ເຫຍື່ອລະເບີດຂະບວນລົດຜູ້ອົບພະຍົບຊີຣີ ຕາຍເພີ່ມເປັນ 126 ຄົນ ເປັນເດັກເຖິງ 68

- Untitled design - ເຫຍື່ອລະເບີດຂະບວນລົດຜູ້ອົບພະຍົບຊີຣີ ຕາຍເພີ່ມເປັນ 126 ຄົນ ເປັນເດັກເຖິງ 68

- 560000003989901 300x300 - ເຫຍື່ອລະເບີດຂະບວນລົດຜູ້ອົບພະຍົບຊີຣີ ຕາຍເພີ່ມເປັນ 126 ຄົນ ເປັນເດັກເຖິງ 68     ຊີຣີ 17 ​ເມສາ: ຍອດ​ຜູ້​ເສຍ​ຊີວິດ​ຈາກ​ເຫດ​ລະ​ເບີດ​ລົດ​ຂ້າ​ຕົວ​ຕາຍ ​ໂຈມ​ຕີ​ຂະ​ບວນລົດ​ຂົນ​ຍ້າຍ​ຜູ້​ອົບ​ພະຍົບຊາວ​ຊີຣີຈາກ​ເມືອງ​ອາ​ເລັບ​ໂປ​ໃນ​ວັນ​ທີ 15 ​ເມສາ ​ເພີ່ມ​ຂຶ້ນ​ເປັນ 126 ຄົນ ​ໃນ​ຈຳນວນ​ນີ້​ເປັນ​ເດັກນ້ອຍ​ເຖິງ 68 ຄົນ.

ສຳນັກງານ​ສັງ​ເກດ​ການ​ດ້ານ​ສິດທິ​ມະນຸດ​ຢູ່​ຊີຣີ ​ເຊິ່ງມີ​ສຳນັກງານ​ຢູ່​ນະຄອນຫລວງ​ລອນ​ດອນ​ຂອງ​ອັງກິດ​ລະບຸ​ວ່າ: ມີ​ຜູ້​ອົບ​ພະຍົບຈາກ​ພື້ນທີ່​ຄວບ​ຄຸມ​ຂອງ​ຝ່າຍ​ລັດຖະບານ​ຊີຣີ​ເສຍ​ຊີວິດ​ເຖິງ 109 ຄົນ ​ໃນ​ຈຳນວນ​ນີ້​ເປັນ​ເດັກນ້ອຍ​ເຖິງ 68 ຄົນ. ນອກ​ນັ້ນ​ເປັນ​ເຈົ້າໜ້າ​ທີ່​ໜ່ວຍ​ງານ​ບັນ​ເທົາ​ທຸກ ​ແລະ ກອງ​ກຳລັງ​ຝ່າຍ​ກະບົດ ​ເຊິ່ງ​ປະຕິບັດ​ໜ້າ​ທີ່​ປ້ອງ​ກັນ​ຂະ​ບວນລົດ.

ຂະນະ​ທີ່​ມີ​ລາຍ​ງານ​ຜູ້​ບາດ​ເຈັບ​ຫລາຍ​ຮ້ອຍ​ຄົນ, ​ແຮງ​ລະ​ເບີດ​ເຮັດ​ໃຫ້​ລົດ​ໂດຍສານ​ຫລາຍ​ຄັນ​ເກີດ​ໄຟ​ໄໝ້​ເຜົາ​ຜູ້​ອົບ​ພະຍົບ​ໃນ​ຂະ​ບວນລົດ​ປະມານ 5.000 ຄົນ ທີ່​ພວມ​ກຽມ​ອົບ​ພະຍົບຈາກ​ເມືອງ​ໂຟອາ ​ແລະ ​ເຄບຣາຢາ ​ເຊິ່ງ​ເປັນ​ເມືອງ​ຍຶດຄອງ​ຂອງ​ລັດຖະບານ​ຊີຣີທີ່​ຖືກ​ກຸ່ມ​ກະບົດ​ປິດ​ລ້ອມ​​ໃກ້​ເມືອງ​ອາ​ເລັບ​ໂປ​​ໄປ​ບ່ອນ​ປອດ​ໄພ. ມີ​ລາຍ​ງານ​ວ່າ​ກ່ອນ​ເກີດ​ເຫດ ລົດ​ຕູ້​ຂອງ​ມື​ລະ​ເບີດ​ໄດ້​ຂັບ​ເຂົ້າມາ​ຈອດ​ໃກ້​ຂະ​ບວນລົດ​ເມ ຈາກ​ນັ້ນຄົນ​ຂັບ​ລົງ​ຈາກ​ລົດ​ທຳທ່າ​ວ່າ​ກຽມ​ແຈກ​ເຂົ້າໜົມ ​ເຮັດ​ໃຫ້​ເດັກນ້ອຍ​ຈຳນວນ​ຫລາຍ​ແລ່ນ​ໄປ​ຫາ​ລົດ​ຕູ້​ຄັນ​ດັ່ງກ່າວ​ກ່ອນ​ຈະ​ເກີດ​ລະ​ເບີດ​ຂຶ້ນ ​ໂດຍ​ຍັງ​ບໍ່​ຮູ້​ວ່າ​ຝ່າຍ​ໃດ​ເປັນ​ຜູ້​ລົງມື​ກໍ່​ເຫດ​ຄັ້ງນີ້.

- Wave100S AD to Website 2020 0 - ເຫຍື່ອລະເບີດຂະບວນລົດຜູ້ອົບພະຍົບຊີຣີ ຕາຍເພີ່ມເປັນ 126 ຄົນ ເປັນເດັກເຖິງ 68

​ເຖິງ​ຢ່າງ​ໃດ​ກໍ​ດີ, ຫລັງ​ເກີດ​ເຫດ​ລະ​ເບີດ​ແລ້ວ ການ​ອົບ​ພະຍົບປະຊາຊົນ​ຍັງ​ດຳ​ເນີນ​ຕໍ່​ໄປ ​ແລະ ຜູ້​ອົບ​ພະຍົບ​ເດີນທາງ​ເຖິງ​ຈຸດໝາຍ​ໃນ​ເມືອງ​ຈີບຣິນນອກ​ເມືອງ​ອາ​ເລັບ​ໂປ​ແລ້ວ.

- WhatsApp Image 2020 05 27 at 5 - ເຫຍື່ອລະເບີດຂະບວນລົດຜູ້ອົບພະຍົບຊີຣີ ຕາຍເພີ່ມເປັນ 126 ຄົນ ເປັນເດັກເຖິງ 68
- WhatsApp Image 2020 05 27 at 5 - ເຫຍື່ອລະເບີດຂະບວນລົດຜູ້ອົບພະຍົບຊີຣີ ຕາຍເພີ່ມເປັນ 126 ຄົນ ເປັນເດັກເຖິງ 68
error: Alert: ເນື້ອຫາຂ່າວມີລິຂະສິດ !!