ຜົມຫລົ່ນຫລັງເກີດລູກ 6 ວິທີນີ້ຊ່ວຍທ່ານໄດ້

ຜົມຫລົ່ນຫລັງເກີດລູກ 6 ວິທີນີ້ຊ່ວຍທ່ານໄດ້ - 010602 2018 - ຜົມຫລົ່ນຫລັງເກີດລູກ 6 ວິທີນີ້ຊ່ວຍທ່ານໄດ້
ຜົມຫລົ່ນຫລັງເກີດລູກ 6 ວິທີນີ້ຊ່ວຍທ່ານໄດ້ - Untitled design - ຜົມຫລົ່ນຫລັງເກີດລູກ 6 ວິທີນີ້ຊ່ວຍທ່ານໄດ້

ໃນໄລຍະຖືພາ ຜົມຂອງທ່ານຈະຢຸດຫລົ່ນໄປຊົ່ວຄາວ ເນື່ອງມາຈາກລະດັບຮໍໂມນໃນຮ່າງກາຍທີ່ສູງຂຶ້ນ ຍ້ອນສາເຫດນີ້ທ່ານອາດຈະສັງເກດເຫັນວ່າເສັ້ນຜົມຂອງທ່ານດົກໜາເປັນເງົາເຫລື້ອມງາມດີໃນໄລຍະຖືພາ, ແຕ່ຫລັງຈາກເກີດລູກແລ້ວ ຮໍໂມນຈະກັບມາສູ່ລະດັບປົກກະຕິດັ່ງທີ່ເຄີຍເປັນກ່ອນຖືພາ ເຊິ່ງຈະເຮັດໃຫ້ເສັ້ນຜົມທີ່ຢຸດຫລົ່ນຊົ່ວຄາວນັ້ນມາຫລົ່ນພ້ອມກັນໃນຕອນນີ້ ທ່ານອາດຈະຮູ້ສຶກຕົກໃຈເມື່ອໄດ້ເຫັນ, ແຕ່ຄວາມຈິງແລ້ວ ເສັ້ນຜົມເຫລົ່ານີ້ແມ່ນພາກສ່ວນທີ່ຄວນຈະຫລົ່ນໄປໃນໄລຍະທີ່ທ່ານຖືພາ. ຜົມຫລົ່ນຫລັງເກີດລູກເປັນອາການທີ່ເກີດຂຶ້ນຊົ່ວຄາວ ແລະ ຜົມຂອງທ່ານຈະກັບມາດົກໜາຄືເກົ່າພາຍໃນເວລາ 1 ປີ. ຕໍ່ໄປນີ້ແມ່ນ 6 ວິທີຊ່ວຍຫລຸດອາການຜົມຫລົ່ນຫລັງເກີດລູກ :

ຜົມຫລົ່ນຫລັງເກີດລູກ 6 ວິທີນີ້ຊ່ວຍທ່ານໄດ້ - Wave100S AD to Website 2020 0 - ຜົມຫລົ່ນຫລັງເກີດລູກ 6 ວິທີນີ້ຊ່ວຍທ່ານໄດ້
  1. ວິຕາມິນ : ວິຕາມິນເບ, ວິຕາມິນເຊ, ວິຕາມິນເອີ, ແຮ່ທາດສັງກະສີ ແລະ ຊີລີນຽມ ລ້ວນແຕ່ເປັນສານອາຫານທີ່ຈຳເປັນຕໍ່ສຸຂະພາບຜິວໜັງ, ເສັ້ນຜົມ ແລະ ເລັບ ຈຶ່ງຄວນກິນວິຕາມິນຕໍ່ຫລັງເກີດລູກແລ້ວ ຖ້າຈະໃຫ້ດີຍິ່ງຂຶ້ນ ຂໍແນະນຳວ່າຄວນປ່ຽນໄປກິນວິຕາມິນເສີມສຳລັບແມ່ລູກອ່ອນ ເຊິ່ງຈະຊ່ວຍໃຫ້ຮ່າງກາຍໄດ້ສານອາຫານທີ່ເໝາະສົມກັບສະພາບຮ່າງກາຍໃນໄລຍະນີ້ໂດຍສະເພາະ.
  2. ໄບໂອຕິນ : ໄບໂອຕິນຢູ່ໃນຕະກູນວິຕາມິນເບ ແລະ ມີຄວາມສຳຄັນຕໍ່ເສັ້ນຜົມເປັນພິເສດ ເນື່ອງຈາກຊ່ວຍໃຫ້ຮ່າງກາຍສ້າງໂປຣຕິນຕ່າງໆ ດັ່ງ : ເຄຣາຕິນ, ການຂາດໄບໂອຕິນ ເປັນສາເຫດໜຶ່ງຂອງຜົມຫລົ່ນ, ຜົມຂາດງ່າຍ ແລະ ເລັບບາງ ຫາກຢາກຕື່ມປະລິມານໄບໂອຕິນໃຫ້ແກ່ຮ່າງກາຍ ຄວນກິນໄບໂອຕິນເສີມມື້ລະ 5 ມິນລີກຣາມ ຄຽງຄູ່ໄປກັບການກິນອາຫານຕາມປົກກະຕິ. ນອກຈາກນີ້, ກໍອາດຈະລອງໃຊ້ຢາສະຜົມ ແລະ ຄຣີມນວດຜົມທີ່ມີໄບໂອຕິນຫລາຍ ແຕ່ວິທີນີ້ຍັງບໍ່ມີການຢັ້ງຢືນວ່າໄດ້ ຜົນແທ້ 100%.
  3. ເບຍ : ເຄີຍໄດ້ຍິນບໍ່ວ່າໃຊ້ເບຍສະຜົມຈະຊ່ວຍໃຫ້ເສັ້ນຜົມມີສຸຂະພາບແຂງແຮງເຫລື້ອມເປັນເງົາ ເລື່ອງນີ້ມີມູນຄວາມຈິງເພາະເບຍເຮັດຈາກການໝັກ ເຊິ່ງມີໄບໂອຕິນ, ກົດໂຟລິກ ແລະ ໄຣໂບຟລາວິນ. ດັ່ງນັ້ນ, ລອງໃຊ້ເບຍໝັກຜົມໄວ້ ຢ່າງໜ້ອຍອາທິດລະ 1 – 2 ເທື່ອ ແລ້ວສັງເກດຜົນ.
  4. ເຫັດຫລິນຈື : ເປັນພືດສະໝຸນໄພທີ່ຄວນມີໄວ້ໃນລາຍການອາຫານຂອງແມ່ລູກອ່ອນ ເຊິ່ງມີສັບພະຄຸນປິ່ນປົວການອັກເສບ, ອຸດົມໄປດ້ວຍແຮ່ທາດສັງກະສີ ແລະ ຂຶ້ນຊື່ວ່າມີປະໂຫຍດຕໍ່ເສັ້ນຜົມ ຫາກແມ່ລູກອ່ອນກິນສະໝຸນໄພນີ້ໃນໄລຍະພັກຟື້ນຫລັງເກີດລູກກໍຈະຊ່ວຍຫລຸດອາການຜົມຫລົ່ນ ແລະ ເລັ່ງໃຫ້ຜົມດົກໜາສຸຂະພາບດີຄືເກົ່າ.
  5. ກົດໄຂມັນທີ່ຈຳເປັນ : ແມ່ລູກອ່ອນຄວນພະຍາຍາມກິນປາທີ່ມີກົດໄຂມັນໂອເມກ້າ 3 ໃຫ້ຫລາຍຂຶ້ນ ຫລື ເລືອກກິນໂອເມກ້າ 3, 6, 9 ຈາກປາ ຫລື ນຳ້ມັນປາເປັນອາຫານເສີມ ເນື່ອງຈາກກົດໄຂມັນທີ່ຈຳເປັນເຫລົ່ານີ້ບໍ່ພຽງແຕ່ຈະມີປະໂຫຍດຕໍ່ຄໍເລສເຕີໂຣນ, ແຕ່ຍັງຊ່ວຍໃຫ້ເສັ້ນຜົມຂອງທ່ານແຂງແຮງ ແລະ ເຫລື້ອມງາມນຳອີກ.
  6. ຕັດຜົມ : ທ່ານອາດເຄີຍໄດ້ຍິນຜູ້ໃຫຍ່ ຫລື ຊ່າງຕັດຜົມແນະນຳໃຫ້ຕັດຜົມສັ້ນກ່ອນຈະເກີດລູກ ສາເຫດກໍຍ້ອນວ່າຜົມສັ້ນຈະຕ້ອງການສານອາຫານໜ້ອຍກ່ວາ ແລະ ອາດຈະຫລົ່ນໜ້ອຍກ່ວາຜົມຍາວ ໂດຍຜົນທີ່ໄດ້ຈາກການຕັດຜົມສັ້ນກໍຄືທ່ານຈະບໍ່ຄ່ອຍມີບັນຫາຜົມແຫ້ງແຕກປາຍ ຫລື ຜົມພັນກັນ ທັງຍັງປະຢັດເວລາໃນການເບິ່ງແຍງຮັກສານຳອີກ.
ຜົມຫລົ່ນຫລັງເກີດລູກ 6 ວິທີນີ້ຊ່ວຍທ່ານໄດ້ - WhatsApp Image 2020 05 27 at 5 - ຜົມຫລົ່ນຫລັງເກີດລູກ 6 ວິທີນີ້ຊ່ວຍທ່ານໄດ້
ຜົມຫລົ່ນຫລັງເກີດລູກ 6 ວິທີນີ້ຊ່ວຍທ່ານໄດ້ - WhatsApp Image 2020 05 27 at 5 - ຜົມຫລົ່ນຫລັງເກີດລູກ 6 ວິທີນີ້ຊ່ວຍທ່ານໄດ້
error: Alert: ເນື້ອຫາຂ່າວມີລິຂະສິດ !!