ສາທາລະນະ​ສຸກ​ເລັ່ງປັບປຸງ​ຄຸນ​ນະພາ​ບ​ເພື່ອ​ບັນລຸ 10 ຄາດໝາຍ

ສາທາລະນະ​ສຸກ​ເລັ່ງປັບປຸງ​ຄຸນ​ນະພາ​ບ​ເພື່ອ​ບັນລຸ 10 ຄາດໝາຍ - 27628758 1293777534100141 1782101490724402386 o - ສາທາລະນະ​ສຸກ​ເລັ່ງປັບປຸງ​ຄຸນ​ນະພາ​ບ​ເພື່ອ​ບັນລຸ 10 ຄາດໝາຍ
ສາທາລະນະ​ສຸກ​ເລັ່ງປັບປຸງ​ຄຸນ​ນະພາ​ບ​ເພື່ອ​ບັນລຸ 10 ຄາດໝາຍ - Untitled design - ສາທາລະນະ​ສຸກ​ເລັ່ງປັບປຸງ​ຄຸນ​ນະພາ​ບ​ເພື່ອ​ບັນລຸ 10 ຄາດໝາຍ

​ໃນ​ກອງ​ປະຊຸມ​ປະຈຳ​ປີ​ຂອງ​ກະຊວງ​ສາທາລະນະ​ສຸກ ທີ່​ໄດ້​ຈັດ​ຂຶ້ນ​ໃນ​ວັນ​ທີ 6-7 ກຸມພາ​ນີ້ ​ໄດ້​ຊີ້​ໃຫ້​ເຫັນ​ວ່າ: ມັນ​ແມ່ນ​ບັນຫາ​ເປັນຕາ​ຍທີ່​ຂະ​ແໜງ​ສາທາລະນະ​ສຸກ​ເຮົາ​ຈະ​ຕ້ອງ​ໄດ້​ເພີ່ມ​ທະວີ​ປັບປຸງ​ຕົນ​ເອງ​ໃຫ້​ມີ​ຄຸນ​ນະພາ​ບສູງ​ຂຶ້ນ ​ເພື່ອ​ບັນລຸ 10 ລະດັບ​ຄາດໝາຍ​ທີ່​ສະພາ​ແຫ່ງ​ຊາດ​ໄດ້​ຮັບຮອງ​ເອົາ​ຄື: ສືບ​ຕໍ່​ເຮັດ​ໃຫ້​ອັດຕາ​ການ​ຕາຍ​ຂອງ​ແມ່ ​ແລະ ​ເດັກຫລຸດ​ລົງ, ປັບປຸງ​ສະພາບ​ໂພຊະ​ນາ​ການ​ຂອງ​ເດັກນ້ອຍ​ລຸ່ມ​ອາຍຸ 5 ປີ​ລົງ​ມາ​ໃຫ້​ດີ​ຂຶ້ນກວ່າ​ເກົ່າ, ​ເອົາ​ໃຈ​ໃສ່​ຕອບ​ສະໜອງ​ນ້ຳສະອາດ ​ແລະ ວິດຖ່າຍ​ໃຫ້​ກວ້າງຂວາງ, ​ເພີ່ມ​ອັດຕາ​ການ​ສັກ​ຢາ​ກັນ​ພະຍາດ ​ແລະ ຄັງ​ປະກັນ​ສຸຂະພາບ​ໃຫ້​ທຸກ​ຄົນ​ສາມາດ​ເຂົ້າ​ເຖິງ.

ກອງ​ປະຊຸມ​​ໄດ້​ຍົກ​ໃຫ້​ເຫັນ​ວ່າ: ​ໃນ​ໜຶ່ງ​ປີຜ່ານມາ ອັດຕາ​ການ​ຕາຍ​ຂອງ​ເດັກ​ລຸ່ມ 1 ປີ​ລົງ​ມາ​ຫລຸດ​ລົງ​ຈາກ 57/1.000 ​ໃນ​ປີ 2015 ມາ​ເປັນ 41/1.000, ອັດຕາ​ການ​ຕາຍ​ຂອງ​ແມ່​ຫລຸດ​ລົງ​ຈາກ 206 ​ໃນ​ປີ 2015 ມາ​ເປັນ 179 ​ໃນ​ປີ 2017, ອັດຕາ​ການ​ຊົມ​ໃຊ້​ນ້ຳສະອາດ​ເພີ່ມ​ຂຶ້ນຈາກ 85,7% ​ໃນ​ປີ 2015 ມາ​ເປັນ 86,6% ​ໃນ​ປີ 2017, ​ເດັກນ້ອຍ 5 ປີ​ມີນ້ຳໜັກ​ຕໍ່າ​ກວ່າ​ມາດຕະຖານ​ໃຫ້​ຫລຸດ​ລົງ​ຈາກ 25,5% ​ໃນ​ປີ 2015 ມາ​ເປັນ 22% ​ໃນ​ປີ 2017, ອັດຕາ​ສ່ວນ​ເດັກນ້ອຍ​ລຸ່ມ 5 ປີ​ເຕັ້ຍ​ໃຫ້​ຫລຸດ​ລົງ​ຈາກ 35,6% ​ໃນ​ປີ 2015 ມາ​ເປັນ 34% ​ໃນ​ປີ 2017 ​ແລະ ສາມາດ​ສ້າງ​ບ້ານ​ສາທາລະນະ​ສຸກ​ແບ​ບຢ່າງ​ກວມ​ເອົາ 71% ຂອງ​ຈຳນວນ​ບ້ານ​ເປົ້າໝາຍ, ຄັງ​ປະກັນ​ສຸຂະພາບ​ກວມ​ເອົາ 75% ຂອງ​ຈຳນວນ​ປະຊາຊົນ​ທັງ​ໝົດ. ​ແຕ່​ຄຽງ​ຄູ່​ກັບ​ຜົນງານ​ດັ່ງກ່າວ ກໍ​ຍັງ​ມີ​ຫລາຍ​ອັນ​ທີ່​ຂະ​ແໜງ​ການ​ດັ່ງກ່າວ​ຈະ​ຕ້ອງ​ໄດ້​ເອົາ​ໃຈ​ໃສ່​ຄື: ການ​ຄວບ​ຄຸມພະ​ຍາດ​ລະບາດ, ຄຸນ​ນະພາ​ບການ​ບໍລິການ, ຈັນ​ຍາ​ບັນ, ຈັນຍາທຳ​ຂອງ​ພະນັກງານ​ແພດ​ໝໍ ​ແລະ ວຽກ​ງານ​ຄຸ້ມ​ຄອງ​ຜູ້​ບໍລິ​ໂພ​ກອາຫານ ​ແລະ ຢາ ກໍ​ຈະ​ໄດ້​ເອົາ​ໃຈ​ໃສ່​ຕື່ມ​ອີກ. ດັ່ງ​ການ​ໂອ້​ລົມ​ແນະນຳ​ຂອງ​ທ່ານ​ປະທານ​ປະ​ເທດ ກໍ​ໄດ້​ເນັ້ນ​ໃຫ້​ຂະ​ແໜງ​ການ​ສາທາລະນະ​ສຸກ​ລາວ​ເຮົາ​ຕ້ອງ​ເພີ່​ມທະວີ​ປັບປຸງ​ຕົນ​ເອງຫລາຍ​ດ້ານ​ຄື: ​ເພີ່ມ​ທະວີ​ເຮັດ​ວຽກ​ງານ​ການ​ເມືອງ​ແນວ​ຄິດ ຍົກ​ສູງ​ຄຸນສົມບັດ, ຈັນ​ຍາ​ບັນ, ຈັນຍາທຳ​ຂອງ​ພະນັກງານ​ແພດ​ໝໍ, ພະຍາບານ​ດີ​ຂຶ້ນ, ມີນ້ຳ​ໃຈ​ຮັບ​ໃຊ້​ປະຊາຊົນ​ຢ່າງ​ແທ້​ຈິງ, ສືບ​ຕໍ່​ປະຕິ​ຮູບ​ຂະ​ແໜງ​ສາທາລະນະ​ສຸກ​ແຕ່​ນີ້​ຮອດ​ປີ 2020 ​ໃຫ້​ສຳ​ເລັດ, ​ເອົາ​ໃຈ​ໃສ່​ປະຕິບັດ​ເປົ້າໝາຍ​ການ​ພັດທະນາ​ແບບ​ຍືນ​ຍົງ ​ແລະ ​ເອົາ​ໃຈ​ໃສ່​ຂະຫຍາຍ​ລະບົບ​ປະກັນ​ສຸຂະພາບ​ໃຫ້​ກວ້າງຂວາງ ​ແລະ ມີ​ຄຸນ​ນະພາ​ບ, ສືບ​ຕໍ່​ປະຕິບັດ​ນະ​ໂຍບາຍ​ທົ່ວ​ປວງ​ຊົນ ​ໂດຍ​ຖື​ເອົາ​ການ​ອະນາ​ໄມ​ກັນ​ພະຍາດ ​ແລະ ສົ່ງ​ເສີມ​ສຸຂະພາບ​ເປັນຕົ້ນຕໍ, ຖື​ເອົາ​ການ​ປິ່ນປົວ ​ແລະ ສະໜອງ​ການ​ບໍລິການ​ສຸຂະພາບ​ຢ່າງ​ທົ່ວ​ເຖິງ, ມີ​ຄຸນ​ນະພາ​ບ, ຍຸຕິ​ທຳ ​ແລະ ສະ​ເໝີ​ພາບ, ປັບປຸງ​ຕາ​ໜ່າງສາທາລະນະ​ສຸກ​ໃຫ້​ທົ່ວ​ເຖິງ ​ແລະ ມີ​ຄຸນ​ນະພາ​ບ ນັບ​ທັງ​ເຂດ​ພູດ​ອຍຫ່າງ​ໄກ​ສອກຫລີກ, ​ເອົາ​ໃຈ​ໃສ່​ສະກັດ​ກັ້ນ ​ແລະ ​ແກ້​ໄຂ​ພະຍາດ​ຕິດ​ຕໍ່​ຮ້າຍ​ແຮງ​ໃຫ້​ມີ​ປະສິດທິ​ຜົນ, ​ເອົາ​ໃຈ​ໃສ່​ຍົກ​ສູງ​ຄຸນ​ນະພາ​ບການ​ບໍລິການ​ປິ່ນປົວ​ຂອງ​ໂຮງໝໍ​ຂັ້ນຕ່າງໆ ​ແລະ ສາມາດ​ກ້າວ​ໄປ​ສູ່​ທັນ​ສະ​ໄໝ​ເທື່ອ​ລະ​ກ້າວ.

ສາທາລະນະ​ສຸກ​ເລັ່ງປັບປຸງ​ຄຸນ​ນະພາ​ບ​ເພື່ອ​ບັນລຸ 10 ຄາດໝາຍ - Wave100S AD to Website 2020 0 - ສາທາລະນະ​ສຸກ​ເລັ່ງປັບປຸງ​ຄຸນ​ນະພາ​ບ​ເພື່ອ​ບັນລຸ 10 ຄາດໝາຍ
ສາທາລະນະ​ສຸກ​ເລັ່ງປັບປຸງ​ຄຸນ​ນະພາ​ບ​ເພື່ອ​ບັນລຸ 10 ຄາດໝາຍ - WhatsApp Image 2020 05 27 at 5 - ສາທາລະນະ​ສຸກ​ເລັ່ງປັບປຸງ​ຄຸນ​ນະພາ​ບ​ເພື່ອ​ບັນລຸ 10 ຄາດໝາຍ
ສາທາລະນະ​ສຸກ​ເລັ່ງປັບປຸງ​ຄຸນ​ນະພາ​ບ​ເພື່ອ​ບັນລຸ 10 ຄາດໝາຍ - WhatsApp Image 2020 05 27 at 5 - ສາທາລະນະ​ສຸກ​ເລັ່ງປັບປຸງ​ຄຸນ​ນະພາ​ບ​ເພື່ອ​ບັນລຸ 10 ຄາດໝາຍ
error: Alert: ເນື້ອຫາຂ່າວມີລິຂະສິດ !!