ທຳລາຍຕູ້ເກມແຕ່ບໍ່ລົງໂທດຜູ້ກະທຳຜິດ

ທຳລາຍຕູ້ເກມແຕ່ບໍ່ລົງໂທດຜູ້ກະທຳຜິດ - 524frr - ທຳລາຍຕູ້ເກມແຕ່ບໍ່ລົງໂທດຜູ້ກະທຳຜິດ
ທຳລາຍຕູ້ເກມແຕ່ບໍ່ລົງໂທດຜູ້ກະທຳຜິດ - Untitled design - ທຳລາຍຕູ້ເກມແຕ່ບໍ່ລົງໂທດຜູ້ກະທຳຜິດ

ໂດຍ: ທ່ຽງທຳ

ສະບາຍດີ, ເພື່ອນຜູ້ອ່ານທີ່ ຮັກແພງ, ເມືອຫວນຄືນຫລັງເບິ່ງ ຄືນຄຳສັ່ງສອນຂອງການນ້ຳມື ລາງເພິ່ນເຕືອນໄພວ່າ: ເມື່ອເກີດ ປະຕູອອກວ້າງແລ້ວກໍຈະມີຮິ້ນມີ ຍຸງເຂົ້າມາລົບກວນອາດຈະເຮັດ ໃຫ້ເຮົາກິນບໍ່ແຊບນອນບໍ່ຫລັບ… ຖ້າເຮົາບໍ່ມີເຄື່ອງມື ແລະ ຕາໜ່າງ ເພື່ອກັນຮິ້ນກັນຍຸງຮ້າຍດັ່ງກ່າວ, ໃນຄວາມຈິງມັນກໍແມ່ນແນວນັ້ນ ແທ້ ແລະ ໃນບົດຂຽນນີ້ທ່ຽງທຳ ຂໍຍົກເອົາບັນຫາການແກ້ໄຂ ຕູ້ ເກມການພະນັນເຖື່ອນ ແລະ ຜິດ ກົດໝາຍມີມາແຕ່ດົນແລ້ວ ແລະ ມີເປັນວົງກວ້າງຢູ່ແຂວງໃດທ້ອງ ຖິ່ນໃດກໍມີນັບແຕ່ມືປະເທດເຮົາ ເປີດກວ້າງມັນກໍເຂົ້າມາໂລດ, ໂດຍສ່ວນໃຫຍ່ແມ່ນມາຈກປະ ເທດໃກຄຽງເຮົາ ແລະ ໃຜກໍຮູ້ ວ່າ ມັນເປັນສິ່ງບໍ່ດີ, ເປັນສິ່ງຜິດກົດ ລະບຽບກົດໝາຍ ແລະ ກໍມີ ການ ກວດກາທຳລາຍມາຕະຫລອດ ແຕ່ກໍຍັງບໍ່ເດັດຂາດໄດ້, ດັ່ງມີ ຂ່າວຢູ່ຫລວງພະບາງ.

ໃນວັນທີ 6 ກຸມພານີ້, ພະ ແນກຖະແຫລງຂ່າວ, ວັດທະນະ ທຳ ແລະ ທ່ອງທ່ຽວແຂວງດັ່ງ ກ່າວໄດ້ສົມທົບກັບເຈົ້າໜ້າທີ່ ສະເພາະກິດລົງກວດກາ ຢູ່ຮ້ານ ຕູ້ເກມທີ່ບໍ່ຖືກຕ້ອງດັ່ງກ່າວ ໃນ ເທສະບານແຂວງຂອງຕົນຈຳ ນວນ 4 ແຫ່ງ ແລະ ສາມາດຢຶດ ຕູ້ເກມໄດ້ 33 ໜ່ວຍເພື່ອມາທຳ ລາຍຖິ້ມເປັນຄັ້ງທີ 4 ແລ້ວ ແລະ ຄັ້ງນີ້ ກໍມີຫົວໜ້າກົງສູນໃຫຍ່ ສປ ຈີນ ປະຈຳແຂວງຫລວງພະບາງ ເຂົ້າຮ່ວມນຳ, ເຊິ່ງຜູ້ກະທຳຜິດກໍ ອາດເປັນຂອງເພື່ອນບ້ານເຮົາ ແລະ ໃນແຫລ່ງຂ່າວດັ່ງກ່າວກໍບໍ່ ໄດ້ລາຍງານເຖິງການລົງໂທດ ໃດໆ ຕໍ່ຜູ້ກະທຳຜິດ, ໃນຈຸດນີ້ ພວກເຮົາອາດຕີລາຄາໄດ້ວ່າເປັນ ຫຍັງການສະກັດກັ້ນສິ່ງຫຍໍ້ທໍ້ດັ່ງ ກ່າວຈິ່ງບໍ່ມີປະສິດທິຜົນ, ນັ້ນກໍ ອາດເນື່ອງມາຈກທຳລາຍແຕ່ຕູ້ ເກມ ສ່ວນຜູ້ກະທຳຜິດກໍອາດມີ ພຽງລົງໂທດເລັກໆນ້ອຍໆ ໃນ ສະຖານສຶກສາອົບຮົມ, ປັບໄໝ ແລ້ວກໍພໍ, ໃນທີ່ສຸດຮ້ານຕູ້ເກມ ດັ່ງກ່າວກໍຍັງເກີດຂຶ້ນມາອີກ ແລະ ຮ້າຍແຮງໄປກວ່ານັ້ນຢູ່ນະຄອນ ຫລວງວຽງຈັນໃນປັດຈຸບັນ, ການພະນັນເຖື່ອນດັ່ງກ່າວກ້າວ ໄປສູ່ຮູບການອອນລາຍແລ້ວ, ເຊິ່ງມັນມີເງື່ອນງຳ ຢູ່ຮ້ານອິນເຕີ ເນັດກາເຟ, ຮ້ານບໍລິການຫລິ້ນ ເກມອອນລາຍອື່ນໆ ແມ່ນຍັງ ມີຫລາຍ ແລະ ກໍເຮັດໃຫ້ການ ສະກັດກັ້ນໄດ້ຢາກຍ້ອນຄວາມບໍ່ ເດັດຂາດຂອງຂະແໜງຄວບ ຄຸມບັນຫານີ້, ເອົາລະເວົ້າມາກໍມີ ຫລາຍອັນທີ່ເປັນຮິ້ນເປັນຍຸງເຂົ້າ ມາລົບກວນເຮົາ.
ດັ່ງນັ້ນຈິ່ງຂໍເຕືອນສະຕິໃຫ້ ເພີ່ມຄວາມເປັນເຈົ້າການສະກັດ ກັ້ນຮິ້ນຍຸງດັ່ງກ່າວໃຫ້ໝົດໄປ./.

 

ທຳລາຍຕູ້ເກມແຕ່ບໍ່ລົງໂທດຜູ້ກະທຳຜິດ - Wave100S AD to Website 2020 0 - ທຳລາຍຕູ້ເກມແຕ່ບໍ່ລົງໂທດຜູ້ກະທຳຜິດ

+ ຕຳຫລວດແຂວງບໍ່ແກ້ວທຳລາຍສວນຝິ່ນຢູ່ເມືອງປາກທາໃນເນື້ອທີ່ 3,5 ເຮັກຕາ

+ ເຈົ້າໜ້າທີ່ສະເພາະກິດເມືອງວັງວຽງທຳລາຍສິນຄ້າໝົດອາຍຸຈຳນວນຫລາຍ

ທຳລາຍຕູ້ເກມແຕ່ບໍ່ລົງໂທດຜູ້ກະທຳຜິດ - WhatsApp Image 2020 05 27 at 5 - ທຳລາຍຕູ້ເກມແຕ່ບໍ່ລົງໂທດຜູ້ກະທຳຜິດ
ທຳລາຍຕູ້ເກມແຕ່ບໍ່ລົງໂທດຜູ້ກະທຳຜິດ - WhatsApp Image 2020 05 27 at 5 - ທຳລາຍຕູ້ເກມແຕ່ບໍ່ລົງໂທດຜູ້ກະທຳຜິດ
error: Alert: ເນື້ອຫາຂ່າວມີລິຂະສິດ !!