ລົດແກ້ວ ຄວ້າແຊ້ມທຳອິດຂອງປີ 2018 ໄດ້ໃນລາຍການ ບູລີລຳ ມາລາທອນ

ລົດແກ້ວ ຄວ້າແຊ້ມທຳອິດຂອງປີ 2018 ໄດ້ໃນລາຍການ ບູລີລຳ ມາລາທອນ - b5v9gi9611 - ລົດແກ້ວ ຄວ້າແຊ້ມທຳອິດຂອງປີ 2018 ໄດ້ໃນລາຍການ ບູລີລຳ ມາລາທອນ
ລົດແກ້ວ ຄວ້າແຊ້ມທຳອິດຂອງປີ 2018 ໄດ້ໃນລາຍການ ບູລີລຳ ມາລາທອນ - Untitled design - ລົດແກ້ວ ຄວ້າແຊ້ມທຳອິດຂອງປີ 2018 ໄດ້ໃນລາຍການ ບູລີລຳ ມາລາທອນ

ຖື​ວ່າ​ສ້າງ​ຜົນງານ​ໄດ້​ດີ​ເກີນ​ຄາດ ​ເມື່ອ ລົດ​ແກ້ວ ອິນທະ​ກຸມມານ ນັກ​ແລ່ນ​ທີ​ມຊາດ​ລາວ ສືບ​ຕໍ່​ສ້າງ​ຜົນງານ​ໃຫ້​ປະ​ເທດ​ຢ່າງ​ຕໍ່​ເນື່ອງ ຫລ້າ​ສຸດ​ສາມາດ​ຄວ້າ​ແຊ້ມປະ​ເພດ​ແລ່ນ​ມິ​ນິມາລາ​ທອນ 10 ກິ​ໂລ​ແມັດ ​ໃນ​ລາຍການ ບູລີ​ລຳ ມາລາ​ທອນ ປະຈຳ​ປີ 2018 ​ທີ່​ແຂວງ​ບູລີ​ລຳ ປະ​ເທດ​ໄທ.

ລົດແກ້ວ ຄວ້າແຊ້ມທຳອິດຂອງປີ 2018 ໄດ້ໃນລາຍການ ບູລີລຳ ມາລາທອນ - b5v9gi96 225x300 - ລົດແກ້ວ ຄວ້າແຊ້ມທຳອິດຂອງປີ 2018 ໄດ້ໃນລາຍການ ບູລີລຳ ມາລາທອນ

ພາຍຫລັງ​ເປີດ​ສາກ​ປີ 2018 ສາວ​ລົດ​ແກ້ວ ອິນທະ​ກຸມມານ ​ເຮັດ​ໃຫ້​ແຟນໆ​ບໍ່​ຜິດ​ຫວັງ ດ້ວຍ​ການ​ຄວ້າ​ອັນ​ດັບ 5 ​ໃນ​ລາຍການ​ທຳ​ອິດ ກ່ອນ​ຈະ​ພັດທະນາ​ຂຶ້ນມາ​ຄວ້າ​ຮອງ​ແຊ້ມ ​ໃນ​ລາຍການ​ໃຫຍ່​ຢ່າງ Amazing Thailand Marathon Bangkok ​ໃນ​ທ້າຍ​ອາທິດ​ຜ່ານ​ມາ ​ແລະ ລາວ​ຕັ້ງ​ເປົ້າຕິດ 1 ​ໃນ 5 ສຳລັບ​ລາຍການ​ນີ້ ​ເພື່ອ​ຮັກສາ​ມາດຕະຖານ​ຕໍ່​ໄປ.

ປາກົດ​ວ່າ: ລາຍການ​ຫລ້າ​ສຸດ​ລົງ​ແຂ່ງຂັນ​ໃນ​ຕອນ​ເຊົ້າວັນ​ທີ 11 ກຸມພາ​ນີ້ ສາວ​ລົດ​ແກ້ວ ອິນທະ​ກຸມມານ ​ເອົາ​ຊະນະ​ນັກ​ກິລາ 5.000 ກວ່າ​ຄົນ ຈາກ​ຫລາຍ​ສັນຊາດ​ທີ່​ເຂົ້າຮ່ວມ​ລາຍການ​ນີ້ ດ້ວຍ​ເວລາ 37 ນາທີ 24 ວິນາທີ ຮັບ​ຂັນ​ລາງວັນ ພ້ອມ​ເງິນ​ລາງວັນ 20.000 ບາດ.

ລົດແກ້ວ ຄວ້າແຊ້ມທຳອິດຂອງປີ 2018 ໄດ້ໃນລາຍການ ບູລີລຳ ມາລາທອນ - Wave100S AD to Website 2020 0 - ລົດແກ້ວ ຄວ້າແຊ້ມທຳອິດຂອງປີ 2018 ໄດ້ໃນລາຍການ ບູລີລຳ ມາລາທອນ

ສາວ​ລົດ​ແກ້ວ ກາຍ​ເປັນ​ທີ່​ຮູ້ຈັກ​ໃນ​ວົງ​ການ​ນັກ​​ແລ່ນ​ລາວ​​ໃນ​ປີ 2013 ​ເຂົ້າຮ່ວມ​ແຂ່ງຂັນ​ກິລາ​ຊີ​ເກ​ມຄັ້ງທີ 27 ທີ່​ປະ​ເທດ​ມຽນມາ ຍາດ​ໄດ້​ຫລຽນ​ທອງ​ຈາກ​ລາຍການ​ແລ່ນ 10.000 ​ແມັດ, ປີ 2014 ​ເຂົ້າຮ່ວມ​ແຂ່ງຂັນ​ກິລາ​ເອຊຽນ​ເກ​ມ ທີ່​ອິນ​ຊອນ ສ.​ເກົາຫລີ ​ແລະ ກິລາ​ແຫ່​ງຊາດ ຄັ້ງທີ 10 ທີ່​ແຂວງ​ອຸດົມ​ໄຊ ຍາດ​ໄດ້ 2 ຫລຽນ​ຄຳ ຈາກ​ລາຍການ​ແລ່ນ 1.500 ​ແລະ 3.000 ​​ແມັດ, ​ເຂົ້າຮ່ວມ​ແຂ່ງຂັນ​ກິລາ​ມະຫາ​ວິທະຍາ​ໄລ​ອາ​ຊຽນ ຄັ້ງທີ 17 ທີ່​ປາ​ແລັມບັງ ປະ​ເທດ​ອິນ​ໂດ​ເນ​ເຊຍ ຍາດ​ໄດ້ 1 ຫລຽນ​ຄຳ (10.000 ​ແມັດ), 1 ຫລຽນ​ເງິນ (5.000 ​ແມັດ), 1 ຫລຽນ​ທອງ (1.500 ​ແມັດ). ​ໃນ​ເດືອນ​ກໍລະກົດ 2016 ​ເຂົ້າຮ່ວມ​ງານ​ກິລາ​ມະຫາວິທະຍາ​ໄລ​ອາ​ຊຽນ ຄັ້ງທີ 18 ຢູ່​ສິງກະ​ໂປ ຍາດ​ໄດ້ 1 ຫລຽນ​ຄຳ (800 ​ແມັດ) ​ແລະ 1 ຫລຽນ​ເງິນ (5.000 ​ແມັດ) ​ແລະ ​ເຂົ້າຮ່ວມ​ແຂ່ງຂັນ​ກິລາ​ມະຫາວິທະຍາ​ໄລລາ​ວ ຄັ້ງທີ 1 ທີ່​ມະຫາວິທະຍາ​ໄລ​ແຫ່ງ​ຊາດ ຍາດ​ໄດ້ 2 ຫລຽນ​ຄຳ ຈາກ​ລາຍການ​ແລ່​ນ 800 ​ແລະ 3.000 ​ແມັດ ​ແລະ ​ໃນ​ປີ 2017 ສ້າງ​ຄວາມ​ພາກພູມ​ໃຈ​ໃຫ້​ຊາວ​ລາວ​ທົ່ວ​ປະ​ເທດ ສາມາດ​ຍາດ​ໄດ້​ຫລຽນທອງ​ໃນ​ລາຍການ​ແລ່ນ 1.500 ​ແມັດ ​ໃນ​ຊີ​ເກ​ມ 2017 ທີ່​ມາ​ເລ​ເຊຍ ​ໃນ​ເດືອນ​ສິງຫາ.

ປັດຈຸບັນ ລົດ​ແກ້ວ ອາຍຸ 22 ປີ ຫາ​ກໍ​ຈົບ​ການ​ສຶກສາ​ຈາກ​ມະຫາວິທະຍາ​ໄລ​ແຫ່ງ​ຊາດ ຄະນະ​ວິທະຍາສາດ​ປ່າ​ໄມ້ ພາກ​ວິຊາ​ທ່ອງ​ທ່ຽວ​ອະນຸລັກ ​ແລະ ກຳລັງ​ສຶກສາ​ທີ່​ວິທະຍາ​ໄລ ລາວ-ທ໊ອບ ພາສາ​ອັງກິດ ປີ​ທີ 3 ​ແລະ ປີ 2018 ​ແມ່ນ​ເຂົ້າຮ່ວມ​ລາຍການ Khonkaen International Marathon ຄັ້ງທີ 15 ​ໃນ​ວັນ​ທີ 28 ມັງກອນ​ຜ່ານ​ມາ ທີ່​ແຂວງ​ຂອນ​ແກ່ນ ປະ​ເທດ​ໄທ ຍາດ​ໄດ້​ອັນ​ດັບ​ທີ 5 ລຸ້ນທົ່ວ​ໄປ​ຍິງ ກ່ອນ​ຈະ​ພັດທະນາ​ຂຶ້ນມາ​ຄວ້າ​ອັນ​ດັບ​ທີ 2 ​ໃນ​ລາຍການ​ກ່ອນ​ໜ້າ​ນີ້.

ລົດແກ້ວ ຄວ້າແຊ້ມທຳອິດຂອງປີ 2018 ໄດ້ໃນລາຍການ ບູລີລຳ ມາລາທອນ - WhatsApp Image 2020 05 27 at 5 - ລົດແກ້ວ ຄວ້າແຊ້ມທຳອິດຂອງປີ 2018 ໄດ້ໃນລາຍການ ບູລີລຳ ມາລາທອນ
ລົດແກ້ວ ຄວ້າແຊ້ມທຳອິດຂອງປີ 2018 ໄດ້ໃນລາຍການ ບູລີລຳ ມາລາທອນ - WhatsApp Image 2020 05 27 at 5 - ລົດແກ້ວ ຄວ້າແຊ້ມທຳອິດຂອງປີ 2018 ໄດ້ໃນລາຍການ ບູລີລຳ ມາລາທອນ
error: Alert: ເນື້ອຫາຂ່າວມີລິຂະສິດ !!