງສ່ວຍຢ່າງເດັດຂາດຈິງຈັງສາມາດນໍາເອົາເງິນຈາກພວກຄົນໂກງທັງຫຼາຍມາໄດ້ຫຼວງຫຼາຍສົມຄວນ. ສ່ວນວ່າ ອັນທີສີ່ແມ່ນເວົ້າເລື່ອງຢ່າເສບຕິດ ເຊິ່ງໃນຫຼາຍປີຜ່ານມາເກືອບເວົ້າໄດ້ວ່າປະປ່ອຍໃຫ້ພວກເຈົ້າພໍ່ຍັກກຸມພັນພາ ກັນລອຍນວນຢູ່ໃນສັງຄົມບ້ານເມືອງຈົນເປັນເຫດໃຫ້ສັງຄົມບາງທ້ອງຖິ່ນເກີດຄວາມວຸ້ນວາຍບໍ່ມີຄວາມສະຫງົບ. ປາກົດການຜູ້ເສບ, ຜູ້ຂາຍສິ່ງເສບຕິດມີຢູ່ເກືອບທຸກບ້ານທຸກເມືອງ ແລະ ທຸກທ້ອງຖິ່ນແຜ່ຂະຫຍາຍເປັນວົງ ກວ້າງ ໂດຍປະປ່ອຍໃຫ້ຢາບ້າກາຍເປັນມັດຈຸລາດທໍາລາຍຄົນລາວ, ຂ້າຄົນລາວແຕ່ລະປີໃນທາງກົງ ແລະ ທາງ ອ້ອມ. ດ້ວຍຄວາມຕັດສິນໃຈສູງ ແລະ ເດັດຂາດຂອງລັດຖະບານເຮົາຊຸດປັດຈຸບັນກໍສາມາດປາບພວກເຈົ້າພໍ່ທີ່ ເປັນຕົ້ນເຫດໄດ້ເປັນສ່ວນໃຫຍ່. ມາຮອດປັດຈຸບັນ, ເຖິງວ່າຂະບວນຢາເສບຕິດຍັງມີປາກົດການໃຫ້ເຮົາເຫັນຢູ່ ແຕ່ກໍສາມາດຕັດໄຟຕົ້ນລົມໄດ້ຫຼາຍເຕີບ.

- lattana 1 - ຜູ້ນຳທີ່ເປັນແບບຢ່າງແຫ່ງປີ

ຈາກຜົນງານອັນໂດດເດັ່ນທີ່ໄດ້ກ່າວມານີ້, ເຖິງແມ່ນວ່າເປັນຜົນງານຂອງລວມໝູ່, ເປັນຜົນງານທັງໝົດ ຂອງໝູ່ຄະນະ ແລະ ຂອງປວງຊົນລາວທັງຊາດ ແຕ່ທິດກໍ່າກໍອົດຍ້ອງບໍ່ໄດ້ຈຶ່ງຂໍຍົກໂປ້ໃຫ້ລັດຖະບານຊຸດທີ 8 ເປັນ ອັດສະວິນແຫ່ງປີ ພສ 2559 ໃນນີ້ພິເສດສຸດໃນຄະນະບໍລິຫານງານສູນກາງພັກ ທິດກໍ່າຂໍຍົກໃຫ້ສະຫາຍ ບຸນຍັງ ວໍລະຈິດ ປະທານຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດແຫ່ງ ສປປ ລາວ ແລະ ທ່ານ ອາຈານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ເປັນຜູ້ນໍາແຫ່ງປີ ແລະ ເປັນຂັວນໃຈຂອງ ປວງຊົນລາວທັງຊາດ.

error: Content is protected !!