ກັນຍາ ຂຸນວົງສາ ຍ້າຍຮ່ວມສະໂມສອນ ຫລວງພະບາງ ຢູໄນເຕັດ

ກັນຍາ ຂຸນວົງສາ ຍ້າຍຮ່ວມສະໂມສອນ ຫລວງພະບາງ ຢູໄນເຕັດ - 27781755 729224627288113 1873671441 n - ກັນຍາ ຂຸນວົງສາ ຍ້າຍຮ່ວມສະໂມສອນ ຫລວງພະບາງ ຢູໄນເຕັດ
ກັນຍາ ຂຸນວົງສາ ຍ້າຍຮ່ວມສະໂມສອນ ຫລວງພະບາງ ຢູໄນເຕັດ - Untitled design - ກັນຍາ ຂຸນວົງສາ ຍ້າຍຮ່ວມສະໂມສອນ ຫລວງພະບາງ ຢູໄນເຕັດ

ທ້າວ ກັນຍາ ຂຸນວົງສາ ນັກກິລາສະໂມສອນ ນະຄອນຫລວງ ຢູໄນເຕັດ ຍ້າຍຮ່ວມສະໂມສອນ ຫລວງພະບາງ ຢູໄນເຕັດ ເພື່ອເຂົ້າຮ່ວມແຂ່ງຂັນ​ບານ​ເຕະລາວພຣີເມຍລີກ 2018 ເຊິ່ງມີ 8 ສະໂມສອນຄື: ລາວໂຕໂຢຕາ ເອັຟຊີ, ປກສ ເອັຟຊີ, ດີເຄ ເອັຟຊີ, ສະຫວັນ ຢູໄນເຕັດ, ຊ້າງນ້ອຍ ເອັຟຊີ, ກອງທັບ ເອັຟຊີ,  ມາສເຕີ ເຊເວັນ ເອັຟຊີ,  ຫລວງພຣະບາງ ຢູໄນເຕັດ.

ຕາມການໃຫ້ສໍາພາດຂອງທ້າວ ກັນຍາ ຂຸນວົງສາ ວ່າ: ພາຍຫລັງໝົດສັນຍາກັບ ສະໂມສອນ ນະຄອນຫລວງ ຢູໄນເຕັດ ຕົນເອງຈຶ່ງໄດ້ຍ້າຍມາຮ່ວມ ສະໂມສອນ ຫລວງພະບາງ ຢູໄນເຕັດ ເຊິ່ງເປັນທີມນ້ອງໃໝ່ ເພື່ອກຽມເຂົ້າຮ່ວມແຂ່ງຂັນບານ​ເຕະລາວພຣີເມຍລີກ 2018 ແລະ ຫວັງນຳປະສົບການທີ່ເຄີຍຫລິ້ນກັບຫລາຍສະໂມສອນ ພາຕົ້ນສັງກັດໃໝ່ສ້າງຜົນງານໃຫ້ຢູ່ໃນອັນດັບດີທີ່ສຸດ.

ປັດຈຸບັນທ້າວ ກັນຍາ ຂຸນວົງສາ ອາຍຸ 28 ປີ, ຜົນງານລະດັບທີມຊາດ ເຄີຍຕິດທີມຊາດລາວຊຸດໃຫຍ່ມາຫລາຍຊຸດ ສ່ວນຜົນງານລະດັບສະໂມສອນ ແມ່ນເຄີຍຫລິ້ນໃຫ້ກັບຫລາຍສະໂມສອນຄື:  ປີ 2005-2010 ແມ່ນຫລິ້ນໃຫ້ ສະໂມສອນ ທະນາຄານ ສາມາດຍາດໄດ້ແຊ້ມລາວພຣີເມຍລີກ 2 ຄັ້ງ ແລະ ແຊ້ມຂັນນາຍົກລັດຖະມົນຕີແຫ່ງ ສປປ ລາວ 1 ຄັ້ງ, ສ່ວນປີ 2013 ແມ່ນຫລິ້ນໃຫ້ ສະໂມສອນ ຮ່ວາງແອ໋ງອັດຕະປື ພາທີມຍາດໄດ້ອັນດັບ 2 ລາວພຣີເມຍລີກ, ປີ 2015-2016 ແມ່ນຫລິ້ນໃຫ້ ສະໂມສອນ ລ້ານຊ້າງ ຢູໄນເຕັດ ແລະ ຮອບຂາກັບໃຫ້ ສະໂມສອນ ວີເອັສວີ ຢູໄນເຕັດ ປີ 2016, ສ່ວນປີ 2017 ຫລິ້ນໃຫ້ສະໂມສອນ ນະຄອນຫລວງ ຢູໄນເຕັດ.

ກັນຍາ ຂຸນວົງສາ ຍ້າຍຮ່ວມສະໂມສອນ ຫລວງພະບາງ ຢູໄນເຕັດ - Wave100S AD to Website 2020 0 - ກັນຍາ ຂຸນວົງສາ ຍ້າຍຮ່ວມສະໂມສອນ ຫລວງພະບາງ ຢູໄນເຕັດ

ປັດຈຸບັນ ສະໂມສອນ ຫລວງພະບາງ ຢູໄນເຕັດ ໄດ້ເອົານັກກິລາພາຍໃນ ແລະ ຕ່າງປະເທດ ຫລາຍຄົນ ປະກອບມີ ທ້າວ ເພັດຕິກອນ ປັນຍະສິດ ຕຳແໜ່ງກອງກາງ ຈາກສະໂມສອນ ນະຄອນຫລວງ ຢູໄນເຕັດ, ທ້າວ ວັນນາ ບຸນຫລໍ່ວົງສາ ຕຳແໜ່ງກອງໜ້າ ຈາກສະໂມສອນ ດິີເຄ ເອັຟຊີ, ທ້າວ EBOULEE BILLE SAMUEL ຄົນປະເທດຄາເມຣູນ ຕຳແໜ່ງກອງຫລັງ ຈາກສະໂມສອນ ດີເຄ ເອັຟຊີ, ທ້າວ ANY ANGE MIKEL ຕຳແໜ່ງກອງກາງ ຈາກສະໂມສອນ ທິບສະຫວັນ ເ​ອັຟຊີ, ທ້າວ MARCIO SANTOS ຄົນປະເທດບຣາຊິນ ຕຳແໜ່ງກອງໜ້າ ຈາກສະໂມສອນ ສະຫວັນ ຢູໄນເຕັດ ໃນປີ 2016 ເຊິ່ງຍ້າຍມາຈາກ ສະໂມສອນ Chennai City FC ປະເທດອິນເດຍ, ທ້າວ Taiga Nakamura ຄົນປະເທດຍີ່ປຸ່ນ ຕຳແໜ່ງກອງຫລັງ. ນອກຈາກນັ້ນ ຍັງມີນັກກິລາພາຍໃນແຂວງເຂົ້າຮ່ວມສະໂມສອນ.

ກັນຍາ ຂຸນວົງສາ ຍ້າຍຮ່ວມສະໂມສອນ ຫລວງພະບາງ ຢູໄນເຕັດ - WhatsApp Image 2020 05 27 at 5 - ກັນຍາ ຂຸນວົງສາ ຍ້າຍຮ່ວມສະໂມສອນ ຫລວງພະບາງ ຢູໄນເຕັດ
ກັນຍາ ຂຸນວົງສາ ຍ້າຍຮ່ວມສະໂມສອນ ຫລວງພະບາງ ຢູໄນເຕັດ - WhatsApp Image 2020 05 27 at 5 - ກັນຍາ ຂຸນວົງສາ ຍ້າຍຮ່ວມສະໂມສອນ ຫລວງພະບາງ ຢູໄນເຕັດ
error: Alert: ເນື້ອຫາຂ່າວມີລິຂະສິດ !!