ເມືອງປາກຊັນຈະຍົກລະດັບເສັ້ນທາງໃນເທດສະບານເມືອງເປັນທາງເບຕົງເສີມເຫລັກ ແລະ ປູຢາງ 2 ຊັ້ນ

- Untitled design - ເມືອງປາກຊັນຈະຍົກລະດັບເສັ້ນທາງໃນເທດສະບານເມືອງເປັນທາງເບຕົງເສີມເຫລັກ ແລະ ປູຢາງ 2 ຊັ້ນ

- P11 300x201 - ເມືອງປາກຊັນຈະຍົກລະດັບເສັ້ນທາງໃນເທດສະບານເມືອງເປັນທາງເບຕົງເສີມເຫລັກ ແລະ ປູຢາງ 2 ຊັ້ນ

ເພື່ອເປັນການຍົກລະດັບບັນດາພື້ນຖານໂຄງລ່າງຕາມແຜນພັດທະນາເສດຖະກິດສັງຄົມຂອງ  ແຂວງເວົ້າລວມ ເວົ້າສະເພາະກໍ່ແມ່ນພາຍໃນເທດສະບານເມືອງປາກຊັນໃຫ້ມີບາດກ້າວຂະຫຍາຍຕົວຂຶ້ນໄປເລື້ອຍໆ, ພິທີເຊັນ ສັນຍາໂຄງການກໍ່ສ້າງຍົກລະດັບ ເສັ້ນທາງປູເບຕົງເສີມເຫລັກ ແລະ ທາງປູຢາງ 2 ຊັ້ນເທດສະບານ ເມືອງ ປາກຊັນແຂວງບໍລິຄຳໄຊ ໄດ້ມີຂຶ້ນໃນວັນທີ 7 ເມສານີ້, ທີ່ເມືອງດັ່ງກ່າວລະຫວ່າງ ທ່ານ ກະເສີມສັກແກ້ວໄຊຍະວົງ ປະທານກຸ່ມບໍລິສັດຈະເລີນຊັບຄົບວົງຈອນຈຳກັດ ແລະ ພະແນກໂຍ ທາທິການ ແລະ ຂົນສົ່ງແຂວງ ເຈົ້າຂອງ ໂຄງການເພື່ອເປັນການປັບປຸງ ແລະ ຕອບສະໜອງການຄົມມະນາຄົມ ໃຫ້ມີຄວາມສະດວກປອດໄພຮັບ ປະກັນການນຳໃຊ້ຍາວນານ ແລະ ເປັນການພັດທະນາເທດສະບານແຂວງ ໃຫ້ມີໃບໜ້າໃໝ່ໃນການສ້າງຕົວເມືອງ ໃຫ້ເປັນເມືອງສີຂຽວສວຍງາມ ແລະ ໜ້າຢູ່ໃນນັ້ນລວມມີ  15 ເສັ້ນທາງໃນ 7 ໂຄງການ.  ເສັ້ນທາງແຄມຊັນ, ເສັ້ນກາງ, ເສັ້ນແຄມທົ່ງ ແລະ ທາງຊອຍເຊື່ອມ 3 ເສັ້ນທາງຫລັກດັ່ງກ່າວຈະໄດ້ຍົກລະດັບເປັນທາງປູເບ ຕົງເສີມເຫລັກ ແລະ ອີກຈຳນວນໜຶ່ງຈະໄດ້ຍົກລະດັບເປັນທາງປູຢາງ 2 ຊັ້ນລວມມີຄວາມຍາວທັງໝົດ ຫລາຍກວ່າ 28 ກິໂລ ແມັດໃນມູນຄ່າການກໍ່ສ້າງຫລາຍກວ່າ 228 ຕື້ກີບຄາດວ່າ ຈະໃຫ້ສຳເລັດພາຍໃນໄລຍະ 3  ປີນັບແຕ່ມື້ລົງນາມສັນຍານີ້ເປັນຕົ້ນໄປ.

ຈາກນັ້ນກໍໄດ້ມີພິທີຕັດແຖບຜ້າເປີດໂຄງການກໍ່ສ້າງຢ່າງເປັນທາງການຢູ່ທີ່ສະໜາມຕົວຈິງທີ່ບ້ານມີໄຊໂດຍໃຫ້ ກຽດເຂົ້າຮ່ວມຂອງທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ.

- Wave100S AD to Website 2020 0 - ເມືອງປາກຊັນຈະຍົກລະດັບເສັ້ນທາງໃນເທດສະບານເມືອງເປັນທາງເບຕົງເສີມເຫລັກ ແລະ ປູຢາງ 2 ຊັ້ນ
- WhatsApp Image 2020 05 27 at 5 - ເມືອງປາກຊັນຈະຍົກລະດັບເສັ້ນທາງໃນເທດສະບານເມືອງເປັນທາງເບຕົງເສີມເຫລັກ ແລະ ປູຢາງ 2 ຊັ້ນ
- WhatsApp Image 2020 05 27 at 5 - ເມືອງປາກຊັນຈະຍົກລະດັບເສັ້ນທາງໃນເທດສະບານເມືອງເປັນທາງເບຕົງເສີມເຫລັກ ແລະ ປູຢາງ 2 ຊັ້ນ
error: Alert: ເນື້ອຫາຂ່າວມີລິຂະສິດ !!