ວິທີເຮັດໃຫ້ຮີມສົບແດງງາມມີສຸຂະພາບດີ

ວິທີເຮັດໃຫ້ຮີມສົບແດງງາມມີສຸຂະພາບດີ - 020702 2018 - ວິທີເຮັດໃຫ້ຮີມສົບແດງງາມມີສຸຂະພາບດີ
ວິທີເຮັດໃຫ້ຮີມສົບແດງງາມມີສຸຂະພາບດີ - Untitled design - ວິທີເຮັດໃຫ້ຮີມສົບແດງງາມມີສຸຂະພາບດີ
  1. ນົມເຢັນໆກັບຂີ້ໝິ້ນຝຸ່ນ : ປ່ຽນປາກດຳຄຳ້ໃຫ້ເປັນສີສົດໃສຂຶ້ນໄດ້ ໂດຍການໃຊ້ຂີ້ໝິ້ນຝຸ່ນ 1 ບ່ວງກາເຟ ປະສົມກັບນົມແຊ່ເຢັນປະລິມານໜ້ອຍໜຶ່ງ ພໍໃຫ້ສ່ວນປະສົມເປັນຄຣີມຂຸ້ນໆ ທາໃສ່ຮີມສົບ ພອກປະໄວ້ 5 ນາທີ ເຮັດແບບນີ້ທຸກມື້ເປັນເວລາ 2 ອາທິດ ທ່ານຈະສັງເກດເຫັນຮີມສົບເປັນສີບົວຂຶ້ນເລື້ອຍໆ.
  2. ມອຍເຈີໄຣເຊີ : ຮີມສົບບໍ່ແຕກຕ່າງຈາກຜິວໜັງທີ່ຕ້ອງບຳລຸງໃຫ້ຊຸ່ມຊື່ນ ບໍ່ວ່າຈະໃຊ້ວາສະລີນ ຫລື ລິບສະຕິກມັນກໍເປັນ ການບຳລຸງທີ່ດີຄືກັນ, ຮີມສົບທີ່ຊຸ່ມຊື່ນຈະບໍ່ແຕກ, ບໍ່ແຫ້ງ, ບໍ່ດຳຄຳ້, ແຕ່ເປັນສີແດງອົມບົວຕາມທຳມະຊາດ.
  3. ນຳ້ໝາກໄມ້ : ກິນຜັກສີແດງ, ສີມ້ວງ ຈະເຮັດໃຫ້ປາກແດງ, ລີ້ນແດງ ຫລື ຈະເອົານຳ້ຜັກ – ນຳ້ໝາກໄມ້ທີ່ມີສີແດງ ຫລື ສີມ້ວງມາທາຮີມສົບກ່ອນນອນກໍໄດ້ ມັນຈະເຮັດໜ້າທີ່ເປັນລິບສະຕິກມັນອ່ອນໆ ຍ້ອມຮີມສົບໃຫ້ເປັນສີແດງງາມ.
  4. ກີບກຸຫລາບບົດແຫລວ : ດອກກຸຫລາບບໍ່ໄດ້ມີດີຢູ່ກິ່ນຫອມເທົ່ານັ້ນ ທ່ານສາມາດເອົາກີບກຸຫລາບມາບົດໃຫ້ແຫລວ ແລ້ວເອົາມາທາຮີມສົບ ກໍຈະໄດ້ຮີມສົບສີແດງງາມແບບດອກກຸຫລາບ.
  5. ຂົນແປງຖູແຂ້ວອ່ອນໆ : ໃຊ້ແປງຖູແຂ້ວທີ່ມີຂົນອ່ອນໆຈຸ່ມນຳ້ອຸ່ນແລ້ວເອົາມາຖູຮີມສົບຂອງທ່ານຄ່ອຍໆ ຈະເປັນການຜັດຖູຜິວໜັງຊັ້ນນອກທີ່ແຫ້ງແລ້ວໃຫ້ລອກອອກໄປ ນີ້ເປັນວິທີໜຶ່ງທ່ີຈະເຮັດໃຫ້ຮີມສົບແດງງາມສຸຂະພາບດີ.
  6. ຜັດຜິວດ້ວຍສູດນຳ້ຕານ – ນຳ້ໝາກນາວ : ໃຊ້ນຳ້ຕານໜ້ອຍໜຶ່ງປະສົມກັບນຳ້ໝາກນາວໜ້ອຍໜຶ່ງ ນວດໃສ່ຮີມສົບຄ່ອຍໆ ເປັນວິທີຜັດແຊນຜິວໜັງເກົ່າທີ່ດີບໍ່ໜ້ອຍກ່ວາການໃຊ້ຂົນແປງຖູແຂ້ວ.
  7. ນຳ້ມັນໝາກອາວມັອນ -​ ນຳ້ໝາກນາວ : ການບຳລຸງຮີມສົບໃຫ້ນຸ້ມຊຸ່ມຊື່ນ ຈະເປັນວິທີທີ່ເຮັດໃຫ້ຮີມສົບເປັນສີແດງອົມບົວເປັນທຳມະຊາດໄດ້ ໂດຍໃຊ້ນຳ້ມັນຖົ່ວອາວມັອນປະສົມກັບນຳ້ໝາກນາວທາຮີມສົບເປັນປະຈຳທຸກມື້ ເຮັດເລື້ອຍໆຮີມສົບກໍຈະແດງອົມບົວມີສຸຂະພາບດີ.
  8. ນຳ້ເຜິ້ງ : ນຳ້ເຜິ້ງເປັນວັດຖຸດິບຈາກທຳມະຊາດທີ່ສາມາດຕື່ມຄວາມຊຸ່ມຊື່ນໃຫ້ຜິວໜັງໄດ້ດີ ທັງຍັງມີລິດຂ້າເຊື້ອໄດ້ອ່ອນໆນຳອີກ ໃຊ້ນຳ້ເຜິ້ງທາບາງໆໃສ່ຮີມສົບກ່ອນນອນເປັນປະຈຳທຸກມື້ ທ່ານຈະຕື່ນຂຶ້ນມາພ້ອມຄວາມຫວານ ແລະ ພົບວ່າຮີມສົບນຸ້ມຊຸ່ມຊື່ນ ແດງງາມເປັນທຳມະຊາດ.
ວິທີເຮັດໃຫ້ຮີມສົບແດງງາມມີສຸຂະພາບດີ - Wave100S AD to Website 2020 0 - ວິທີເຮັດໃຫ້ຮີມສົບແດງງາມມີສຸຂະພາບດີ
ວິທີເຮັດໃຫ້ຮີມສົບແດງງາມມີສຸຂະພາບດີ - WhatsApp Image 2020 05 27 at 5 - ວິທີເຮັດໃຫ້ຮີມສົບແດງງາມມີສຸຂະພາບດີ
ວິທີເຮັດໃຫ້ຮີມສົບແດງງາມມີສຸຂະພາບດີ - WhatsApp Image 2020 05 27 at 5 - ວິທີເຮັດໃຫ້ຮີມສົບແດງງາມມີສຸຂະພາບດີ
error: Alert: ເນື້ອຫາຂ່າວມີລິຂະສິດ !!