ກຳມາທິການແຜນການການເງິນ ແລະ ກວດສອບສະພາແຫ່ງຊາດ ດຳເນີນກອງປະຊຸມປະຈຳຂອງຕົນ

ກຳມາທິການແຜນການການເງິນ ແລະ ກວດສອບສະພາແຫ່ງຊາດ ດຳເນີນກອງປະຊຸມປະຈຳຂອງຕົນ - IMG 0502 - ກຳມາທິການແຜນການການເງິນ ແລະ ກວດສອບສະພາແຫ່ງຊາດ ດຳເນີນກອງປະຊຸມປະຈຳຂອງຕົນ
ກຳມາທິການແຜນການການເງິນ ແລະ ກວດສອບສະພາແຫ່ງຊາດ ດຳເນີນກອງປະຊຸມປະຈຳຂອງຕົນ - Untitled design - ກຳມາທິການແຜນການການເງິນ ແລະ ກວດສອບສະພາແຫ່ງຊາດ ດຳເນີນກອງປະຊຸມປະຈຳຂອງຕົນ

ກອງປະຊຸມສະຫລຸບການເຄື່ອນໄຫວວຽກງານປະຈຳປີ 2017  ຂອງກຳມາທິການແຜນການ ການເງິນ ແລະ ການກວດສອບ  ສະພາແຫ່ງຊາດໄດ້ເປີດຂຶ້ນໃນວັນທີ 7 ກຸມພານີ້ ທີ່ນະຄອນຫລວງວຽງຈັນໂດຍການເປັນປະທານຂອງທ່ານ ວິໄລວົງ ບຸດດາຄຳ ປະທານກຳມາທິການດັ່ງກ່າວ ມີທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ;  ມີຜູ້ຕາງຫນ້າສະຖາບັນຄົ້ນຄວ້າເສດຖະກິດແຫ່ງຊາດ, ສູນສະຖິຕິແຫ່ງຊາດ, ທະນາຄານແຫ່ງ ສປປລາວ, ກະຊວງ​ແຜນການ ​ແລະ ການ​ລົງທຶນ, ກະຊວງ​ການ​ເງິ​ນ, ອົງການ​ກວດກາ​ລັດຖະບານ ​ແລະ ອົງການ​ກວດ​ສອບ​ແຫ່ງ​ລັດ​ເຂົ້າ​ຮ່ວມ.

ກອງ​ປະຊຸມ​ໄດ້ສະຫຼຸບຕີລາຄາຜົນການເຄື່ອນໄຫວວຽກງານໃນປີຜ່ານມາ ແລະ   ທັງ​ເປັນ​ການປະເມີນຜົນການປະຕິບັດວຽກງານ ​ໃນການເປັນເສນາທິການໃຫ້ແກ່ຄະນະປະຈໍາສະພາແຫ່ງຊາດ, ການສົມທົບ ແລະ ປະຕິບັດໜ້າທີ່ດ້ານວິຊາສະເພາະ ກັບບັນດາກໍາມາທິການ, ຄະນະກໍາມະການເສດຖະກິດ ແຜນການ ແລະ ການເງິນ ສະພາປະຊາຊົນຂັ້ນແຂວງ ຕາມຂອບເຂດສິດ ​ແລະ ໜ້າທີ່ ທີ່ໄດ້ກໍານົດໄວ້ໃນກົດໝາຍ ເປັນຕົ້ນແມ່ນການພົວພັນປະສານງານ ກັບກະຊວງ-ອົງການທີ່ກ່ຽວຂ້ອງ ຂອງລັດຖະບານ ເພື່ອຄົ້ນຄວ້າປະກອບຄໍາເຫັນໃສ່ບັນຫາສໍາຄັນຕ່າງໆ ທີ່ນໍາເຂົ້າພິຈາລະນາໃນກອງປະຊຸມຄະນະປະຈໍາ ແລະ ກອງປະຊຸມສະໄໝສາມັນຂອງສະພາແຫ່ງຊາດ.

​ໃນ​ກອງ​ປະຊຸມ​, ຊີ້ໃຫ້ເຫັນວ່າ : ໃນ​ປີ 2017 ​ແລະ ທິດ​ທາງ​ແຜນການ​ປີ 2018 ​ເຊິ່ງ​ໃນ​ປີຜ່າ​ນມາ ກຜງສ ສາມາດ​ສ້າງ ​ແລະ ປັບປຸງ​ກົດໝາຍ​ໄດ້ 4 ສະບັບ; ຜັນ​ຂະ​ຫຍາຍ​ເປັນ​ນິຕິ​ກຳ​ລຸ່ມ​ກົດໝາຍ​ໄດ້ 62 ມາດຕາ ​ໃນ​ຈຳ​ນວນ​ກົດໝາຍ 21 ສະບັບ 116 ມາດຕາ; ການ​ລົງທຶນ ​ແລະ ຈັດ​ສັດສ່ວນ​ການ​ລົງທຶນ​ຂອງ​ລັດ​ເຂົ້າ​ໃສ່​ການ​ແກ້​ໄຂ​ໂຄງການ​ໜີ້​ສິນຕ່າງໆສຳເລັດ ຄົ້ນຄວ້າ​ໜັງສື​ສະ​ເໜີ​ຂອງ​ລັດຖະບານ​ທີ່​ພົວພັນ​ກັບ​ການ​ນຳ​ໃຊ້​ງົບປະມານ​ຂອງ​ລັດ​ເຂົ້າ​ໃນ​ການ​ໂຄງການ​ພັດທະ​ນາ​ພື້ນຖານ​​ໂຄງ​ລ່າງ​ຕ່າງໆ ​ເປັນ​ຕົ້ນ​ແມ່ນ​ການ​ອະນຸມັດ​ໃຫ​້ດັດ​ແກ້​ມູນ​ຄ່າ​ລວມຂອງ​ໂຄງການ​ກໍ່ສ້າງ​ທາງ​ປູຢາງ​ກາສີ-ທົ່ງ​ເມືອ​ດ, ການ​ອອກ​ພັນທະບັດ​ເພື່ອ​ຊຳລະ​ໜີ້​​ໂຄງການ​ລົງທຶນ​ຂອງລັ​ດ, ການ​ອວ່າຍ​ທຶນ​ສົມທົບ​ເສັ້ນທາງ​ກໍ່ສ້າງ​ເສັ້ນທາງ​ລົດ​ໄຟ​ລາວ-ຈີ​ນ, ການ​ອະນຸຍາດ​ເກັບ​ອາກອນ​ກຳ​ໄລ ​ໃນ​ອັດຕາ 1% ຂອງ​ມູນ​ຄ່າ​ຮັບ​ເໝົາ​ກໍ່ສ້າງ​ໂຄງການ​ສາຍ​ສົ່ງ-ສະຖານີ​ໄຟຟ້າ ​ແລະ ​ເຂື່ອນ​ໄຟຟ້າ, ການຂໍ​ນຳ​ໃຊ້​ເງິນ​ເກີນ​ແຜນ, ​ເງິນ​ຍອດ​ເຫລືອ​ງົບປະມານ​ທາງ​ດ້ານ​ການບັນຊີ ປະຈຳ​ສົກ​ປີ 2015-2016 ​ແລະ 3 ​ເດືອນ​ຂ້າມ​ຜ່ານ​ທ້າຍ​ປີ 2016 ລາຍ​ຮັບ​ວິຊາ​ການ​ປີ 2017; ຄົ້ນຄວ້າ​ຄຳ​ສະ​ເໜີ ​ແລະ ຄຳ​ຮ້ອງ​ຂໍ​ຄວາມ​ເປັນ​ທຳ​ຂອງ​ບຸກຄົນ, ນິຕິບຸກຄົນ ​ແລະ ການຈັດ​ຕັ້ງ​ ຈຳນວນ 36 ສະບັບ (ວຽກ​ແຜ​ນການ ​ແລະ ການ​ລົງທຶນ 22 ສະບັບ, ວຽກການ​ເງິນ 9 ສະບັບ ​ແລະ ວຽກທະນາຄານ 5 ສະບັບ) ​ໃນ​ນີ້ ​ໄດ້​ຄົ້ນຄວ້າ​ສຳ​ເລັດ​ແລ້ວ.

ກຳມາທິການແຜນການການເງິນ ແລະ ກວດສອບສະພາແຫ່ງຊາດ ດຳເນີນກອງປະຊຸມປະຈຳຂອງຕົນ - Wave100S AD to Website 2020 0 - ກຳມາທິການແຜນການການເງິນ ແລະ ກວດສອບສະພາແຫ່ງຊາດ ດຳເນີນກອງປະຊຸມປະຈຳຂອງຕົນ

ພ້ອມ​ກັນ​ນັ້ນ, ຜູ້​ເຂົ້າ​ຮ່ວມ​ຍັງ​ໄດ​້ປະກອບ​ຄຳ​ຄິດ​ຄຳ​ເຫັນຕໍ່​ບົດ​ສະຫລຸບ​ປະຈຳ​ປີ ​ແລະ ທິດ​ທາງ​ແຜນການຂອງ ກຜງສ; ຮັບ​ຟັງກາ​ນນຳ​ສະ​ເໜີ​ບົດຮຽນຄວາມ​ຮູ​້ພື້ນຖານ​ກ່ຽວກັບ​ການ​ຄິດ​ໄລ່ GDP ຂອງ ສປປລາວ ຈາກ​ຜູ້ຕາງໜ້າ​ສູນ​ສະຖິຕິ​ແຫ່ງ​ຊາດ.

​​ໂອກາດ​ດຽວກັນ​ນີ້, ທ່ານ​ຮອງ​ປະ​ທານ​ສະພາ​ແຫ່ງ​ຊາດ ​ໄດ້​ໂອ້ລົມແນະນຳໃຫ້​ເອົາ​ໃຈ​​ໃສ່​ໃນ​ການຈັດ​ຕັ້ງ​ປະຕິບັດ​ບັນດາ​ນິຕິ​ກຳ, ນິຕິບັນຍັດ​ຂອງກຳມາ​ທິການ ​ເຊິ່ງ​ພົວພັນ​ເຖິງ​ບັນດາ​ອົງການ ​ແລະ ກະຊວງ​ຕ່າງໆ ​ໃນ​ການ​ດຳ​ເນີນການ​ສ້າງ​ກົດໝາຍ ​ແລະ ການ​ຜັນ​ຂະຫຍາຍ​ໃຫ້​ເປັນ​ນິຕິ​ກຳ​ລຸ່ມ​ກົດໝາຍ; ​​ສືບຕໍ່​ເອົາ​ໃຈ​ໃສ່​ໃນ​ການ​ຄົ້ນຄວ້າ ​ແລະ ຕົກລົງ​ບັນ​ຫາ​ສຳຄັນ​ຂອງ​ຊາດ ​ໂດຍ​ມີ​ການ​ປະສານ​ສົມທົບ​ກັບ​ຂະ​ແໜງ​ການ, ອົງການ ​ແລະ ພາກສ່ວນ​ທີ່​ກ່ຽວຂ້ອງ; ​ເອົາ​​ໃຈ​ໃສ່​ຕິດຕາມ​ການ​ປະຕິບັດ​ມະຕິ​ຕົກລົງ​ຂອງ​ສະພາ​ແຫ່ງ​ຊາດ ​ແລະ ມະຕິ​ຕົກລົງ​ຂອງ​ກອງ​ປະຊຸມ​ຮ່ວມ​ ລະຫວ່າງ​ຄະນະລັດຖະບານ​ກັບ​ສະພາ​ແຫ່ງ​ຊາດ​; ​ເອົາ​ໃຈ​ໃສ່​ປະສານ​ງານ ​ແລະ ປະສານ​ສົມທົບ​ ກັບ​ກະຊວງ, ອົງການ​ຂອງ​ລັດຖະບານ ​ແລະ ບັນດາ​ກຳມາ​ທິການ​ພາຍ​ໃນ​ສະພາ​ແຫ່ງ​ຊາດ ​ແລະ ສະພາ​ປະຊາຊົນ​ແຂວງ ​; ​ປັບປຸງ​ແບບ​ແຜນ​ວິທີ​ເຮັດ​ວຽກ​ ແລະ ການ​ນຳພາ​ການ​ເຄື່ອນ​ໄຫວ​ວຽກງານ​ຂອງ​ກຳມາ​ທິການ​ ເພື່ອ​ສ້າງ​ຂີດ​ຄວາມ​ສາມາດ​ໃຫ້​ແກ່​ການ​ສ້າງ ​ແລະ ປັບປຸງ​ກົດໝາຍ.

ກຳມາທິການແຜນການການເງິນ ແລະ ກວດສອບສະພາແຫ່ງຊາດ ດຳເນີນກອງປະຊຸມປະຈຳຂອງຕົນ - WhatsApp Image 2020 05 27 at 5 - ກຳມາທິການແຜນການການເງິນ ແລະ ກວດສອບສະພາແຫ່ງຊາດ ດຳເນີນກອງປະຊຸມປະຈຳຂອງຕົນ
ກຳມາທິການແຜນການການເງິນ ແລະ ກວດສອບສະພາແຫ່ງຊາດ ດຳເນີນກອງປະຊຸມປະຈຳຂອງຕົນ - WhatsApp Image 2020 05 27 at 5 - ກຳມາທິການແຜນການການເງິນ ແລະ ກວດສອບສະພາແຫ່ງຊາດ ດຳເນີນກອງປະຊຸມປະຈຳຂອງຕົນ
error: Alert: ເນື້ອຫາຂ່າວມີລິຂະສິດ !!