ກອງປະຊຸມເວທີປຶກສາຫາລືການຮ່ວມມືລາວ-ຈີນໃນຂອບ “ໜຶ່ງ​ແລວ ໜຶ່ງ​ເສັ້ນ​ທາງ” ສໍາເລັດຜົນຢ່າງຈົບງາມ

ກອງປະຊຸມເວທີປຶກສາຫາລືການຮ່ວມມືລາວ-ຈີນໃນຂອບ "ໜຶ່ງ​ແລວ ໜຶ່ງ​ເສັ້ນ​ທາງ" ສໍາເລັດຜົນຢ່າງຈົບງາມ - Laos China corporation - ກອງປະຊຸມເວທີປຶກສາຫາລືການຮ່ວມມືລາວ-ຈີນໃນຂອບ “ໜຶ່ງ​ແລວ ໜຶ່ງ​ເສັ້ນ​ທາງ” ສໍາເລັດຜົນຢ່າງຈົບງາມ
ກອງປະຊຸມເວທີປຶກສາຫາລືການຮ່ວມມືລາວ-ຈີນໃນຂອບ "ໜຶ່ງ​ແລວ ໜຶ່ງ​ເສັ້ນ​ທາງ" ສໍາເລັດຜົນຢ່າງຈົບງາມ - Untitled design - ກອງປະຊຸມເວທີປຶກສາຫາລືການຮ່ວມມືລາວ-ຈີນໃນຂອບ “ໜຶ່ງ​ແລວ ໜຶ່ງ​ເສັ້ນ​ທາງ” ສໍາເລັດຜົນຢ່າງຈົບງາມ

​ກອງ​ປະ​ຊຸມ​ເວ​ທີ​ປຶກ​ສາ​ຫາ​ລືການ​ຮ່ວມ​ມືລາວ-ຈີນໃນ​ຂອບ “​ໜຶ່ງ​ແລວ ໜຶ່ງ​ເສັ້ນ​ທາງ” ໄດ້ອັດລົງດ້ວຍຜົນສໍາເລັດຈົບງາມໃນວັນທີ 3 ກຸມພານີ້, ພາຍຫລັງດໍາເນີນມາເປັນເວລາ 2 ວັນ, ທີ່ນະຄອນຫລວງວຽງຈັນ, ໂດຍການເປັນປະທານຮ່ວມຂອງທ່ານ ກິ​ແກ້ວ ໄຂ​ຄຳ​ພິ​ທູນ ຄະ​ນະ​ເລ​ຂາ​ທິ​ການ​ສູນ​ກາງ​ພັກ, ຫົວ​ໜ້າ​ຄະ​ນະ​ໂຄ​ສະ​ນາ​ອົບ​ຮົມ​ສູນ​ກາງ​ພັກປະ​ຊາ​ຊົນປະ​ຕິ​ວັດ​ລາວ ແລະ ທ່ານ ໄຈ ມີງ​ເຈົາ ກຳ​ມະ​ການ​ສູນ​ກາງ​ພັກ, ຮອງ​ຫົວ​ໜ້າ​ຄະ​ນ​ະ​ໂຄ​ສະ​ນາ​ອົບ​ຮົມ​ສູນ​ກາງ​ພັກ​ກອມ​ມູ​ນີດ​ຈີນ, ປະ​ທານ​ສຳ​ນັກ​ຂ່າ​ວ​ສານ​ຊິນ​ຮ​ວາ ສ​ປຈີນ,  ມີບັນດາ​ການ​ນຳ​ຂັ້ນ​ສູງພັກ-ລັດຈາກຂະ​ແໜງ​ການ​ກ່ຽ​ວ​ຂ້ອງ ແລະ ນັກ​ທຸ​ລະ​ກິດ​ລາວ-ຈີນ ​ເຂົ້າ​ຮ່ວມເປັນຈໍານວນຫລາຍ.

ກອງປະຊຸມສໍາຄັນນີ້, ເພື່ອຜັນ​ຂະ​ຫຍາຍຍຸດທະສາດຫັນປະເທດທີ່ບໍ່ມີຊາຍ​ແດນ​ຕິ​ດ​ກັບທະເລໃຫ້ກາຍເປັນປະເທດເຊື່ອມຈອດ, ເຊື່ອມໂຍງກັບພາກພື້ນ ແລະ ສາກົນຂອງ ສປປ ລາວ ແລະ ຂໍ້ລິເລີມ “ໜຶ່ງແລວ ໜຶ່ງເສັ້ນທາງ” ຂອງ ສປຈີນ ເພື່ອປະກອບສ່ວນເຂົ້າໃນ​ການ​ຮັດ​ແໜ້ນ​ສາຍ​ພົວ​ພັນ​​ມິດ​ຕະ​ພາບອັນ​ເປັນ​ມູນ​ເຊື້ອ,  ​ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານໝັ້ນ​ຄົງ​ຍາວ​ນານໃຫ້​ກ້າວ​ສູ່​ໄລ​ຍະ​ໃໝ່, ໂດຍສະເພາະການ​ປຶກ​ສາ​ຫາ​ລື​ກ່ຽວ​ກັບ​ກາ​ລະ​ໂອ​ກາດ​ຕ່າງໆ​ໃນ​ການ​ຮ່ວມ​ມື​ຮອບ​ດ້ານ​ລະ​ຫວ່າງ​ສອງ​ປະ​ເທດ​, ​ບັນ​ດາ​ຂໍ້​ສະ​ເໜີ​​ໃນຂະແໜງກ່ຽວຂ້ອງ​ຕ່າງ​ໆທີ່ບັນ​ດາ​ຊ່ຽວ​ຊານ, ນັກລົງທຶນ, ສະ​ຖາ​ບັນ​ການ​ທະ​ນາ​ຄານ, ວິ​ສາ​ຫະ​ກິດ​ຂອງ​ຈີນທີ່​ມາ​ລົງ​ທຶນ​ຢູ່​ລາວ ແລະ ບັນຫາອື່ນໆທີ່ສອງຝ່າຍມີຄວາມສົນໃຈນໍາກັນ.

​ເວ​ທີ​ປຶກ​ສາ​ຫາ​ລື​ຄັ້ງ​ນີ້, ຍັງໄດ້ຈັດກອງປະຊຸມຍ່ອຍສໍາຄັນຫລາຍຫົວຂໍ້ຄື: “ການ​ຮ່ວມ​ມືລາວ-ຈີນດ້ານ​ກະ​ສິ​ກຳ ແລະ ແກ້​ໄຂ​ຄວາມ​ທຸກ​ຍາກ”. “ດາວ​ທຽມ​ສ້າງ​ຂົວ​ຕໍ່​ສື່​ສານ​ສາຍ​ສຳ​ພັນ, ໂທ​ລະ​ຄົມ​ພາ​ໃຫ້​ຫຍັບ​ເຂົ້າ​ຫາ​ກັນ, ວັດ​ທະ​ນະ​ທຳ ຊຸກ​ຍູ້​ການ​ເຊື່ອມ​ໂຍງ”. “ສົ່ງ​ເສີມ​ການ​ຮ່ວມ​ມື ແລະ ພັດ​ທະ​ນາ​ຂົງ​ເຂດ​ພະ​ລັງ​ງານລາວ-ຈີນ ພາຍ​ໃຕ້ໜຶ່ງ​ແລວ ໜຶ່ງ​ເສັ້ນ​ທາງ”, “ຊຸກ​ຍູ້​ການ​ຮ່ວມ​ມື​ດ້ານ​ການ​ເງິນ, ຮ່ວມ​ສ້າງ​ສາຍ​ສຳ​ພັນ​ເສດ​ຖະ​ກິດລາວ-ຈີນ” ແລະ “ການ​ຮ່ວມ​ມື​ດ້ານ​ວິ​ທະ​ສາດ​ເຕັກ​ໂນ​ໂລ​ຊີ ພາຍ​ໃຕ້​ແນວ​ຄວາມ​ຄິດໜຶ່ງ​ແລວ ໜຶ່ງ​ເສັ້ນ​ທາງ”.

ທ່ານຫົວໜ້າໂຄສະນາອົບຮົມສູນກາງພັກ ກິແກ້ວ ໄຂຄໍາພິທູນ ໄດ້ມີຄໍາເຫັນ ວ່າ: ປັດຈຸບັນ, ສອງຊາດພວກເຮົາພວມສືບຕໍ່ຮ່ວມມືກັນເສີມສ້າງຄວາມສາມັກຄີ ມິດຕະພາບ ແລະ ສາຍພົວພັນໄດ້ຮັບການພັດທະນາຂຶ້ນເລື້ອຍໆ. ເນື່ອງຈາກ ພວກເຮົາແມ່ນເພື່ອນຮ່ວມຊະຕາກໍາສັງຄົມນິຍົມອັນດຽວກັນທີ່ບໍ່ສາມາດຕັດແຍກອອກຈາກກັນໄດ້ ແລະ ເຊື່ອໝັ້ນວ່າ: ນະໂຍບາຍ “ໜຶຶ່ງແລວ ໜຶ່ງເສັ້ນທາງ” ຈະນໍາຜົນປະໂຫຍດສູງສຸດມາໃຫ້ປະຊາຊົນສອງຊາດລາວ-ຈີນນັບມື້ດີຂຶ້ນ.

ທ່ານ ໄຈ ມີງ​ເຈົາ ມີຄໍາເຫັນວ່າ: ​ເວທີ​ການ​ປຶກສາ​ຫາລື​ຄັ້ງ​ນີ້, ​ຈະຊຸກຍູ້ການ​ເພີ່ມ​ທະວີ​ການ​ຮ່ວມ​ມືຂອງບັນດາ​ຂະ​ແໜງການ​ຕ່າງໆຂອງ​ສອງ​ປະ​ເທດ ເພື່ອ​ແບ່ງປັນ​ຜົນ​ປະ​ໂຫຍດຮ່ວມ​ກັນ ແລະ ການ​ພົວພັນລະຫວ່າງ​ສອງ​ສຳນັກ​ຂ່າວຈີນ-​ລາວ ​ແມ່ນ​ມີ​ມິດຕະພາບ​ອັນ​ດູດ​ດື່ມຕັ້ງ​ແຕ່​ໄລຍະ​​ເຮັດ​ການ​ປະຕິວັດ​ຂອງ​ລາວ​ໃນ​ຊຸມ​ປີ 1960-1970 ສໍານັກ​ຂ່າວສານ​ຊິນ​ຮວາ​ໄດ້​ຢຶດໝັ້ນທັດສະນະ​ການ​ລາຍ​ງານ​ຂ່າວ​ຕົວ​ຈິງ, ພາ​ວະ​ວິ​ໄສ, ທ່ຽງທຳ ​ແລະ ຮອບດ້ານ, ​ໂດຍ​ສະພາບ​ການ​ພັດ​ເສດຖະກິດ-​ສັງຄົມ ​ແລະ ຂົງ​ເຂດ​ອື່ນຂອງ​ລາວ​ໃຫ້​ແກ່​ປະ​ເທດ​ຈີນ ​ແລະ ປະ​ເທດ​ອື່ນໆ​ໃນ​ໂລກຮັບຊາບ.

ກອງປະຊຸມເວທີປຶກສາຫາລືການຮ່ວມມືລາວ-ຈີນໃນຂອບ "ໜຶ່ງ​ແລວ ໜຶ່ງ​ເສັ້ນ​ທາງ" ສໍາເລັດຜົນຢ່າງຈົບງາມ - Wave100S AD to Website 2020 0 - ກອງປະຊຸມເວທີປຶກສາຫາລືການຮ່ວມມືລາວ-ຈີນໃນຂອບ “ໜຶ່ງ​ແລວ ໜຶ່ງ​ເສັ້ນ​ທາງ” ສໍາເລັດຜົນຢ່າງຈົບງາມ

ນອກນີ້, ກອງປະຊຸມຍັງ​ມີ​ພິ​ທີ​ເຊັນ​ບົດ​ບັນ​ທຶກ​ການ​ຮ່ວມ​ມືສ້າງ​ຕັ້ງ​ສູນ​ຂໍ້​ມູນ​ຂ່າວ​ສານ “ໜຶ່ງ​ແລວ ໜຶ່ງ​ເສັ້ນ​ທາງ” ລະ​ຫວ່າງສຳ​ນັກ​ຂ່າວ​ສານ​ປະ​ເທດ​ລາວກັບບໍ​ລິ​ສັດ​ຫົວ​ເຫວີຍປະ​ຈຳ​ລາວ ແລະ ບໍ​ລິ​ສັດ​ດາວ​ທຽມ​ລາວ ເອ​ເຊຍ​ປາ​ຊີ​ຟິກ.

ໃນໂອກາດນີ້, ຄະນະຜູ້ແທນ ສປຈີນ ກໍໄດ້ເຂົ້າຢ້ຽມຂໍ່ານັບທ່ານນາຍົກລັດຖະມົນຕີ ທອງລຸນ ສີສຸລິດ ທີ່ສໍານັກງານນາຍົກລັດຖະມົນຕີ, ໂດຍທ່ານນາຍົກລັດຖະມົນຕີ ໄດ້ສະແດງຄວາມຊົມເຊີຍຕໍ່ຄະນະຜູ້ແທນທີ່ໄດ້ຈັດກອງປະຊຸມສໍາຄັນນີ້ຂຶ້ນ, ເຊິ່ງເປັນການຈັດຕັ້ງຜັນຂະຫຍາຍຜົນກອງປະຊຸມເວທີປຶກສາຫາລືຂັ້ນສູງວ່າດ້ວຍການຮ່ວມມືສາກົນໜຶ່ງແລວທາງ ໜຶ່ງເສັ້ນທາງ, ອັນຈະນໍາບົດຮຽນທີ່ເປັນປະໂຫຍດແທ້ຈິງມາສູ່ສອງປະເທດລາວ-ຈີນ.

ໂອກາດນີ້, ທ່ານລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ບໍ່ແສງຄໍາ ວົງດາລາ ໄດ້ຕາງໜ້າລັດຖະບານລາວປະດັບຫລຽນໄຊອິດສະຫລະຊັ້ນ II ໃຫ້ສໍານັກຂ່າວຊິນຮົວ ແລະ ປະດັບຫລຽນໄຊອິດສະຫລະຊັ້ນ III  ໃຫ້ທ່ານ ໄຈ ມິງເຈົາ ທີ່ມີຜົນງານດີເດັ່ນປະກອບສ່ວນຊ່ວຍເຫລືອ ແລະ ພັດທະນາສໍານັກຂ່າວສານປະເທດລາວໃນໄລຍະຜ່ານມາໄດ້ເຕີບໃຫຍ່ເຂັ້ມແຂງ.

ກອງປະຊຸມເວທີປຶກສາຫາລືການຮ່ວມມືລາວ-ຈີນໃນຂອບ "ໜຶ່ງ​ແລວ ໜຶ່ງ​ເສັ້ນ​ທາງ" ສໍາເລັດຜົນຢ່າງຈົບງາມ - WhatsApp Image 2020 05 27 at 5 - ກອງປະຊຸມເວທີປຶກສາຫາລືການຮ່ວມມືລາວ-ຈີນໃນຂອບ “ໜຶ່ງ​ແລວ ໜຶ່ງ​ເສັ້ນ​ທາງ” ສໍາເລັດຜົນຢ່າງຈົບງາມ
ກອງປະຊຸມເວທີປຶກສາຫາລືການຮ່ວມມືລາວ-ຈີນໃນຂອບ "ໜຶ່ງ​ແລວ ໜຶ່ງ​ເສັ້ນ​ທາງ" ສໍາເລັດຜົນຢ່າງຈົບງາມ - WhatsApp Image 2020 05 27 at 5 - ກອງປະຊຸມເວທີປຶກສາຫາລືການຮ່ວມມືລາວ-ຈີນໃນຂອບ “ໜຶ່ງ​ແລວ ໜຶ່ງ​ເສັ້ນ​ທາງ” ສໍາເລັດຜົນຢ່າງຈົບງາມ
error: Alert: ເນື້ອຫາຂ່າວມີລິຂະສິດ !!