ເລຂາ ສປຊ ເລັ່ງຜູ້ນຳທາງພິທີການ ສປປ ເກົາຫລີ ເຈລະຈາຢຸດວິກິດການນິວເຄຼຍ

ເລຂາ ສປຊ ເລັ່ງຜູ້ນຳທາງພິທີການ ສປປ ເກົາຫລີ ເຈລະຈາຢຸດວິກິດການນິວເຄຼຍ - 1518235789762 960x0 - ເລຂາ ສປຊ ເລັ່ງຜູ້ນຳທາງພິທີການ ສປປ ເກົາຫລີ ເຈລະຈາຢຸດວິກິດການນິວເຄຼຍ
ເລຂາ ສປຊ ເລັ່ງຜູ້ນຳທາງພິທີການ ສປປ ເກົາຫລີ ເຈລະຈາຢຸດວິກິດການນິວເຄຼຍ - Untitled design - ເລຂາ ສປຊ ເລັ່ງຜູ້ນຳທາງພິທີການ ສປປ ເກົາຫລີ ເຈລະຈາຢຸດວິກິດການນິວເຄຼຍ

ທ່ານ ອັນ​ໂຕ​ນິ​ໂອ ກູ​ເຕີ​ເຣັສ ​ເລຂາທິການສະຫະ​ປະຊາ​ຊາດ ກ່າວ​ຮຽກຮ້ອງ​ໃຫ້​ທ່ານ ກິມ ຢອງ​ນຳ ຜູ້ນຳ​ທາງ​ພິທີການ ສປປ ​ເກົາຫລີ ຮ່ວມ​ມື​ໃນ​ການ​ເຈລະຈາ ​ເພື່ອ​ຢຸດ​ວິ​ກິດ​ນິວ​ເຄຼຍລະຫວ່າງ​ພົບ​ກັນ​ຢູ່ ສ.​ເກົາຫລີ.

​ໂຄສົກ​ສະຫະ​ປະຊາ​ຊາດ ກ່າວ​ວ່າ: ທ່ານ ກິມ ຢອງ​ນຳ ​ແລະ ທ່ານ ກູ​ເຕີ​ເຣັສ ​ເຂົ້າຮ່ວມ​ງານ​ລ້ຽງ​ອາຫານ​ຄໍ່າ​ກ່ອນ​ພິທີ​ເປີດ​ການ​​ແຂ່ງຂັນ​ໂອ​ແລັມປິກ​ລະດູ​ໜາວ​ໃນ​ເມືອງ​ພີຍ​ອງຊັງ ຂອງ ສ.​ເກົາຫລີ. ຈາກ​ນັ້ນຜູ້ນຳ​ທັງ​ສອງ​ໄດ້​ເຈລະຈາ​ກັນ​ເລັກ​ໜ້ອຍ ​ເຊິ່ງ​ເລຂາທິການ ສປຊ ຫວັງ​ວ່າ​ທຸກ​ຝ່າຍ​ທີ່​ກ່ຽວຂ້ອງ​ຈະ​ໄດ້​ເຈລະຈາ​ກັນ ​ເພື່ອ​ນຳ​ໄປ​ສູ່​ການ​ປົດ​ສະ​ນວນ​ວິ​ກິດ​ນິວ​ເຄຼຍຢູ່​ແຫລມ​ເກົາຫລີ​ຢ່າງ​ສັນຕິ. ທ່ານ ກິມ ຢອງ​ນຳ ນຳ​ຄະນະ​ຜູ້​ແທນ​ລະດັບ​ສູງ ສປປ ​ເກົາຫລີ ມາ​ຮ່ວມ​ພິທີ​ເປີດ​ການ​ແຂ່ງຂັນ​ກິລາ​ໂອ​ແລັມປິກ​ລະດູ​ໜາວ​ທີ່ ສ.​ເກົາຫລີ ລວມທັງ​ທ່ານ ກິມ ​ໂຢຈອງ ນ້ອງ​ສາວ​ຂອງ​ທ່ານ ກິມ ຈອງ​ອິນ ຜູ້ນຳ ສປປ ​ເກົາຫລີ ທີ່​ເດີນທາງ​ມາ​ກັບ​ຄະນະ​ເຈົ້າໜ້າ​ທີ່ ສປປ ​ເກົາ​ຫລີ ນຳ​ອີກ, ​ແຕ່​ໂຄສົກ​ສະຫະ​ປະຊາ​ຊາດ​ກ່າວ​ວ່າ: ທ່ານ ກູ​ເຕີ​ເຣັສ ບໍ່​ໄດ້​ພົບ​ກັບ​ນ້ອງ​ສາວ​ຜູ້ນຳ ສປປ ​ເກົາຫລີ ​ໃນ​ງານ​ນີ້. ການ​ພົບ​ປະ​ຫາລື​ກັບ​ຜູ້ນຳ​ທາງ​ພິທີການ​ຂອງ ສປປ ​ເກົາຫລີ ດັ່ງກ່າວ ຖື​ເປ​ັນການ​ພົບ​ກັນ​ຂອງ​ເຈົ້າໜ້າ​ທີ່​ລະດັບ​ສູງ​ສຸດ​ລະຫວ່າງ​ສະຫະ​ປະຊາ​ຊາດ​ກັບ ສປປ ​ເກົາຫລີ.

ເລຂາ ສປຊ ເລັ່ງຜູ້ນຳທາງພິທີການ ສປປ ເກົາຫລີ ເຈລະຈາຢຸດວິກິດການນິວເຄຼຍ - Wave100S AD to Website 2020 0 - ເລຂາ ສປຊ ເລັ່ງຜູ້ນຳທາງພິທີການ ສປປ ເກົາຫລີ ເຈລະຈາຢຸດວິກິດການນິວເຄຼຍ
ເລຂາ ສປຊ ເລັ່ງຜູ້ນຳທາງພິທີການ ສປປ ເກົາຫລີ ເຈລະຈາຢຸດວິກິດການນິວເຄຼຍ - WhatsApp Image 2020 05 27 at 5 - ເລຂາ ສປຊ ເລັ່ງຜູ້ນຳທາງພິທີການ ສປປ ເກົາຫລີ ເຈລະຈາຢຸດວິກິດການນິວເຄຼຍ
ເລຂາ ສປຊ ເລັ່ງຜູ້ນຳທາງພິທີການ ສປປ ເກົາຫລີ ເຈລະຈາຢຸດວິກິດການນິວເຄຼຍ - WhatsApp Image 2020 05 27 at 5 - ເລຂາ ສປຊ ເລັ່ງຜູ້ນຳທາງພິທີການ ສປປ ເກົາຫລີ ເຈລະຈາຢຸດວິກິດການນິວເຄຼຍ
error: Alert: ເນື້ອຫາຂ່າວມີລິຂະສິດ !!