ອັງກິດປ່ອຍພາບຊຸດລຸຍບານໂລກ
February 6, 2018 - 5:51 PM

ຊຸດຂອງທີມຊາດອັງກິດທີ່ຈະໃຊ້ໃນການແຂ່ງຂັນບານໂລກ 2018 ຮອບສຸດທ້າຍ ຖືກປ່ອຍອອກມາໃນເວັບໄຊຟຸດຕີ້ເຮດໄລ ໂດຍນອກຈາກການໃຊ້ສີຂາວຄືເກົ່າແລ້ວ ຍັງມີຈຸດເດັ່ນຢູ່ທີ່ການເອົາທຸງຊາດອັງກິດໄປຕິດໄວ້ຫລັງຄໍເສື້ອ, ສ່ວນທາງໃນມີການປັກລາຍດອກກຸຫລາບ.
ສຳລັບຊຸດແຂ່ງດັ່ງກ່າວ ຍັງໃຊ້ສີຂາວເປັນຫລັກຄືຜ່ານໆມາ ໂດຍໂລໂກ້ຂອງ ໄນກີ້ ຖືກເຮັດໃຫ້ເປັນສີຟ້າ. ຂະນະທີ່ໂລໂກ້ຂອງ ອັງກິດ ມີດາວສີເງິນປະດັບຢູ່ ເພື່ອສື່ເຖິງການທີ່ພວກເຂົາເຄີຍໄດ້ແຊ້ມບານໂລກ ໃນປີ 1966.
ທັງນີ້ ຮູບທຸງຊາດອັງກິດນັ້ນ ຖືກປະດັບຢູ່ທາງຫລັງຂອງຄໍເສື້ອ ພ້ອມມີການໃສ່ລາຍດອກກຸຫລາບໄວ້ທາງໃນຂອງເສື້ອນຳອີກ. ຂະນະທີ່ຊື່ກັບເບີຂອງນັກເຕະນັ້ນຈະໃຊ້ສີແດງ.