ໂທດຈາກການກິນອາຫານສຸກໆດິບໆ

- Untitled design - ໂທດຈາກການກິນອາຫານສຸກໆດິບໆ

ປະຈຸບັນຄົນລາວນິຍົມໄປກິນອາຫານຍີ່ປຸ່ນກັນຫລາຍ ໂດຍທີ່ຄວາມຈິງແລ້ວພິດໄພທີ່ມາຈາກອາຫານປຸງແຕ່ງບໍ່ສຸກນັ້ນມີຫລາຍ ບໍ່ວ່າຈະແມ່ນເຊື້ອໄວຣັສ, ແບັກທີເຣຍ, ສານພິດຈາກເຊື້ອເຫລົ່ານີ້ເຮັດໃຫ້ເປັນໄຂ້, ເຈັບທ້ອງ, ຖອກທ້ອງໄດ້ ພົບຫລາຍທັງໃນລຳໄສ້ຂອງສັດປີກແລະສັດລ້ຽງລູກດ້ວຍນົມ ລວມໄປເຖິງອາຫານທະເລ ແລະ ຫອຍຫລາຍຊະນິດນຳອີກ ຍິ່ງຫາກຜູ້ທີ່ໄດ້ຮັບເຊື້ອແມ່ນເດັກນ້ອຍ, ຜູ້ເຖົ້າ, ແມ່ຍິງຖືພາ, ຜູ້ທີ່ມີຮ່າງກາຍອ່ອນແອ ລວມໄປເຖິງຜູ້ທີ່ມີພູມຕ້ານທານຕໍ່າດັ່ງຜູ້ເປັນພະຍາດມະເຮັງຢູ່ ກໍມີໂອກາດທີ່ຈະເຮັດໃຫ້ອາການຮຸນແຮງຈົນເຖິງເສຍຊີວິດໄດ້ເຊັ່ນກັນ.

ດັ່ງນັ້ນ, ຄວນກິນອາຫານທີ່ປຸງແຕ່ງສຸກໃໝ່ໆ ບໍ່ຄວນກິນອາຫານສຸກໆດິບໆ ແລະ ຕ້ອງປຸງແຕ່ງດ້ວຍອຸນຫະພູມສູງເກີນ 100 ອົງສາ, ກ່ອນປຸງແຕ່ງຕ້ອງລ້າງນ້ຳໃຫ້ສະອາດທັງຊີ້ນສັດ, ຜັກ,​ ໝາກໄມ້ທຸກຊະນິດ, ລ້າງແຍກກັນແຍກຂຽງ, ແຍກມີດ. ຫລັງຈາກນັ້ນແລ້ວຍັງຕ້ອງເຮັດຄວາມສະອາດອີກເທື່ອໜຶ່ງ ເພາະປະເທດເຮົາເປັນເມືອງຮ້ອນ ອາຫານທີ່ປຸງແຕ່ງສຸກແລ້ວເມື່ອປະໄວ້ໃຫ້ເຢັນແລ້ວຍັງບໍ່ໄດ້ກິນຄວນເຂົ້າຕູ້ເຢັນພາຍໃນ 4 ຊົ່ວໂມງ ເພາະຫາກປະໄວ້ດົນເກີນໄປອາດເຮັດໃຫ້ເຊື້ອພະຍາດກໍ່ໂຕ ຫລື ສ້າງສານພິດຂຶ້ນມາໃນໄລຍະນັ້ນໄດ້ ແລະ ຫາກຈະເອົາມາກິນໃໝ່ກໍຄວນອຸ່ນໃຫ້ຟົດທົ່ວເຖິງກ່ອນ.

ຂໍໃຫ້ຮູ້ໄວ້ວ່ານອກຈາກເຊື້ອແບັກທີເຣຍ ຫລື ເຊື້ອໄວຣັສຕ່າງໆທີ່ມາກັບອາຫານທີ່ປຸງແຕ່ງບໍ່ສຸກແລ້ວ ແມ່ທ້ອງ ຫລື ແມ່ພະຍາດທັງຫລາຍກໍສາມາດຕິດມາກັບຜັກ ແລະ ຊີ້ນສັດໄດ້ນຳ ຫາກມືທີ່ຈັບ ຫລື ຂຸດດິນມາແລ້ວລ້າງບໍ່ສະອາດ ກໍອາດກິນກັບອາຫານເຂົ້າສູ່ຮ່າງກາຍໄດ້ ຫາກທ່ານກິນອາຫານທີ່ປຸງແຕ່ງບໍ່ສຸກ ທ່ານອາດຈະໄດ້ແມ່ທ້ອງ, ພະຍາດໃບໄດ້, ພະຍາດອື່ນໆເຂົ້າໄປເຕີບໃຫຍ່ຢູ່ໃນຮ່າງກາຍຂອງທ່ານໄດ້ນຳ ອາດເຮັດໃຫ້ທ່ານເສຍຊີວິດໄດ້ຢ່າງໄວວາ.

- Wave100S AD to Website 2020 0 - ໂທດຈາກການກິນອາຫານສຸກໆດິບໆ

ການປຸງແຕ່ງອາຫານໂດຍວິທີຕົ້ມ, ແກງຄວນໃຫ້ນ້ຳຟົດໆ ຢ່າງໜ້ອຍ 5 ນາທີ, ອາຫານປີ້ງຈີ່ກໍບໍ່ຄວນໃຫ້ເຫລືອຊີ້ນແດງອີກ ແລະ ການຂົ້ວຜັກກໍຕ້ອງໝັ້ນໃຈວ່າສຸກຢ່າງທົ່ວເຖິງ ຈຶ່ງຕັກຂຶ້ນມາກິນໄດ້, ການກິນອາຫານສຸກໆເຖິງວ່າຈະບໍ່ຫວານ, ບໍ່ສົດຄືກັບອາຫານດິບໆຄືອາຫານຍີ່ປຸ່ນ, ແຕ່ກໍຮັບຮອງວ່າປອດໄພຕໍ່ສຸຂະພາບ.

- WhatsApp Image 2020 05 27 at 5 - ໂທດຈາກການກິນອາຫານສຸກໆດິບໆ
- WhatsApp Image 2020 05 27 at 5 - ໂທດຈາກການກິນອາຫານສຸກໆດິບໆ
error: Alert: ເນື້ອຫາຂ່າວມີລິຂະສິດ !!