ເບິ່ງບັນຫາວຸ້ນໆ ຢູ່ສີລັງກາ ແລະ ອິນໂດເນເຊຍ

ເບິ່ງບັນຫາວຸ້ນໆ ຢູ່ສີລັງກາ ແລະ ອິນໂດເນເຊຍ - Untitled 1 copy 1 - ເບິ່ງບັນຫາວຸ້ນໆ ຢູ່ສີລັງກາ ແລະ ອິນໂດເນເຊຍ
ເບິ່ງບັນຫາວຸ້ນໆ ຢູ່ສີລັງກາ ແລະ ອິນໂດເນເຊຍ - Untitled design - ເບິ່ງບັນຫາວຸ້ນໆ ຢູ່ສີລັງກາ ແລະ ອິນໂດເນເຊຍ

  # ວິເສດ ສະແຫວງສຶກສາ

ເຊັ່ນດຽວກັບທີ່ເຄີຍປະຕິ ບັດມາ, ມື້ນີ້ຜູ້ຂຽນໄດ້ສັງລວມ ເອົາມາດຕະການທາງກົດໝາຍ ຈຳນວນໜຶ່ງຈາກຕ່າງແດນມາ ສະເໜີໃຫ້ ທ່ານຜູ້ອ່ານໄດ້ຊາບ ຕາງເປັນບົດຮຽນ ທັງບົດຮຽນ ທີ່ອາດນຳໄປໃຊ້ໄດ້ ແລະ ບົດ ຮຽນທີ່ຄວນຫລີກເວັ້ນເພື່ອໃຫ້ ສອດຄ່ອງກັບສະພາບຄວາມ ເປັນຈິງ ຂອງບ້ານເຮົາເຊັ່ນ: ກົດ ໝາຍອະນຸຍາດ ໃຫ້ຂາຍເຄື່ອງ ດື່ມທີ່ມີທາດເຫລົ້າໃຫ້ແມ່ຍິງ ທີ່ ມີອາຍຸ 18 ປີ ຂຶ້ນໄປຢູ່ປະເທດ ສີລັງກາ ແລະ ມາດຕະການລົງໂທດຜູ້ກະທຳຜິດຖານໝິ່ນປະໝາດຜູ້ນຳ ຢູ່ອິນໂດເນເຊຍ .

 

+ ການເງິນຫລວງນ້ຳທາເຜີຍແຜ່ຂໍ້ຕົກລົງລັດຖະມົນຕີກະຊວງການເງິນວ່າດ້ວຍຂໍ້ຫ້າມ ແລະ ວິໄນຂອງພະນັກງານ-ລັດຖະກອນ

ເບິ່ງບັນຫາວຸ້ນໆ ຢູ່ສີລັງກາ ແລະ ອິນໂດເນເຊຍ - Wave100S AD to Website 2020 0 - ເບິ່ງບັນຫາວຸ້ນໆ ຢູ່ສີລັງກາ ແລະ ອິນໂດເນເຊຍ

+ ບັນຫາຮ້ານກິນດື່ມໃກ້ສະຖານທີ່ການສຶກສາຍັງແກ້ບໍ່ຕົກ

ຂໍເລີ່ມຈາກເລື່ອງ ປະເທດ ສີລັງກາ ຍົກເລີກກົດໝາຍຫ້າມ ຂາຍເຄື່ອງດື່ມທີ່ມີທາດເຫລົ້າໃຫ້ ແມ່ຍິງ. ຢູ່ປະເທດສີລັງການັ້ນມີ ກົດໝາຍຫ້າມຂາຍເຫລົ້າໃຫ້ແມ່ ຍິງ ເຊິ່ງໄດ້ປະກາດໃຊ້ມາ ແລ້ວ ເປັນເວລາ 60 ປີ ແຕ່ຢູ່ບໍ່ຢູ່ ຝ່າຍ ລັດຖະບານ ເຊິ່ງມີລັດມົນຕີກະ ຊວງການເງິນ ເປັນຫົວຫອກພັດ ປະກາດຍົກເລິກກົດໝາຍ ດັ່ງກ່າວ ເພື່ອໃຫ້ສິດແມ່ຍິງທີ່ມີອາຍຸແຕ່ 18 ປີ ຂຶ້ນໄປ ສາມາດຊື້ເຄື່ອງ ດື່ມ ທີ່ມີທາດເຫລົ້າມາດື່ມໄດ້ໂດຍ ອ້າງວ່າ ເພື່ອສົ່ງເສີມອຸດສາຫະ ກຳທ່ອງທ່ຽວ ແລະ ເພື່ອຄວາມ ເທົ່າທຽມທາງເພດ (ໝາຍ ຄວາມວ່າ ຖ້າຜູ້ຊາຍດື່ມເຫລົ້າ ໄດ້ແມ່ຍິງກໍຄວນດື່ມໄດ້). ນອກ ຈາກແມ່ຍິງຈະຊື້ເຫລົ້າມາດື່ມ ໄດ້ແລ້ວຍັງສາມາດປະກອບອາ ຊີບຢູ່ຕາມສະຖານທີ່ຈຳໜ່າຍ ເຫລົ້າ(ເຊິ່ງເມື່ອກ່ອນແມ່ນ ຫ້າມ).

ສ່ວນບັນດາຮ້ານຈຳໜ່າຍ ເຄື່ອງດື່ມປະເພດມືນເມົານັ້ນ ສາມາດຍືດເວລາ ໃຫ້ບໍລິການ ໄດ້ຕື່ມອີກ 1 ຊົ່ວໂມງ (ຄືຈາກ 21 ໂມງ ເປັນ 22 ໂມງ-10 ໂມງກາງຄືນ). ແນວໃດກໍດີ ແມ່ ຍິງທີ່ຈະສາມາດຊື້ເຫລົ້າມາດື່ມ ໄດ້ນັ້ນຕ້ອງມີເອກະສານເປັນ ຫລັກຖານຢັ້ງຢືນຄັກແນ່ກອນ. ການປະກາດຍົກເລິກກົດໝາຍ ຫ້າມຈຳໜາຍເຄື່ອງດື່ມ ປະເພດມືນເມົາໃຫ້ແມ່ຍິງ ນັ້ນໄດ້ປະເຊີນກັບກະແສຄັດຄ້ານແຮງຈາກອົງການຈັດຕັ້ງຂອງພະສົງໃນສາ ສະໜາພຸດທີ່ກ່າວຫາວ່າ: ເປັນ ການທຳລາຍວັດທະນະທຳຄອບ ຄົວສີລັງກາ ຈາກນັ້ນ ທ່ານ ໄມຕຼີ ປາລະສີລິເສນາ, ປະທານາທິບໍດີ ສີລັງກາ ກໍໄດ້ອອກຄຳສັງຍົກ ເລິກມະຕິຂອງລັດຖະບານທີ່ອະນຸຍາດໃຫ້ຂາຍເຄື່ອງດື່ມປະເພດມືນເມົາໃຫ້ແມ່ຍິງ. ເລື່ອງນີຟັງ ແລ້ວ ປວດຫົວພໍສົມຄວນ, ລັດ ຖະບານປະກາດອະນຸຍາດໃຫ້ ແມ່ຍິງຊື້ເຫລົ້າມາດື່ມໄດ້ແຕ່ບໍ່ ພໍຄາວປະທານາທິບໍດີພັດສັ່ງຍົກ ເລິກມະຕິຂອງລັດຖະບານ. ເລື່ອງຕໍ່ໄປ ແມ່ນມາດຕະການ ຂອງອິນໂດເນເຊຍ ໃນການລົງ ໂທດຜູ້ທີ່ກະທຳຜິດໃນການໝິ່ນ ປະໝາດ ຜູ້ນຳຂອງປະເທດໂດຍ ມີຕົວຢ່າງການລົງໂທດຈຳຄຸກ ອ້າຍບ່າວອາຍຸ 18 ປີ ຢູ່ເກາະຊຸມາ ຕຼາ ເປັນເວລາ 18 ເດືອນຍ້ອນ ລົງຂໍ້ຄວາມທາງເຟດບຸກໝິ່ນ ປະໝາດ ທ່ານ ໂຈໂກວິໂດໂດ ປະ ທານາທິບໍດີ ອິນໂດເນເຊຍ. ນອກ ຈາກໂທດຕິດຄຸກແລ້ວ ອ້າຍບ່າວ ຜູ້ມີຄວາມຜິດຍັງຕ້ອງເສຍຄ່າ ປັບໄໝ ເປັນຈຳນວນກວ່າ 700 ໂດລາສະຫະລັດ ຫລື ປະມານ 6 ລ້ານກີບ. ການຕັດສິນຄະດີນີ້ ມີຂຶ້ນໃນວັນທີ 16 ມັງກອນປີນີ້ ໂດຍໄດ້ລະບຸວ່າ ຈຳເລີຍມີຄວາມ ຜິດຖານໄດ້ລະເມີດກົດໝາຍວ່າ ດ້ວຍຄວາມໝັ້ນຄົງ ທາງອິນເຕີ ເນັດ ໂດຍໄດ້ລົງຂໍ້ຄວາມໝິ່ນປະ ໝາດຜູ້ນຳສູງສຸດຂອງປະເທດ ແລະ ທ້າທາຍ ທ່ານຜູ້ບັນຊາການ ສູງສຸດຕຳຫລວດແຫ່ງຊາດ. ເລື່ອງສືສັງຄົມອອນລາຍນີ້ຈະ ປ່ອຍໃຫ້ເຮັດຕາມລຳພັງໃຈຂອງສ່ວນບຸກຄົນບໍ່ໄດ້ເດັດຂາດເພາະ “ອອນລາຍ” ຈະເຮັດໃຫ້ສັງຄົມ “ອ່ອນຫລາຍ” ເພີ່ມຂຶ້ນ./.

ເບິ່ງບັນຫາວຸ້ນໆ ຢູ່ສີລັງກາ ແລະ ອິນໂດເນເຊຍ - WhatsApp Image 2020 05 27 at 5 - ເບິ່ງບັນຫາວຸ້ນໆ ຢູ່ສີລັງກາ ແລະ ອິນໂດເນເຊຍ
ເບິ່ງບັນຫາວຸ້ນໆ ຢູ່ສີລັງກາ ແລະ ອິນໂດເນເຊຍ - WhatsApp Image 2020 05 27 at 5 - ເບິ່ງບັນຫາວຸ້ນໆ ຢູ່ສີລັງກາ ແລະ ອິນໂດເນເຊຍ
error: Alert: ເນື້ອຫາຂ່າວມີລິຂະສິດ !!