ກຽມຈັດການແຂ່ງຂັນກ໊ອຟຊາເລັນ ປະຈໍາປີ 2018 ຂຶ້ນຕົ້ນເດືອນມີນານີ້

ກຽມຈັດການແຂ່ງຂັນກ໊ອຟຊາເລັນ ປະຈໍາປີ 2018 ຂຶ້ນຕົ້ນເດືອນມີນານີ້ - 27781499 729235143953728 1562822384 n - ກຽມຈັດການແຂ່ງຂັນກ໊ອຟຊາເລັນ ປະຈໍາປີ 2018 ຂຶ້ນຕົ້ນເດືອນມີນານີ້
ກຽມຈັດການແຂ່ງຂັນກ໊ອຟຊາເລັນ ປະຈໍາປີ 2018 ຂຶ້ນຕົ້ນເດືອນມີນານີ້ - Untitled design - ກຽມຈັດການແຂ່ງຂັນກ໊ອຟຊາເລັນ ປະຈໍາປີ 2018 ຂຶ້ນຕົ້ນເດືອນມີນານີ້

ໃນວັນທີ 6 ກຸມພານີ້, ​ໄດ້ມີພິທີຖະແຫລງຂ່າວກຽມຈັດການແຂ່ງຂັນ ລາວກ໊ອຟຊາເລັນ 2018 ຂຶ້ນຕົ້ນເດືອນມີນານີ້ ທີ່ໂຮງແຮມຄລາວ ພລາຊາ ໂດຍມີທ່ານ ໄຊນະສອນ ປັນຍາທິບ ຜູ້ອໍານວຍການສ້າງ ວາລະສານທາເກັດ, ທ່ານ ສົງຄາມ ສີລາເພັດ ຮອງປະທານ ແລະ ເລຂາທິການສະຫະພັນກິລາກ໊ອຟແຫ່ງຊາດລາວ ແລະ ທ່ານ ຈັນສະໝອນ ຜອງຈັນທາ ຕາງໜ້າບໍລິສັດເບຍລາວ ຈໍາກັດ ພ້ອມຜູ້ສະໜັບສະໜູນ ແລະ ສື່ມວນຊົນເຂົ້າຮ່ວມຢ່າງພ້ອມພຽງ.

ໂອກາດດັ່ງກ່າວ, ທ່ານ ໄຊນະສອນ ປັນຍາທິບ ຜູ້ອໍານວຍການສ້າງວາລະສານທາເກັດ ກ່າວວ່າ: ຕ້ອງຂໍຂອບໃຈກັບຜູ້ສະໜັບສະໜູນທີ່ເຮັດໃຫ້ການແຂ່ງຂັນ ກ໊ອຟລາວຊາເລັນ ເກີດຂຶ້ນມາໄດ້ໃນຕະຫລອດ 5 ປີຜ່ານມາ ເພື່ອເປົ້າໝາຍສົ່ງເສີມກິລາກ໊ອຟລາວກ້າວສູ່ມາດຕະຖານສາກົນ ເຖິງວ່າຈະມີອຸປະສັກເລື່ອງສະໜາມ ແລະ ນັກກິລາ ທີ່ເຫັນວ່າມີຄວາມທ້າທາຍຫຼາຍ. ດັ່ງນັ້ນ, ປີ 2018 ຈັດຂຶ້ນເປັນປີທີ 6 ພວກເຮົາຈຶ່ງເພີ່ມວັນແຂ່ງຂັນເປັນ 2 ວັນ (36 ຂຸມ) ເພື່ອໃຫ້ຫຍັບເຂົ້າໃກ້ມາດຕະຖານເທື່ອລະກ້າວ ໂດຍມາດຕະຖານສາກົນຈະແຂ່ງຂັນກັນ 4 ວັນ ຫລື 4 ຮອບ (72 ຂຸມ).

ປັດຈຸບັນ ໄດ້ເປີດຮັບສະໜັກໄປຈົນເຖິງວັນທີ 21 ກຸມພາ 2018, ສາຍຊາເລັນ ຫລື ສາຍອາຊີບ (ບໍ່ມີແຕ້ມຕໍ່) ຈະໄດ້ແຂ່ງຂັນຢູ່ 2 ມື້ຄື: ວັນທີ 9–10 ມີນາ 2018 ໂດຍກ້ວນໜຶ່ງຈະມີ 4 ທ່ານຄ່າສະໝັກ 1,8 ລ້ານກີບຕໍ່ທ່ານ, ສ່ວນສາຍສະໝັກຫລິ້ນ (ສາຍມີແຕ້ມຕໍ່) ແມ່ນຈ່າຍຄ່າລົງທະບຽນ 1,2 ລ້ານກີບຕໍ່ທ່ານ ເຊິ່ງຈະແຂ່ງຂັນພາຍໃນມື້ດຽວຄືວັນທີ 10 ມີນາ 2018 ໂດຍກ້ວນໜຶ່ງຈະມີ 6 ຄົນ.

ກຽມຈັດການແຂ່ງຂັນກ໊ອຟຊາເລັນ ປະຈໍາປີ 2018 ຂຶ້ນຕົ້ນເດືອນມີນານີ້ - Wave100S AD to Website 2020 0 - ກຽມຈັດການແຂ່ງຂັນກ໊ອຟຊາເລັນ ປະຈໍາປີ 2018 ຂຶ້ນຕົ້ນເດືອນມີນານີ້

ສໍາລັບຊະນະເລີດສາຍຊາເລັນ ຈະໄດ້ຮັບຂັນລາງວັນໃຫຍ່, ເຊັ່ນດຽວກັບສາຍສະໝັກຫລິ້ນ ພ້ອມນັ້ນຍັງມີລາງວັນອັນດັບ 2-4 ອີກດ້ວຍ. ນອກນັ້ນ, ຍັງມີລາງວັນຕີໃກ້ 2 ລາງວັນ, ລາງວັນຕີໄກ 1 ລາງວັນ ແລະ ລາງວັນ HOLE IN ONE 2 ລາງວັນ ຫຼື ຕີບາດດຽວລົງຂຸມ ໄດ້ລາງວັນຈາກເງິນສົດ 10 ລ້ານກີບ ຈາກ ບໍລິສັດຟອດຊິຕີ້ ແລະ 10 ລ້ານກີບຈາກ ບໍລິສັດ ຈາກົວ-ແລນໂຣເວີ.

ກຽມຈັດການແຂ່ງຂັນກ໊ອຟຊາເລັນ ປະຈໍາປີ 2018 ຂຶ້ນຕົ້ນເດືອນມີນານີ້ - WhatsApp Image 2020 05 27 at 5 - ກຽມຈັດການແຂ່ງຂັນກ໊ອຟຊາເລັນ ປະຈໍາປີ 2018 ຂຶ້ນຕົ້ນເດືອນມີນານີ້
ກຽມຈັດການແຂ່ງຂັນກ໊ອຟຊາເລັນ ປະຈໍາປີ 2018 ຂຶ້ນຕົ້ນເດືອນມີນານີ້ - WhatsApp Image 2020 05 27 at 5 - ກຽມຈັດການແຂ່ງຂັນກ໊ອຟຊາເລັນ ປະຈໍາປີ 2018 ຂຶ້ນຕົ້ນເດືອນມີນານີ້
error: Alert: ເນື້ອຫາຂ່າວມີລິຂະສິດ !!