ສິງກະໂປສະເໜີແນວຄິດ ເຄືອຂ່າຍສະມາດຊິຕີອາຊຽນ
ລັດຖະບານສິງກະໂປສະເໜີແນວຄິດການບູລະນາການອາຊຽນເປັນ “ເຄືອຂ່າຍເມືອງອັດສະລິຍະ” ເພື່ອຍົກລະດັບການຮ່ວມມື ແລະ ກະຕຸ້ນການເຕີບໃຫຍ່ທາງເສດຖະກິດຂອງພາກພື້ນໃນອະນາຄົດ.
Engagements such as the upcoming ASEAN Smart Cities Network, and the Regional Comprehensive Economic Partnership will be crucial to promoting ASEAN’s growth in the future.
Read here to find out more: https://t.co/oTW7j3YV57
— ASEAN 2018 (@ASEAN2018) February 2, 2018
ສຳນັກຂ່າວຕ່າງປະເທດລາຍງານຈາກປະເທດສິງກະໂປ ໃນວັນທີ 6 ກຸມພາວ່າ: ທ່ານ ວິວຽນ ບາລາກຣິນັນ ລັດຖະມົນຕີກະຊວງການຕ່າງປະເທດສິງກະໂປ ໃນຖານະປະທານໝູນວຽນຂອງສະມາຄົມປະຊາຊາດແຫ່ງອາຊີຕາເວັນອອກສຽງໃຕ້ (ອາຊຽນ) ປະຈຳປີນີ້ ກ່າວຖະແຫລງຕໍ່ກອງປະຊຸມລະດັບລັດຖະມົນຕີຕ່າງປະເທດອາຊຽນບໍ່ເປັນທາງການ ໃນວັນທີ 6 ກຸມພາ ສະເໜີແຜນຍຸດທະສາດການພັດທະນາພາກພື້ນ ເຊິ່ງປັດຈຸບັນມີສະມາຊິກ 10 ປະເທດ ພາຍໃຕ້ຂອບແນວຄິດທີ່ “ຫົດຢືດ ແລະ ມີຄວາມເປັນນະວັດຕະກຳ” ໂດຍໝາຍເຖິງການຮ່ວມກັນສ້າງສັນ “ເຄືອຂ່າຍເມືອງອັດສະລິຍະ” ເພື່ອປູກຝັງ ແລະ ເສີມສ້າງຄວາມຮູ້ທາງເຕັກໂນໂລຊີໃຫ້ແກ່ເຍົາວະຊົນທີ່ຈະເຕີບໃຫຍ່ເປັນກຳລັງສຳຄັນຂອງປະເທດ ແລະ ພາກພື້ນຕໍ່ໄປ.
ທັງນີ້, ລັດຖະມົນຕີການຕ່າງປະເທດສິງກະໂປ ກ່າວອີກວ່າ: ແຜນການກໍ່ຕັ້ງເຄືອຂ່າຍສະມາດຊິຕີຍັງເປັນໄປເພື່ອການຂະຫຍາຍໂອກາດສຳລັບຄົນຮຸ່ນປັດຈຸບັນ ໃນການລິເລີ່ມ ແລະ ພັດທະນາທຸລະກິດຂະໜາດນ້ອຍ ແລະ ຂະໜາດກາງ ເພື່ອໃຫ້ສອດຄ່ອງກັບການປະຕິວັດດ້ານເຕັກໂນໂລຊີໃນຍຸກດິຈິຕອນຕໍ່ໄປ ຕະຫລອດຮອດການມີສ່ວນຮ່ວມລະດັບພາກພື້ນໃນການພັດທະນາໂຄງລ່າງພື້ນຖານ ແລະ ລະບົບສາທາລະນຸປະໂພກທີ່ເຊື່ອມໂຍງເຖິງກັນ. ເຖິງຢ່າງໃດກໍຕາມ, ແນວຄິດດັ່ງກ່າວຍັງຢູ່ໃນຂັ້ນຂອບຄວາມຄິດເລີ່ມຕົ້ນ ແລະ ຕ້ອງມີການຫາລືກັນອີກຫລາຍລະດັບໃນອະນາຄົດ.
