ວູດແລນ ເພລອັອຟແຊ້ມກ໊ອຟຟີນິກ
ການແຂ່ງຂັນກ໊ອຟ ພີຈີເອ ທົວ ລາຍການ ເວສ ແມເນຈເມນ ຟີນິກ ໂອເພັນ ຊິງເງິນລາງວັນລວມ 6,9 ລ້ານໂດລາສະຫະລັດ ທີ່ສະໜາມ ທີພີຊີ ສະກ໊ອດສເດລ ໄລຍະ 7.266 ຫລາ ພາຣ 71 ໃນເມືອງສະກ໊ອດເດລ ລັດອາຣິໂຊນາ ສະຫະລັດອາເມລິກາ ຫລັງຈົບຮອບສຸດທ້າຍ ແກຣີ ວູດແລນ ນັກກ໊ອຟຊາວອາເມລິກາ ຟອມແຮງປາຍຫວດ 7 ອັນເດີພາຣ 64 ຈົບທີ່ຄະແນນລວມ 18 ອັນເດີພາຣ 266 ເຂົ້າສູ່ຄລັບເຮາດ້ວຍການນຳ 2 ສະໂຕກ, ແຕ່ ເຊຊ ເຣວີ ເພື່ອນຮ່ວມຊາດ ເຮັດເບີດີ້ 2 ຫລຸມສຸດທ້າຍ ຈົບທີ 5 ອັນເດີພາຣ 66 ມີຄະແນນລວມເທົ່າກັບ ວູດແລນ ຈຶ່ງຕ້ອງຫາແຊ້ມດ້ວຍການເພລອັອຟທີ່ຫລຸມ 18 ແລະ ເປັນ ວູດແລນ ຍິງເບີດີຄວ້າແຊ້ມລາຍການທຳອິດນັບແຕ່ປີ 2013.
ຂະນະທີ່ ໂອລລີ ຊາໄນເດີຍານສ໌ ແລະ ເບຣນແດນ ສະຕີລ 2 ຊາວອາເມລິກາ ຄະແນນລວມ 15 ອັນເດີພາຣ 269 ໄດ້ທີ 3 ຮ່ວມ, ຟິລ ມິກເກລສັນ ຄະແນນລວມ 14 ອັນເດີພາຣ 270 ທີ 5 ຮ່ວມກັບ ແມຕ ຄູຊາ, ໄບຣສັນ ເດິແຊມໂບ ແລະ ເຊສສັນ ແຮດລີ. ດ້ານ ຣິກກີ ຟາວເລີ ມື 7 ຂອງໂລກ ຕີເກີນ 2 ໂອເວີພາຣ 73 ຄະແນນລວມ 12 ອັນເດີພາຣ 272 ຫລົ່ນມາຈົບທີ 11 ຮ່ວມກັບ ຈອນ ຣາມ ມື 2 ຂອງໂລກຊາວສະເປນ ແລະ ຈັສຕິນ ໂທມັສ ມື 4 ຂອງໂລກ ຄະແນນລວມ 11 ອັນເດີພາຣ 273 ທີ 17 ຮ່ວມ.
