ອາເມລິກາ-ຈີນ ກ່າວວ່າຈະບໍ່ປ່ອຍໃຫ້ ສປປ ເກົາຫລີ ທ້າທາຍອີກຕໍ່ໄປ

- Untitled design - ອາເມລິກາ-ຈີນ ກ່າວວ່າຈະບໍ່ປ່ອຍໃຫ້ ສປປ ເກົາຫລີ ທ້າທາຍອີກຕໍ່ໄປ

- trumppence1 300x200 - ອາເມລິກາ-ຈີນ ກ່າວວ່າຈະບໍ່ປ່ອຍໃຫ້ ສປປ ເກົາຫລີ ທ້າທາຍອີກຕໍ່ໄປ​​     17 ​ເມສາ: ອາ​ເມ​ລິ​ກາ ​ແລະ ຈີນ ​ເຫັນ​ພ້ອມ​ກັນຈະ​ບໍ່​ປ່ອຍ​ໃຫ້ ສປປ ​ເກົາຫລີ ມີ​ພຶດຕິ​ກຳ​ທ້າ​ທາຍດ້ວຍ​ການ​ຍິງ​ລູກ​ສອນ​ໄຟ ​ແລະ ທົດ​ລອງ​ລະ​ເບີດ​ນິວ​ເຄຼຍຕໍ່​ໄປ​ອີກ.

ພົນ​ໂທ ​ເອສອາຣ ​ແມ​ກມາສ​ເຕີ ຫົວໜ້າ​ທີ່​ປຶກສາ​ດ້ານ​ຄວາມ​ໝັ້ນຄົງ​ແຫ່ງ​ຊາດ​ຂອງ​ອາ​ເມ​ລິ​ກາ ​ໃຫ້​ສຳພາດ​ສະຖານີ​ໂທລະພາບ NBC ລະຫວ່າງ​ຢ້ຽມຢາມ​ອັບ​ກາ​ນິດ​ສະຖານ​ວ່າ: ຈີນ​ກັບ​ອາ​ເມ​ລິ​ກາ​ມີ​ມະຕິ​ເປັນ​ເອກະ​ພາບ​ແລ້ວ​ວ່າ ສປປ ​ເກົາຫລີ ຈະ​ກະທຳ​ການ​ອັນ​ເປັນ​ການ​ທ້າ​ທາຍຕໍ່​ໄປ​ອີກ​ບໍ່​ໄດ້, ພາຍຫລັງ​ໃນ​ວັນ​ທີ 16 ​ເມສາ​ນີ້ ສປປ ​ເກົາຫລີ ທົດ​ລອງ​ຍິງ​ລູກ​ສອນ​ໄຟ​ຊະນິດ​ໃໝ່, ​ເຖິງ​ວ່າ​ຈະ​ປະສົບ​ຄວາມ​ຫລົ້ມ​ເຫ​ລວ ​ແລະ ມີ​ການ​ເດີນ​ສວນສະໜາມ​ກອງທັບ​ຢ່າງ​ຍິ່ງ​ໃຫຍ່ ຖື​ເປັນ​ການ​ທ້າ​ທາຍ ​ແລະ ທຳລາຍ​ຄວາມ​ສະຫງົບ​ສຸກ ລວມທັງ​ຍັງ​ເປັນ​ພຶດຕິ​ກຳ​ທີ່​ມີ​ລັກສະນະ​ໃນ​ທາງ​ຂົ່ມຂູ່​ນຳ​ອີກ ​ເຊິ່ງປະທານາທິບໍດີ​ອາ​ເມ​ລິ​ກາ​ໄດ້​ສະ​ແດງ​ອອກ​ຢ່າງ​ຈະ​ແຈ້ງ​ແລ້ວ​ວ່າ​ຈະ​ບໍ່​ຍອມ​ໃຫ້​ພັນທະ​ມິດ​ຂອງ​ອາ​ເມ​ລິ​ກາ ​ແລະ ພາກພື້ນນີ້​ຖືກ​ຄຸກ​ຄາມ​ຈາກ​ອາວຸດ​ນິວ​ເຄຼຍຂອງ ສປປ ​ເກົາຫລີ ຕໍ່​ໄປ​ອີກ​.

ສ່ວນ​ປະທານາທິບໍດີ ​ໂດ​ນັນ ທຣຳ ຜູ້ນຳ​ອາ​ເມ​ລິ​ກາ ກ່າວ​ວ່າ: ຈີນ​ພວມ​ຮ່ວມ​ມື​ກັບ​ອາ​ເມ​ລິ​ກາ​ໃນ​ການ​ແກ້​ໄຂ​ບັນຫາ ສປປ ​ເກົາຫລີ ​ໃນ​ຖານະ​ເປັນ​ພັນທະ​ມິດ​ສຳຄັນ​ຂອງ ສປປ ​ເກົາຫລີ. ການ​ອອກ​ມາ​ໃຫ້​ຄວາມ​ເຫັນ​ຂອງ​ຜູ້ນຳ​ທາງ​ທະຫານ​ຂອງ​ອາ​ເມ​ລິ​ກາ​ຖື​ເປັນ​ເທື່ອ​ທຳ​ອິດ​ທີ່​ເປັນ​ການ​ຢືນຢັນ​ວ່າ​ຈີນ​ຍອມ​ໃຫ້ການ​ຮ່ວມ​ມື​ກັບ​ອາ​ເມ​ລິ​ກາ​ແກ້​ໄຂ​ບັນຫາ ສປປ ​ເກົາຫລີ. ​ເຈົ້າໜ້າ​ທີ່​ທະຫານ ສ.​ເກົາຫລີ ​ແລະ ອາ​ເມ​ລິ​ກາ ຕ່າງ​ລະບຸ​ກົງກັນ​ວ່າ: ລູກ​ສອນ​ໄຟ​ຂອງ ສປປ ​ເກົາຫລີ ທີ່​ທົດ​ລອງ​ຍິງ​ໃນ​ວັນ​ທີ 16 ​ເມສາ​ນີ້ ລະ​ເບີດ​ທັນທີ​ຖືກ​ຍິງ​ອອກ​ຈາກ​ແທ່ນ, ສ່ວນ​ກອງ​ບັນຊາ​ການ​ປາຊີ​ຟິກຂອງ​ອາ​ເມ​ລິ​ກາ​ເຊື່ອ​ວ່າ​ເປັນ​ລູກ​ສອນ​ໄຟ​ຂ້າມ​ທະວີບ.

- Wave100S AD to Website 2020 0 - ອາເມລິກາ-ຈີນ ກ່າວວ່າຈະບໍ່ປ່ອຍໃຫ້ ສປປ ເກົາຫລີ ທ້າທາຍອີກຕໍ່ໄປ

ຂະນະ​ດຽວ​ກັນ, ຮອງ​ປະທານາທິບໍດີ ​ໄມ ​ເພັນ ຂອງ​ອາ​ເມ​ລິ​ກາ ​ເດີນທາງ​ມາ ສ.​ເກົາຫລີ ​ໃນ​ວັນ​ທີ 16 ​ເມສາ​ນີ້ ​ເປັນ​ການ​ເລີ່​ມຕົ້ນການ​ຢ້ຽມຢາມ​ອາ​ຊຽນ​ເປັນ​ເວລາ 10 ວັນ ​ເພື່ອ​ໃຫ້​ຄວາມ​ໝັ້ນ​ໃຈ​ຕໍ່​ພັນທະ​ມິດ​ໃນ​ອາ​ຊຽນວ່າ​ອາ​ເມ​ລິ​ກາ​ຍັງ​ຍຶດໝັ້ນຕໍ່​ພັນທະກໍລະນີ​ທີ່​ມີ​ຢູ່ ​ແລະ ປະກາດ​ຢູ່​ນະຄອນຫລວງ​ເຊ​ອຸ​ນວ່າ: ການ​ຍິງ​ລູກ​ສອນ​ໄຟ​ຂອງ ສປປ ​ເກົາຫລີ ​ຖື​ເປັນ​ການ​ທ້າ​ທາຍ​ຢ່າງ​ຈະ​ແຈ້ງ ​ແລະ ກຽມ​ຫາລື​ບັນຫາ​ດັ່ງກ່າວ​ກັບ​ຮັກສາ​ການ​ປະທານາທິບໍດີ ຮວາງ ກຽວ​ອານ.

ລັດຖະມົນຕີ​ຕ່າງປະ​ເທດ​ຈີນ ທ່ານ ຫວາງ​ອີ້ ອອກ​ມາ​ກ່າວ​ເຕືອນ​ໃນ​ວັນ​ທີ 14 ​ເມສາ​ນີ້​ວ່າ: ສະຖານະ​ການ​ຢູ່​ແຫລມ​ເກົາຫລີ​ພວມ​ບານ​ປາຍ ​ແລະ ອາດ​ລະ​ເບີດ​ຂຶ້ນ​ເມື່ອ​ໃດ​ກໍ​ໄດ້, ສ່ວນ​ທ່ານ ​ເຈ​ມ ​ແມດ​ທິດ ລັດຖະມົນຕີ​ປ້ອງ​ກັນ​ປະ​ເທດ​ອາ​ເມ​ລິ​ກາ ປະກາດ​ວ່າ: ນາໆ​ຊາດ​ເຫັນ​ພ້ອມ​ກັນ​ວ່າ ສປປ ​ເກົາຫລີ ຕ້ອງ​ປ່ຽນ​ແປງ​ພຶດຕິ​ກຳ​ໄດ້​ແລ້ວ ​ແລະ ພຶດຕິ​ກຳ​ທ້າ​ທາຍ​ນີ້​ຈະ​ຕ້ອງ​ບໍ່​ມີ​ອີກ​ຕໍ່​ໄປ.

- WhatsApp Image 2020 05 27 at 5 - ອາເມລິກາ-ຈີນ ກ່າວວ່າຈະບໍ່ປ່ອຍໃຫ້ ສປປ ເກົາຫລີ ທ້າທາຍອີກຕໍ່ໄປ
- WhatsApp Image 2020 05 27 at 5 - ອາເມລິກາ-ຈີນ ກ່າວວ່າຈະບໍ່ປ່ອຍໃຫ້ ສປປ ເກົາຫລີ ທ້າທາຍອີກຕໍ່ໄປ
error: Alert: ເນື້ອຫາຂ່າວມີລິຂະສິດ !!