ປະທານປະເທດເນັ້ນຂະແໜງສາທາລະນະສຸກຍົກສູງຄຸນນະພາບການບໍລິການປະຊາຊົນໃຫ້ດີກວ່າເກົ່າ

ປະທານປະເທດເນັ້ນຂະແໜງສາທາລະນະສຸກຍົກສູງຄຸນນະພາບການບໍລິການປະຊາຊົນໃຫ້ດີກວ່າເກົ່າ - President - ປະທານປະເທດເນັ້ນຂະແໜງສາທາລະນະສຸກຍົກສູງຄຸນນະພາບການບໍລິການປະຊາຊົນໃຫ້ດີກວ່າເກົ່າ
ປະທານປະເທດເນັ້ນຂະແໜງສາທາລະນະສຸກຍົກສູງຄຸນນະພາບການບໍລິການປະຊາຊົນໃຫ້ດີກວ່າເກົ່າ - Untitled design - ປະທານປະເທດເນັ້ນຂະແໜງສາທາລະນະສຸກຍົກສູງຄຸນນະພາບການບໍລິການປະຊາຊົນໃຫ້ດີກວ່າເກົ່າ

ໃນໂອກາດໃຫ້ກຽດເຂົ້າຮ່ວມ ແລະ ໂອ້ລົມກອງຊຸມສາທາລະນະສຸກທົ່ວປະເທດຂອງທ່ານເລຂາທິການໃຫຍ່, ປະທານປະເທດ ບຸນຍັງ ວໍລະຈິດ ເມື່ອວັນທີ 7 ກຸມພານີ້, ຊຶ່ງໄດ້ເນັ້ນໃຫ້ຂະແໜງການດັ່ງກ່າວເອົາໃຈໃສ່ບັນຫາສໍາຄັນຕ່າງໆ ຄື: ຕ້ອງ​ເພີ່ມ​ທະວີ​ການ​ນຳພາ​ກາ​ນ​ເມືອງ​ແນວ​ຄິດ​ໃຫ້​ສະມາຊິກ​ພັກ-ພະນັກງານ ແພດ​ໝໍ ​ແລະ ພະຍາບານ ທີ່​ປະຕິບັດ​ໜ້າ​ທີ່​ບໍລິການຮັບ​ໃຊ້​ປະຊາຊົນ​ຢູ່​ໂຮງໝໍ​ຂັ້ນຕ່າງໆ ​ແລະ ​ສະຖານ​​ບໍລິການ​ສາທາລະນະ​ສຸກທັງ​ພາກ​ລັດ ​ແລະ ​ເອກະ​ຊົນ​ໃຫ້​ມີ​ຫລັກ​ໝັ້ນການ​ເມືອງ, ມີ​ສິນ​ທຳ​ປະຕິວັດ​ຖືກຕ້ອງ ​ແລະ ໜັກ​ແໜ້ນ, ມີຄຸນສົມບັດ​ຈັນຍາທຳ​-ຈັນຍາບັນ​ທີ່​ດີ, ມີ​ທັດສະນະ​ບໍລິການ​ຮັບ​ໃຊ້​ຄົນ​ເຈັບ, ຮັບ​ໃຊ້​ປະຊາຊົນ​ຢ່າງ​ແທ້​ຈິງ, ເພື່ອແກ້ໄຂ​ບັນຫາຕ່າງໆທີ່​ສັງຄົມ​ຈົ່ມ​ວ່າ​ຫລາຍ. ສືບ​ຕໍ່​ຈັດຕັ້ງປະຕິບັດ​ແຜນ​ປະຕິ​ຮູບ​ຂະ​ແໜງ​ສາທາລະນະ​ສຸກແຕ່​ປີ 2018-2020 ​ໃຫ້​ບັນລຸ​ເປົ້າໝາຍ​ສະຫັດ​ສະ​ວັດ, ​ໂດຍ​ສະ​ເພາະ​ດ້ານ​ໂພຊະ​ນາ​ການ ແລະ ຂະຫຍາຍ​ລະບົບ​ປະກັນ​ສຸຂະພາບ​ໃຫ້​ມີ​ຄຸນ​ນະພາ​ບດີຂຶ້ນ. ​ສືບ​ຕໍ່​ປະຕິບັດ​ນະ​ໂຍບາຍ​ສາທາລະນະ​ສຸກ​ທົ່ວ​ປວງ​ຊົນ, ​ໂດຍ​ຖື​ເອົາ​ການ​ອະນາ​ໄມ, ກັນ​ພະຍາດ ​ແລະ ສົ່ງ​ເສີມ​ສຸຂະພາບ​ເປັນຕົ້ນຕໍ, ຖື​ເອົາ​ການ​ປິ່ນປົວ ​ແລະ ສະໜອງ​ການ​ບໍລິການ​ສຸຂະພາບ​ຢ່າງ​ທົ່ວ​ເຖິງ, ມີ​ຄຸນ​ນະພາ​ບ, ຍຸຕິ​ທຳ ​ແລະ ສະ​ເໝີ​ພາບ​. ສືບ​ຕໍ່​ປັບປຸງ ​ແລະ ຂະຫຍາຍ​ຕາໜ່າງສາທາລະນະ​ສຸກ​ໃຫ້​ທົ່ວ​ເຖິງນັບແຕ່​ເຂດ​ພູດ​ອຍຫ່າງ​ໄກ​ສອກຫລີກ​ໃຫ້​ມີ​ຄຸນ​ນະພາ​ບດີ​ຂຶ້ນຕື່ມ​ອີກ, ພ້ອມທັງ​ເອົາ​ໃຈ​ໃສ່​ສະກັດ​ກັ້ນ ​ແລະ ​ແກ້​ໄຂ​ບັນດາ​ພະຍາດ​ຕິດ​ຕໍ່​ຮ້າຍ​ແຮງ​ທີ່​ຂົ່ມຂູ່​ຕໍ່​ສຸຂະພາບ ​ແລະ ຊີວິດ​ຂອງ​ປະຊາຊົນ​ໃຫ້​ໄດ້​ຢ່າງ​ມີ​ປະສິດທິ​ຜົນ, ​ໂດຍ​ສະ​ເພາະ​ພະຍາດ​ໄຂ້ຍຸງ​ລາຍ, ຖອກທ້ອງ ​ແລະ ພະຍາດ​ທີ່​ສາມາດ​ປ້ອງ​ກັນ​ດ້ວຍ​ວັກ​ຊິນ ​ແລະ ພະຍາດ​ຕິດ​ຕໍ່​ອື່ນໆ, ​ເອົາ​ໃຈ​ໃສ່​ປັບປຸງ​​ຄຸນ​ນະພາ​ບການ​ບໍລິການ​ປິ່ນປົວ​ຢູ່​ໂຮງໝໍ​ຂັ້ນຕ່າງໆ, ຫັນ​ໂຮງໝໍ​ສູນ​ກາງ ​ແລະ ​ໂຮງໝໍ​ແຂວງ​ຈຳນວນ​ໜຶ່ງ​ໃຫ້​ທັນ​ສະ​ໄໝ​ທາງ​ດ້ານ​ພື້ນຖານ​ໂຄງ​ລ່າງ, ອຸປະກອນ​ການ​ແພດ, ບຸກຄະລາ​ກອນ, ການ​ບໍລິການ ​ເພື່ອ​ຫລຸດຜ່ອນ​ການ​ໄປ​ປິ່ນປົວ​ຢູ່​ຕ່າງປະ​ເທດ ແລະ ຕ້ອງ​ສືບ​ຕໍ່​ຍູ້​ແຮງ​ການ​ປ່ຽນ​ແປງ​ໃໝ່​ທາງ​ດ້ານ​ການ​ແພດ, ຍົກ​ສູງ​ຄຸນ​ນະພາ​ບຮັບ​ໃຊ້​ປະຊາຊົນ, ຄົ້ນຄວ້າ​ນຳ​ໃຊ້​ຄວາມ​ອຸດົມສົມບູນ​ຂອງ​ຊັບພະຍາກອນ​ທຳ​ມະ​ຊາດ​ທີ່​ດີ ​ເປັນຕົ້ນ: ພືດ​ທີ່​ເປັນ​ຢາພື້ນ​ເມືອງ, ຂະຫຍາຍ​ພື້ນຖານ​ການ​ແພດປະສົມ​ປະສານ​ລະຫວ່າງ​ການ​ແພດ​ພື້ນ​ເມືອງ​ລາວ ​ແລະ ການ​ແພດ​ທັນ​ສະ​ໄໝ​ໃໝ່. ພ້ອມ​ນັ້ນ​ເອົາ​ໃຈ​ໃສ່​ຄຸ້ມ​ຄອງ​ອາຫານ ​ແລະ ຢາ ທີ່​ນຳ​ເຂົ້າຈາກ​ຕ່າງປະ​ເທດ, ກວດກາ​ຄຸນ​ນະພາ​ບອາຫານ ​ແລະ ຢາ ​ເພື່ອ​ສຸຂະພາບ​ຂອງ​ຜູ້​ຊົມ​ໃຊ້.

ປະທານປະເທດເນັ້ນຂະແໜງສາທາລະນະສຸກຍົກສູງຄຸນນະພາບການບໍລິການປະຊາຊົນໃຫ້ດີກວ່າເກົ່າ - WhatsApp Image 2020 05 27 at 5 - ປະທານປະເທດເນັ້ນຂະແໜງສາທາລະນະສຸກຍົກສູງຄຸນນະພາບການບໍລິການປະຊາຊົນໃຫ້ດີກວ່າເກົ່າ
ປະທານປະເທດເນັ້ນຂະແໜງສາທາລະນະສຸກຍົກສູງຄຸນນະພາບການບໍລິການປະຊາຊົນໃຫ້ດີກວ່າເກົ່າ - WhatsApp Image 2020 05 27 at 5 - ປະທານປະເທດເນັ້ນຂະແໜງສາທາລະນະສຸກຍົກສູງຄຸນນະພາບການບໍລິການປະຊາຊົນໃຫ້ດີກວ່າເກົ່າ
ປະທານປະເທດເນັ້ນຂະແໜງສາທາລະນະສຸກຍົກສູງຄຸນນະພາບການບໍລິການປະຊາຊົນໃຫ້ດີກວ່າເກົ່າ - Wave100S AD to Website 2020 0 - ປະທານປະເທດເນັ້ນຂະແໜງສາທາລະນະສຸກຍົກສູງຄຸນນະພາບການບໍລິການປະຊາຊົນໃຫ້ດີກວ່າເກົ່າ
error: Alert: ເນື້ອຫາຂ່າວມີລິຂະສິດ !!