ມະນຸດຈຳເປັນຕ້ອງດື່ມນົມງົວສະເໝີໄປບໍ່

ມະນຸດຈຳເປັນຕ້ອງດື່ມນົມງົວສະເໝີໄປບໍ່ - 010202 2018 - ມະນຸດຈຳເປັນຕ້ອງດື່ມນົມງົວສະເໝີໄປບໍ່
ມະນຸດຈຳເປັນຕ້ອງດື່ມນົມງົວສະເໝີໄປບໍ່ - Untitled design - ມະນຸດຈຳເປັນຕ້ອງດື່ມນົມງົວສະເໝີໄປບໍ່

ຄວາມຈິງແລ້ວ ນົມງົວໜ້າຈະເໝາະສົມກັບງົວຫລາຍທີ່ສຸດ, ນົມຄົນກໍໜ້າຈະໝາະສົມກັບຄົນຫລາຍທີ່ສຸດ, ຄົນຈະມີນຳ້ໜັກໂຕເພີ່ມ 3 ກິໂລກຣາມໂດຍສະເລ່ຍໃນເວລາ 3 ເດືອນຫລັງເກີດ ໂດຍການດື່ມນົມຈາກແມ່ຢ່າງດຽວ, ແຕ່ລູກງົວນັ້ນນຳ້ໜັກຈະເພີ່ມ 30 ກິໂລກຣາມໃນເວລາດຽວກັນ ແລະ ງົວເມື່ອໃຫຍ່ເຕັມທີ່ຈະມີນຳ້ໜັກໂຕລວມ 500 ກິໂລກຣາມຂຶ້ນໄປ ໃນຂະນະທີ່ຄົນຈະມີນຳ້ໜັກປະມານ 50 – 60 ກິໂລກຣາມ.

ແຕ່ລູກຄົນກິນນົມງົວຫລາຍກ່ວາລູກງົວ, ລູກງົວດື່ມນົມຈາກແມ່ນພຽງແຕ່ 1 ປີ ສ່ວນລູກຄົນດື່ມນົມງົວຕໍ່ເນື່ອງເປັນສິບໆປີ. ສະນັ້ນຮໍໂມນສຳລັບການຈະເລີນເຕີບໃຫຍ່ (Growth Hormone) ຂອງງົວຈະກະຕຸ້ນການຈະເລີນເຕີບໃຫຍ່ຂອງເດັກຢ່າງຕໍ່ເນື່ອງ ເຮັດໃຫ້ຮ່າງກາຍສູງໃຫຍ່ຜິດປົກກະຕິໄປຈາກເຜົ່າພັນເກົ່າ.

ຄວາມຈິງແລ້ວຄົນລາວ ແລະ ຄົນອາຊີເຖິງ 80% ບໍ່ມີນຳ້ຍ່ອຍແລັກໂຕສໃນນົມ ເຊິ່ງສ່ວນຫລາຍຈະສະແດງອາການເຈັບທ້ອງ ແລະ ອີກສ່ວນໜຶ່ງກໍແມ່ນແພ້ເຄຊີນໃນນົມ ເຊິ່ງຄວາມຈິງແລ້ວມະນຸດສາມາດດູດຊຶມເອົາໂປຣຕິນໃນນົມ  (Net Protein Utilization) ໄດ້ພຽງ 82% ແລະ ດູດຊຶມບໍ່ໄດ້ອີກ 18% ຈະຖືກແບັກທີເຣຍຊ່ວຍສະຫລາຍ ແລະ ເຮັດໃຫ້ເກີດ  Immune Complex  ຫລື ສານກໍ່ພູມແພ້ໂຕໃໝ່ໆຂຶ້ນ.

ທ່ານໝໍ ເອສ. ຊີ ທຣູເລີຟ ໃນວາລະສານ  British Medical Journal ປີ 1961 ແລະ ວຽກງານຂອງ ດີ. ໂຈເຊຟ ຊັກຄາ ໃນວາລະສານAnnual of allergy ເດືອນພຶດສະພາ 1971 ລະບຸໄວ້ຈະແຈ້ງເຖິງຄວາມສຳພັນຂອງການດື່ມນົມງົວກັບການເກີດລຳໄສ້ອັກເສບຈາກພູມແພ້. ນອກຈາກນີ້, ນົມງົວເປັນຜະລິດຕະພັນຈາກສັດ ຈຶ່ງມີໄຂມັນອີ່ມໂຕເປັນສ່ວນປະກອບໃນປະລິມານຫລາຍ ເຊິ່ງເປັນສາເຫດຂອງພະຍາດໄຂມັນຄລໍເຣສເຕີໂຣນໃນເລືອດສູງ ແລະ ເສັ້ນເລືອດຫົວໃຈອັດຕັນ ເຮົາອາດບໍ່ຮູ້ວ່າການດື່ມນົມງົວມື້ລະ 2 ຈອກທຽບເທົ່າກັບຮັບຄລໍເຣສເຕີໂຣນຈາກການກິນເບຄອນ 34 ຕ່ອນ ເຊິ່ງຈະສົ່ງຜົນໃຫ້ເປັນພະ ຍາດອັລໄຊເມີ,  ວິນຫົວໃນຜູ້ເຖົ້າ, ເຈັບຫົວຊຳ້ເຮື້ອ ແລະ ອື່ນໆໄດ້.

ໂຕຢ່າງ ເຊັ່ນ : ຫລາຍຄົນອາດຄິດວ່າການດື່ມນົມງົວຫລາຍໆຈະເພີ່ມທາດການຊຽມໃນກະດູກໄດ້ ເປັນຫຍັງຈຶ່ງຈະເປັນພະຍາດກະດູກຜ່ອຍ ຄວາມຈິງແມ່ນນຳ້ນົມປະກອບດ້ວຍທາດການຊຽມປະມານ 3 ສ່ວນ ແລະ ຟົສຟໍ 2 ສ່ວນ ຫາກດື່ມຫລາຍກ່ວາ 500 ມິນລີລິດ ຮ່າງກາຍກໍຈະໄດ້ຮັບປະລິມານຟົສຟໍຫລາຍເກີນຈຳເປັນ ເຊິ່ງຈະກະຕຸ້ນຕ່ອມພາຣາໄທຣອຍໃຫ້ຫລັ່ງຮໍໂມນອອກມາສະຫລາຍກະດູກຈົນເປັນເຫດໃຫ້ມວນ ຫລື ຊີ້ນກະດູກບາງລົງ.

ນອກຈາກນີ້, Dr. Samuel Epstein  ຈາກມະຫາວິທະຍາໄລ ອິລິນອຍ ໄດ້ເຕືອນເຖິງອັນຕະລາຍຂອງລະດັບຮໍໂມນຊະນິດໜຶ່ງໃນນົມງົວ ເຊິ່ງເປັນຮໍໂມນສຳຄັນທີ່ເຮັດໃຫ້ເກີດການຈະເລີນເຕີບໃຫຍ່ ຊື່ວ່າ : Insulin like Growth Factor One ຫລື IGF-1 ປະລິມານສູງໃນນົມຈາກງົວ ເຊິ່ງຖືກສັກ synthetic bovine growth hormone (rBGH) ເພິ່ນໄດ້ເຕືອນວ່າ :  IGF-1 ໃນນົມງົວເປັນສາເຫດສຳຄັນໃຫ້ເກີດມະເຣັງເຕົ້ານົມ ແລະ ມະເຮັງທໍ່ອາຫານ. ຍັງມີນັກວິໄຈອີກຫລາຍພົບວ່າ :  IGF-1 ມີຄວາມສຳພັນກັບມະເຮັງລຳໄສ້ໃຫຍ່ ແລະ ນັກວິໄຈຈາກມະຫາວິທະຍາໄລຮາເວີດ ຢັ້ງຢືນຜົນວ່າ ລະດັບ  IGF-1  ໃນເລືອດເພີ່ມຄວາມສ່ຽງຕໍ່ການເປັນມະເຮັງຕ່ອມລູກໝາກ.

ມະນຸດຈຳເປັນຕ້ອງດື່ມນົມງົວສະເໝີໄປບໍ່ - Wave100S AD to Website 2020 0 - ມະນຸດຈຳເປັນຕ້ອງດື່ມນົມງົວສະເໝີໄປບໍ່

ການວິໄຈໜຶ່ງພົບວ່າ : ໜູທົດລອງທຸກໂຕ ເຊິ່ງໄດ້ຮັບສານກໍ່ມະເຮັງໃນຖົ່ວ ຊື່ວ່າ : ອະຟລາທັອກຊິນ ພົບວ່າຫາກໃຫ້ໂປຣຕິນຈາກນົມງົວ 20% ພົບວ່າ ໜູທັງໝົດຈະກາຍເປັນພະຍາດມະເຮັງໃນຕັບ ໃນຂະນະທີ່ໜູກຸ່ມທີ່ໄດ້ຮັບໂປຣຕິນຈາກນົມງົວ 5% ຈະບໍ່ມີໂຕໃດເປັນມະເຮັງເລີຍ. ດຣ. ທີ ຄອນລິນ ຈຶ່ງໄດ້ທົດລອງຕໍ່ຍອດກັບໜູທົດລອງອີກຫລາຍກໍລະນີພົບຜົນການວິໄຈສະຫລຸບການທົດລອງບາງສ່ວນ ພົບວ່າ :

  1. ການບໍລິໂພກໂປຣຕິນຈາກນົມງົວ (ເຄຊີນ) ຫລຸດລົງ ຈະມີຜົນເຮັດໃຫ້ການຈັບກັນລະຫ່ວາງ ອະຟລາທັອນຊິນ ແລະ ດີເອັນເອ ຫລຸດລົງ ແລະ ເຮັດໃຫ້ມີຫລັກຖານທີ່ສະແດງວ່າການບໍລິໂພກໂປຣຕິນຈາກນົມງົວໃນປະລິມານທີ່ຕໍ່າລົງມີຜົນເຮັດໃຫ້ການເຮັດວຽກຂອງເອັນໄຊຫລຸດລົງຫລາຍ ແລະ ປ້ອງກັນບໍ່ໃຫ້ສານກໍ່ມະເຮັງທີ່ເປັນອັນຕະລາຍຈັບກັບດີເອັນເອ ແລະ ເມື່ອສັດໂຕດຽວກັນທີ່ກິນໂປຣຕິນຈາກນົມງົວຫລາຍແລ້ວມີຮອຍພະຍາດ (foci) ທີ່ຈະກໍ່ໃຫ້ເກີດຊີ້ນປົ່ງແລ້ວ ຖ້າຫລຸດປະລິມານລົງ ຮອຍພະຍາດທີ່ຈະກໍ່ໃຫ້ເກີດຊີ້ນປົ່ງກໍຈະຫລຸດລົງໄປນຳ, ແຕ່ຖ້າເພີ່ມປະລິມານການບໍລິໂພກໂປຣຕິນຈາກນົມງົວອີກ ຮອຍພະ ຍາດທີ່ກໍ່ໃຫ້ເກີດຊີ້ນປົ່ງກໍຈະເພີ່ມຫລາຍຂຶ້ນເຊັ່ນກັນ.
  2. ການບໍລິໂພກໂປຣຕິນຈາກພືດ ທັງຈາກສາລີ ແລະ ຖົ່ວເຫລືອງ ເຖິງຈະໃສ່ປະລິມານຫລາຍເຖິງ 20% ໃຫ້ເທົ່າກັບເຄຊີນໃນໂປຣຕິນຂອງນົມງົວ ພົບວ່າບໍ່ເກີດຮອຍພະຍາດ (foci)  ທີ່ຈະພັດທະນາກາຍເປັນຊີ້ນປົ່ງໄດ້.
  3. ມີການອ້າງອີງສູນການແພດອິນລິນອຍ ເມືອງຊິກາໂກ ໃນສະຫະລັດອາເມລິກາ ພົບວ່າ : ການບໍລິໂພກເຄຊີນ (ໂປຣຕິນ ຈາກນົມງົວ) ໃນໜູທົດລອງເພີ່ມຂຶ້ນ ເປັນການສົ່ງເສີມເຮັດໃຫ້ເກີດມະເຮັງເຕົ້ານົມຫລາຍຂຶ້ນ.

ພະຍາດຕ່າງໆທີ່່ກ່າວມາຂ້າງເທິງຖ້າເກີດກັບມະນຸດກໍຈະເກີດຂຶ້ນຢ່າງຊ້າໆ ສະນັ້ນ ຄົນສ່ວນຫລາຍຈະບໍ່ຄຳນຶງ ແລະ ເຫັນຜົນໄດ້ດີດ້ານດຽວວ່ານົມງົວເຮັດໃຫ້ຮ່າງກາຍມະນຸດໃຫຍ່ຂຶ້ນ.

ຄວາມຈິງແລ້ວ ມະນຸດເຮົາກໍສາມາດໄດ້ຮັບໂປຣຕິນ ແລະ ທາດການຊຽມຈາກອາຫານຢ່າງອື່ນໆໄດ້ ໂດຍບໍ່ຕ້ອງດື່ມນົມງົວກໍໄດ້.

ມະນຸດຈຳເປັນຕ້ອງດື່ມນົມງົວສະເໝີໄປບໍ່ - WhatsApp Image 2020 05 27 at 5 - ມະນຸດຈຳເປັນຕ້ອງດື່ມນົມງົວສະເໝີໄປບໍ່
ມະນຸດຈຳເປັນຕ້ອງດື່ມນົມງົວສະເໝີໄປບໍ່ - WhatsApp Image 2020 05 27 at 5 - ມະນຸດຈຳເປັນຕ້ອງດື່ມນົມງົວສະເໝີໄປບໍ່
error: Alert: ເນື້ອຫາຂ່າວມີລິຂະສິດ !!