ສານອາຍາສາກົນເລີ່ມສອບສວນ ສົງຄາມຢາເສບຕິດໃນຟີລິບປິນ

ສານອາຍາສາກົນເລີ່ມສອບສວນ ສົງຄາມຢາເສບຕິດໃນຟີລິບປິນ - Duterte ICC - ສານອາຍາສາກົນເລີ່ມສອບສວນ ສົງຄາມຢາເສບຕິດໃນຟີລິບປິນ
ສານອາຍາສາກົນເລີ່ມສອບສວນ ສົງຄາມຢາເສບຕິດໃນຟີລິບປິນ - Untitled design - ສານອາຍາສາກົນເລີ່ມສອບສວນ ສົງຄາມຢາເສບຕິດໃນຟີລິບປິນ

ລັດຖະບານ​ຟີ​ລິບ​ປິນ​ເປີດ​ເຜີຍ​ວ່າ: ສານ​ອາຍາສາກົນດຳ​ເນີນ​ການ​ສອບ​ສວນ​ເບື້ອງຕົ້ນກ່ຽວ​ກັບ​ສະຖານະ​ການ​ສົງຄາມ​ຢາ​ເສບ​ຕິດ​ໃນ​ປະ​ເທດ ວ່າ​ປະທານາທິບໍດີ ​ໂຣດຣິ​ໂກ ດູ​ເຕ​ີ​ເຕ ອາດ​ມີ​ສ່ວນ​ກ່ຽວຂ້ອງ.

ສານອາຍາສາກົນເລີ່ມສອບສວນ ສົງຄາມຢາເສບຕິດໃນຟີລິບປິນ - 01022017 philippines duterte 300x169 - ສານອາຍາສາກົນເລີ່ມສອບສວນ ສົງຄາມຢາເສບຕິດໃນຟີລິບປິນ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ມະນິລາ ປະ​ເທດ​ຟີ​ລິບ​ປິນ ​ໃນ​ວັນ​ທີ 8 ກຸມພາ​ວ່າ: ທ່ານ ​ແຮຣີ ​ໂຣດ ​ໂຄສົກ​ທຳນຽບມາລາ​ກັນ​ຍັງ ກ່າວ​ໃນ​ວັນ​ທີ 8 ກຸມພາ​ວ່າ: ສານ​ອາຍາ​ສາກົນ (ICC) ​ໃນ​ນະຄອນຫລວງ​ເຮ​ັກ ​ເລີ່​ມດຳ​ເນີນ​ການ​ສອບ​ສວນ​ເບື້ອງຕົ້ນຕໍ່​ການ​ຮ້ອງ​ຮຽນ​ວ່າ: ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ສົມຮູ້​ຮ່ວມ​ຄິດ​ກັບ​ການ​ເສຍ​ຊີວິດ​ຢ່າງ​ຜິດ​ກົດໝາຍ​ຂອງ​ປະຊາຊົນ​ຫລາຍ​ກວ່າ 4.000 ຄົນ ນັບ​ແຕ່​ເຈົ້າໜ້າ​ທີ່​ຝ່າຍ​ຄວາມ​ໝັ້ນຄົງ​ຂອງ​ຟີ​ລິບ​ປິນປະຕິບັດ​ການ​ສົງຄາມ​ຢາ​ເສບ​ຕິດ​ໃນ​ກາງ​ປີ 2016.

​ເຖິງ​ຢ່າງ​ໃດ​ກໍ​ຕາມ, ICC ຍັງ​ສະຫງວນ​ທ່າ​ທີ​ຕໍ່​ຄຳ​ກ່າວ​ຂອງ​ໂຄສົກ​ລັດຖະບານ​ມະ​ນິລາ ​ແລະ ຍັງ​ບໍ່​ມີ​ການ​​ເຜີຍ​ແຜ່​ຖະ​ແຫລ​ງການ​ກ່ຽວ​ກັບ​ເລື່ອງ​ນີ້​ຢ່າງ​ເປັນ​ທາງ​ການ. ຂະນະ​ທີ່ ທ່ານ ​ໂຣດ ກ່າວ​ວ່າ: ສັດຕູ​ຂອງ​ລັດ​ຢູ່​ເບື້ອງຫລັງ​ເລື່ອງ​ນີ້ ​ແລະ ຝ່າຍ​ກົດໝາຍ​ຂອງ​ລັດຖະບານ​ຫາລື​ເລື່ອງ​ດັ່ງກ່າວ​ກັບ​ທ່ານ ດູ​ເຕີ​ເຕ ​​ແລ້ວ ​ເຊິ່ງຜູ້ນຳ​ຟີ​ລິບ​ປິນກ່າວ​ວ່າ: ICC ກຳລັງ​ເຮັດ​ສິ່ງ​ທີ່​ໄຮ້​ປະ​ໂຫຍ​ດ ​ແລະ ທ່ານ​ມີ​ຄວາມ​ພ້ອມ​ຢ່າງ​ເຕັມທີ່​ໃນ​ການ​ຂຶ້ນສານ​ຢູ່​ນະຄອນຫລວງ​ເຮັກ.

ທັງ​ນີ້, ທ່ານ ດູ​ເຕີ​ເຕ ​ເຕືອນ​ເລື່ອງ​ການ​ນຳ​ຟີ​ລິບ​ປິນຖອນ​ຕົວ​ຈາກ​ການ​ເປັນ​ລັດ​ພາຄີ​ຂອງ​ລັດຖະທຳ​ມະນູ​ນນະຄອນຫລວງ​ໂຣມ ​ເຊິ່ງ​ເປັນ​ສົນທິສັນຍາ​ສາກົນ​ທີ່​ນຳ​ໄປ​ສູ່​ການ​ສະຖາປະນາ ICC ​ໃນ​ປີ 2002.

ສານອາຍາສາກົນເລີ່ມສອບສວນ ສົງຄາມຢາເສບຕິດໃນຟີລິບປິນ - WhatsApp Image 2020 05 27 at 5 - ສານອາຍາສາກົນເລີ່ມສອບສວນ ສົງຄາມຢາເສບຕິດໃນຟີລິບປິນ
ສານອາຍາສາກົນເລີ່ມສອບສວນ ສົງຄາມຢາເສບຕິດໃນຟີລິບປິນ - WhatsApp Image 2020 05 27 at 5 - ສານອາຍາສາກົນເລີ່ມສອບສວນ ສົງຄາມຢາເສບຕິດໃນຟີລິບປິນ
error: Alert: ເນື້ອຫາຂ່າວມີລິຂະສິດ !!