ແລ້ງນີ້ຄຳມ່ວນຈະຜະລິດເຂົ້າອິນຊີໃຫ້ໄດ້ 3.000 ເຮັກຕາ
ແຫລ່ງຂ່າວແຂວງຄຳ ມ່ວນໃຫ້ຮູ້ວ່າ: ຂະບວນການປູກ ພືດລະດູແລ້ງປີນີ້ນັບວ່າເປັນ ຂະບວນກວ້າງຂວາງ ແລະ ຟົດ ຟື້ນກວ່າຊຸມປີຜ່ານມາຄື: ການ ປູກເຂົ້ານາແຊງມາຮອດປັດຈຸ ບັນສຳເລັດການປັກດຳແລ້ວ ໃນເນື້ອທີ່ຫລາຍກວ່າ 7.000 ເຮັກຕາ ແລະ ຄາດວ່າຈະໃຫ້ ສຳເລັດ 100% ໃນຕົ້ນເດືອນ ກຸມພານີ້, ຂອງເນື້ອທີ່ທັງໝົດ 9.500 ເຮັກຕາ ແລະ ໃນນີ້ຈະ ຜະລິດເຂົ້າອິນຊີ ໃຫ້ໄດ້ຢ່າງ ໜ້ອຍ 3.000 ເຮັກຕາ, ດ້ວຍ ສະມັດຕະພາບໃຫ້ໄດ້ 5,72 ໂຕ ຕໍ່ເຮັກຕາ.
ສ່ວນການປູກພືດລະດູ ແລ້ງສຳເລັດແລ້ວປະມານ 70% ຂອງເນື້ອທີ່ແຜນການ 9.400 ເຮັກຕາໂດຍສວນ ໃຫຍ່ ແມ່ນຂະບວນການປູກ ສາລີ, ຢາສູບ, ໝາກແຕງ ແລະ ພືດຜັກຕ່າງໆ ເພື່ອຕອບ ສະໜອງຄວາມຕ້ອງການ ຂອງຕະຫລາດພາຍໃນ.
ໃນຜ່ານມານີ້, ໂດຍພືດ ຖານແລ້ວແມ່ນແຂວງຄຳ ມ່ວນສາມາດຄ້ຳປະກັນ ສະບຽງອາຫານໄດ້ໂດຍ ພື້ນຖານ ແລະ ໄດ້ຮັບການ ຍ້ອງຍໍຈາກກຸ່ມຜູ້ຜະລິດເຂົ້າ ຂອງບັນດາປະເທດອາຊຽນ ອີກດ້ວຍ./.
+ ເມືອງທ່າປາງທອງມີແຜນຜະລິດເຂົ້ານາແຊງ 300 ເຮັກຕາ
+ ແຂວງບໍ່ແກ້ວເກັບກູ້ເຂົ້ານາແຊງສຳເລັດແລ້ວ 100%
