ອິນເຕີເນັດ: ມີດສອງຄົມ ແຕ່ສົມລາຄາ

ອິນເຕີເນັດ: ມີດສອງຄົມ ແຕ່ສົມລາຄາ - 27781783 576189289399162 42423942 n - ອິນເຕີເນັດ: ມີດສອງຄົມ ແຕ່ສົມລາຄາ
ອິນເຕີເນັດ: ມີດສອງຄົມ ແຕ່ສົມລາຄາ - Untitled design - ອິນເຕີເນັດ: ມີດສອງຄົມ ແຕ່ສົມລາຄາ

ການເຊື່ອມຕໍ່ ອິນເຕີເນັດ (Internet) ທີ່ກວ້າງຂວາງຂຶ້ນນັ້ນ ອາດນຳມາເຊິ່ງຜົນທາງບວກ ແລະລົບ ຫຼື ເອີ້ນວ່າ ມີດສອງຄົມ ທີ່ໃຫ້ທັງປະໂຫຍດ ແລະສ່ຽງຕໍ່ການໃຫ້ໂທດພ້ອມໆກັນ ແຕ່ອາດຄຸ້ມຄ່າທີ່ຈະຕ້ອງລົງທຶນໃນຂະແໜງນີ້ຫຼາຍຂຶ້ນ.

ການເຂົ້າເຖິງ ອິນເຕິເນັດ ຂອງສັງຄົມທີ່ກວ້າງຂວາງ ມາພ້ອມໆກັບການຂະຫຍາຍຕົວທີ່ວ່ອງໄວ ຂອງສື່ສັງຄົມອອນລາຍ (Online Social Media) ໂດຍຄຽງຄູ່ກັບ ການພັດທະນາເຄື່ອງ ອີເລັກໂທຣນິກ (Electronic Devices) ເຊັ່ນ: ສະມາດໂຟນ  (ມືຖື ສາມາດ  ເຮັດໜ້າທີ່ໄດ້ຫຼາຍອັນ) ມາຮອງຮັບນັ້ນມັນນຳມາເຊິ່ງ ຜົນທາງບວກ ແລະລົບ.

ສຳລັບທາງບວກນັ້ນ ກໍມີຫຼາກຫຼາຍ, ໃຜໆ ກໍເຫັນພ້ອມກັນວ່າ ດຽວນີ້ຮູ້ຂ່າວເລື່ອງນໍ້າຖ້ວມ ຫຼື ໄພພິບັດຂອງ ປະເທດເຮົາໄດ້ແບບວ່ອງໄວ, ຮູ້ຂ່າວຄາວການເຄື່ອນໄຫວເຮັດວຽກຂອງຜູ້ນຳເຮົາໄດ້ເປັນປະຈຳ, ຮູ້ຂ່າວພະຍາກອນອາກາດທັນເວລາ ແລະ ຂ່າວຄາວອື່ນໆ ແບບສົດຮ້ອນໆ ທັງເຂົ້າເຖິງໄດ້ງ່າຍ ພຽງແຕ່ມີ “ມືຖືສາມາດ” ແລະເຄືອຂ່າຍ ອິນເນັດເທົ່ານັ້ນລະ.

ແຕ່ພ້ອມດຽວກັນນັ້ນ, ສື່ອອນລາຍ ຍັງມີຜົນລົບຫຼາຍປະການ, ສຳນັກຂ່າວ ບີບີຊີ (BBC) ໄດ້ເຜີຍແຜ່ຂໍ້ມູນບາງຢ່າງໜ້າສົນໃຈໃນເດືອນ ມັງກອນ 2018 ຜ່ານມາວ່າ ປັດຈຸບັນທົ່ວໂລກມີ 3 ຕື້ຄົນ ​ແລະ ປະມານ 14% ຂອງປະຊາກອນທົ່ວໂລກ ເຂົ້າເຖິງ ສື່ສັງຄົມອອນລາຍ ໂດຍພວກເຮົາໃຊ້ເວລາກັບມັນ ສະເລ່ຍແລ້ວ 2​ ຊົ່ວໂມງຕໍ່ມື້ ໂດຍນຳຜົນທາງລົບມາສູ່ ສຸຂະພາບຈິດ ຄື ຄວາມກົດດັນ, ສະຕິສັ້ນ, ຄວາມຢ້ານກົວ, ບາງຄົນກໍອຶດລັບ ອຶດນນອນຍ້ອນມັນ, ນອກນັ້ນ ການເຜີຍແຜ່ຂ່າວໃນ ສື່ອອນລາຍ ຍັງຂາດການໄຕ່ຕອງ, ຜູ້ຄົນບາງກຸ່ມບໍລິໂພກຂ່າວທາງສື່ສັງຄົມຢ່າງເມົາມັນ ໂດຍຂາດສະຕິວ່າ ອັນໃດຖືກ ອັນໃດຕົວະ ແລະ ຜົນລົບດ້ານອື່ນໆຕຶ່ມອີກ.

ຢ່າງໃດກໍດີ ຜົນທາງລົບທັງຫຼາຍທີ່ມາພ້ອມກັບ ອິນເຕີເນັດນັ້ນ ແມ່ນສາມາດຫຼຸດຜ່ອນລົງຖ້າພວກເຮົາຮຽນ ຮູ້ທີ່ຈະນຳໃຊ້ມັນຢ່າງຖືກວິທີ.​

ອິນເຕີເນັດ: ມີດສອງຄົມ ແຕ່ສົມລາຄາ - Wave100S AD to Website 2020 0 - ອິນເຕີເນັດ: ມີດສອງຄົມ ແຕ່ສົມລາຄາ

ເຖິງວ່າ ການຂະຫຍາຍເຄືອຂ່າຍ ອິນເຕີເນັດ ຈະນຳເຊິ່ງຜົນສອງດ້ານຄືກ່າວມາ ແຕ່ ອິນເຕີເນັດພັດ ມີຄວາມຈຳເປັນໃນການພັດທະນາ ເສດຖະກິດ-ສັງຄົມ, ໃນປັດຈຸບັນ ອັດຕາເຂົ້າເຖິງ ອິນເຕີເນັດ ຂອງ ສປປລາວ ຍັງມີລະດັບຕໍ່າສຸດ, ອີງຕາມ ຂໍ້ມູນຈາກ Internet World Stats ໃຫ້ຮູ້ວ່າ 22% ຂອງປະຊາກອນລາວເຂົ້າເຖິງ ອິນເຕີເນັດ, ຖ້າຂໍ້ມູນນີ້ເປັນຄວາມຈິງ ກໍສະແດງວ່າ ອັດຕາການເຂົ້າເຖິງ ອິນເຕີເນັດ ຂອງຄົນລາວ ຕໍ່າສຸດໃນ ພາກພື້ນ ຖ້າທຽບໃສ່ ກຳປູເຈຍ ແມ່ນ 26%, ມຽນມາ 25% ແລະ ສູງສຸດ ໃນພາກພື້ນແມ່ນ ສິງກະໂປ 81%.

ການເຂົ້າເຖິງອິນເຕີເນັດນັ້ນມີຄວາມໝາຍຫຼາຍຢ່າງຕໍ່ກັບ ການພັດທະນາ, ຕາມການສຶກສາ ຂອງ ບໍລິສັດ ດີລອຍເຕ (Deloitte) ປີ 2014 ໃຫ້ຮູ້ວ່າ ການເຂົ້າເຖິງ ອິນເຕີເນັດ ທັງກວ້າງຂວາງ ແລະວ່ອງໄວນັ້ນ ມີຜົນຕໍ່ ການໄຫຼວຽນ ຂໍ້ມູນ-ຂ່າວສານ, ການເພີ່ມປະສິດທິພາບທາງການເງິນ, ການຂະຫຍາຍທຸລະກິດ, ປະກອບສ່ວນໃຫ້ຄົນ ສະຫຼາດ ແລະມີຄຸນນະພາບຫຼາຍຂຶ້ນ ເຊິ່ງທັງໝົດນັ້ນ ແມ່ນອົງປະກອບສຳຄັນທີ່ສຸດຂອງການດຶງດູດການລົງທຶນ.

ເພາະສະນັ້ນ, ການຂະຫຍາຍເຄືອຂ່າຍອິນເຕີເນັດ (ໃຫ້ມີທັງຄຸນນະພາບ ແລະປະລິມານ) ຢູ່ ສປປລາວ ຍິ່ງຈຳເປັນຢ່າງເຄັ່ງຮ້ອນ ເພື່ອປະກອບສ່ວນໃຫ້ການພັດທະນາເສດຖະກິດ-ສັງຄົມ ຂະຫຍາຍຕົວ ໄວ ແລະມີຄຸນນະພາບຂຶ້ນຕຶ່ມ.

ອິນເຕີເນັດ: ມີດສອງຄົມ ແຕ່ສົມລາຄາ - WhatsApp Image 2020 05 27 at 5 - ອິນເຕີເນັດ: ມີດສອງຄົມ ແຕ່ສົມລາຄາ
ອິນເຕີເນັດ: ມີດສອງຄົມ ແຕ່ສົມລາຄາ - WhatsApp Image 2020 05 27 at 5 - ອິນເຕີເນັດ: ມີດສອງຄົມ ແຕ່ສົມລາຄາ
error: Alert: ເນື້ອຫາຂ່າວມີລິຂະສິດ !!