ປັດໄຈຊ່ວຍໃຫ້ຊີວິດດີຂຶ້ນໄດ້

- Untitled design - ປັດໄຈຊ່ວຍໃຫ້ຊີວິດດີຂຶ້ນໄດ້
  1. ຄວາມເຊື່ອ : ຄວາມເຊື່ອຈາກການໄດ້ຍິນໄດ້ຟັງເລື້ອຍໆ ເຮົາຕ້ອງເລືອກເຊື່ອໃຫ້ເປັນ ເພາະຄວາມເຊື່ອທັງຫລາຍຍັງບໍ່ແມ່ນຄວາມຈິງ ຄົນຈະມີຄວາມເຊື່ອໄດ້ຕ້ອງບໍ່ສັບສົນກັບຄວາມຈິງ ແລະ ຕ້ອງມີຄວາມກ້າຫານທີ່ຈະເຊື່ອໃນສິ່ງທີ່ດີໆ ເຊັ່ນ : ເຊື່ອວ່າຊີວິດຕໍ່ຈາກນີ້ໄປຈະດີຂຶ້ນ, ເຊື່ອວ່າຈະເຮັດສິ່ງດີໆໄດ້ຫລາຍຂຶ້ນ, ໃຈເຢັັນຂຶ້ນ, ເວົ້າມ່ວນຂຶ້ນ, ອົດທົນໄດ້ຫລາຍຂຶ້ນ, ເຊື່ອວ່າຕົນເອງມີຄວາມດີ, ຄວາມເກັ່ງຕາມຄວາມເປັນຈິງ, ເຊື່ອວ່າທຸກບັນຫາມີໂອກາດແກ້ໄຂໄດ້ ແລະອື່ນໆ.
  2. ຄວາມຫວັງ : ເມື່ອເຊື່ອແລ້ວຈຶ່ງເກີດຄວາມຫວັງ, ຄວາມຫວັງທີ່ດີໆເຮັດໃຫ້ຊີວິດຊຸ່ມຊື່ນ, ມີຊີວິດຊີວາ, ລອງຫວັງວ່າຈະມີ ຄວາມຮັກ, ມີອະນາຄົດທີ່ດີໆ, ຫວັງວ່າຈະຫລຸດນິໄສທີ່ບໍ່ດີບາງຢ່າງລົງໄດ້ ແລະ ຈະເພີ່ມນິໄສທີ່ດີໆບາງຢ່າງໃຫ້ໂຕເອງໄດ້ ເພື່ອ ຈະເຮັດໃຫ້ຊີວິດໃນອະນາຄົດຈາກນີ້ໄປມີຄຸນຄ່າຫລາຍຂຶ້ນ.
  3. ຄວາມຮັກ : ຄວາມຮັກຈະຕື່ມເຕັມໃຫ້ຊີວິດຄົນທີ່ມີຄວາມຮັກ ແລະ ໄດ້ຮັບຄວາມຮັກຕອບນັ້ນເປັນຄົນທີ່ມີຄວາມສຸກຫລາຍໆຄວາມຮັກ ແລະ ມິິດຕະພາບຈະງອກງາມໄດ້ດີໃນບັນຍາກາດຂອງຄວາມເກງໃຈ ແລະ ໃຫ້ກຽດສະເໝີ ຖ້າເມື່ອໃດໝົດຄວາມເກງໃຈ ແລະ ໃຫ້ກຽດຄວາມຮັກຈະກາຍເປັນຄວາມຫຍາບຄາຍ. ປັດໄຈຂອງຄວາມຮັກແມ່ນຄວາມເຂົ້າໃຈ, ຍອມຮັບ, ເຫັນອົກເຫັນໃຈ, ຊ່ວຍເຫລືອ ແລະ ອະໄພ, ຄວາມຮັກສາມາດເອົາຊະນະທຸກຢ່າງໄດ້ແມ່ນແຕ່ຄວາມຄຽດຊັງ. ໜ້າເສຍດາຍທີ່ຄົນທຸກມື້ນີ້ບໍ່ຄ່ອຍມີຄວາມຮັກກັນ ຫລື ບໍ່ສະແດງຄວາມຮັກຕໍ່ກັນ, ແຕ່ໄປຝັກໄຝ່ໃນເລື່ອງເພດສຳພັນຫລາຍກ່ວາ ເຊິ່ງເປັນເລື່ອງຂອງຄວາມເຂົ້າໃຈທີ່ຄາດເຄື່ອນ ໂດຍຄິດວ່າເປັນສິ່ງດຽວກັນ.
  4. ການໃຫ້ອະໄພ : ການໃຫ້ອະໄພເຮັດໃຫ້້ຊີວິດໝົດທຸກ ແລະຄວາມຮັກເຮັດໃຫ້ເກີດຄວາມສຸກ, ຄວາມຊຸ່ມຊື່ນໃຈ. ການເວົ້າເຖິງຄຳວ່າ : ອະໄພແທ້ໆນັ້ນ ເປັນການຂຸດຮາກເຫງົ້າຂອງຄວາມຄຽດແຄ້ນ, ຜິດຫວັງ, ອາຄາດ, ນ້ອຍໃຈ, ເສຍໃຈອອກໄປຈາກຈິດໃຈຂອງເຮົາ ເຊິ່ງເຮັດໄດ້ຍາກຫລາຍ ແຕ່ຖ້າເຮັດໄດ້ແລ້ວ ໂຕຈະຮູ້ສຶກເບົາຂຶ້ນ, ຈິດໃຈຈະຮູ້ສຶກສະອາດຂຶ້ນ. ຄົນຈະອະໄພໄດ້ນັ້ນຕ້ອງເຊື່ອເລື່ອງກົດແຫ່ງກຳ ເຊື່ອວ່າຖ້າໃຜມີຂໍ້ບົກພ່ອງຫລາຍເທົ່າໃດ ເຮັດຜິດຫລາຍເທົ່າໃດ ເຂົາກໍຕ້ອງຮັບທຸກ ຫລື ເດືອດຮ້ອນຈາກຂໍ້ບົກພ່ອງຂອງເຂົາຫລາຍເທົ່ານັ້ນໃນອະນາຄົດ ຈຶ່ງບໍ່ແມ່ນເລື່ອງຂອງເຮົາທີ່ຈະຕ້ອງໂທດ ຫລື ນຳໄປຈອງເວນຈອງກຳເຂົາ ປ່ອຍໃຫ້ເຂົາໄປຮັບວິບາກກຳຂອງເຂົາເອງ, ໃຈເຮົາກໍສະອາດ ແລະ ເບົາຂຶ້ນໄດ້ ແລະ ເຮົາຈະຮູ້ສຶກໃຫ້ອະໄພໄດ້ທັນທີ.
- Wave100S AD to Website 2020 0 - ປັດໄຈຊ່ວຍໃຫ້ຊີວິດດີຂຶ້ນໄດ້
- WhatsApp Image 2020 05 27 at 5 - ປັດໄຈຊ່ວຍໃຫ້ຊີວິດດີຂຶ້ນໄດ້
- WhatsApp Image 2020 05 27 at 5 - ປັດໄຈຊ່ວຍໃຫ້ຊີວິດດີຂຶ້ນໄດ້
error: Alert: ເນື້ອຫາຂ່າວມີລິຂະສິດ !!