ປອດບວມໃນເດັກນ້ອຍສາມາດປ້ອງກັນໄດ້ດັ່ງນີ້

ປອດບວມໃນເດັກນ້ອຍສາມາດປ້ອງກັນໄດ້ດັ່ງນີ້ - 020902 2018 - ປອດບວມໃນເດັກນ້ອຍສາມາດປ້ອງກັນໄດ້ດັ່ງນີ້
ປອດບວມໃນເດັກນ້ອຍສາມາດປ້ອງກັນໄດ້ດັ່ງນີ້ - Untitled design - ປອດບວມໃນເດັກນ້ອຍສາມາດປ້ອງກັນໄດ້ດັ່ງນີ້

ອາການປອດບວມເປັນການຕິດເຊື້ອຮ້າຍແຮງກະທັນຫັນທີ່ຮຸນແຮງ ແລະ ມີອັນຕະລາຍເຖິງຕາຍໄດ້ເລີຍໃນເດັກນ້ອຍ ອາການ ນັ້ນໂດຍປະມານແລ້ວອົງການອະນາໄມໂລກລະບຸວ່າ : ທຸກໆນາທີຈະມີເດັກນ້ອຍອາຍຸລຸ່ມ 5 ປີເສຍຊີວິດໂດຍອາການປອດບວມຢ່າງໜ້ອຍ 1 ຄົນ ຈຶ່ງເຮັດໃຫ້ເດັກນ້ອຍທົ່ວໂລກເສຍຊີວິດຍ້ອນອາການນີ້ສະເລ່ຍປີລະປະມານ 2 ລ້ານຄົນ. ອາການປອດບວມນີ້ເກີດຈາກເຊື້ອໄວຣັສ ແລະ ເຊື້ອແບັກທີເຣຍ ມັກຈະພົບໃນຜູ້ທີ່ມີຮ່າງກາຍອ່ອນແອ, ມີພູມຕ້ານທານພະຍາດຕໍ່າ, ບໍ່ວ່າຈະແມ່ນເດັກນ້ອຍອາຍຸລຸ່ມ 5 ປີ,  ເດັກນ້ອຍເກີດໃໝ່ບໍ່ແຂງແຮງ, ຜູ້ທີ່ຕິດເຊື້ອພະຍາດຕິດຕໍ່ທາງເພດສຳພັນ, ຜູ້ທີ່ເປັນພະຍາດຊຳ້ເຮື້ອ ຕ່າງໆ ລວມໄປເຖິງຜູ້ເຖົ້າ ໂດຍໄລຍະທີ່ລະບາດຫລາຍທີ່ສຸດກໍຄືຍາມຝົນ ນັບແຕ່ເດືອນກໍລະກົດຫາເດືອນກັນຍາຂອງທຸກປີ.

ອາການປອດບວມຕິດຕໍ່ກັນໄດ້ໂດຍການຫາຍໃຈເອົາເຊື້ອທີ່ຟົ້ງຢູ່ໃນອາກາດເຂົ້າສູ່ປອດ, ການໄອ ຫລື ຈາມໃສ່ກັນ, ການຢູ່ໃກ້ຊິດກັບຄົນປ່ວຍອາການນີ້, ການສະໝັກສິ່ງແປກປອມທີ່ມີເຊື້ອພະຍາດເຂົ້າໄປໃນດັງ ແລະ ຮູຄໍ ເຊັ່ນ : ເດັກນ້ອຍທີ່ສະໝັກນຳ້ຂະນະຫລິ້ນນຳ້ກໍສາມາດເກີດອາການປອດບວມໄດ້. ອາການເລີ່ມຕົ້ນແມ່ນຈະມີໄຂ້ສູງ, ໄອແຮງ, ໄອຫລາຍ, ຫາຍໃຈໄວ ຫລື ຫາຍໃຈລຳບາກ ແລະ ຖ້າອາການຮຸນແຮງຈະຫອບຖີ່, ຫາຍໃຈລຳບາກ ຫລື ມີສຽງດັງຫືດໆ ຫລື ຫາຍໃຈແຮງຫອບຈົນໂຄງກະ ດູກບຸ້ມເຂົ້າ, ເລັບມືເລັບຕີນ ແລະ ຮີມສົບເລີ່ມຂຽວຄຳ້, ຊຶງ ຫລື ກະວົນກະວາຍ ຫາກມີອາການແບບນີ້ແລ້ວຄວນຟ້າວພາຄົນປ່ວຍໄປໂຮງໝໍໂດຍໄວ ເພາະອາດເປັນອັນຕະລາຍເຖິງຊີວິດໄດ້.

ອາການປອດບວມສາມາດປ້ອງກັນໄດ້ໂດຍ :

– ຮັກສາສຸຂະພາບໃຫ້ແຂງແຮງ, ພັກຜ່ອນນອນຫລັບຢ່າງສະໝໍ່າສະເໝີ.

– ກິນອາຫານທີ່ມີປະໂຫຍດ ແລະ ອອກກຳລັງກາຍເລື້ອຍໆ.

– ບໍ່ຄວນພາເດັກນ້ອຍໄປໃນສະຖານທີ່ແອອັດ ຫລື ມີຄົນຫລາຍ ລວມທັງບໍ່ຄວນໃຫ້ເດັກຢູ່ໃກ້ຊິດຄົນປ່ວຍ.

ປອດບວມໃນເດັກນ້ອຍສາມາດປ້ອງກັນໄດ້ດັ່ງນີ້ - Wave100S AD to Website 2020 0 - ປອດບວມໃນເດັກນ້ອຍສາມາດປ້ອງກັນໄດ້ດັ່ງນີ້

– ສຳລັບເດັກນ້ອຍທີ່ລ້ຽງຢູ່ແຕ່ໃນຫ້ອງແອ ຄວນນຸ່ງເຄື່ອງໃຫ້ອົບອຸ່ນຫລາຍໆ.

– ເດັກນ້ອຍຄວນໄດ້ຮັບການລ້ຽງດູໂດຍນຳ້ນົມແມ່ເພື່ອໃຫ້ໄດ້ຮັບພູມຕ້ານທານເຕັມທີ່.

– ຫາກເດັກນ້ອຍປ່ວຍເປັນໄຂ້ຄວນສັງເກດ ແລະ ເບິ່ງແຍງຢ່າງໃກ້ຊິດ, ເຊັດໂຕເພື່ອຫລຸດໄຂ້ ແລະ ໃຫ້ດື່ມນຳ້ຕະຫລອດຈະປ້ອງກັນອາການຂາດນຳ້, ລະລາຍຂີ້ກະເທີ່ ແລະໃຫ້ກິນອາຫານທ່່ີຍ່ອຍງ່າຍໆ.

– ສອນເດັກນ້ອຍໃຫ້ລ້າງມືເປັນປະຈຳ ແລະ ອັດປາກອັດດັງທຸກເທື່ອເວລາໄອ ຫລື ຈາມ ອາການປອດບວມກໍຈະສາມາດເຊົາ ໄດ້ພາຍໃນເວລາ 1 ອາທິດ.

ປອດບວມໃນເດັກນ້ອຍສາມາດປ້ອງກັນໄດ້ດັ່ງນີ້ - WhatsApp Image 2020 05 27 at 5 - ປອດບວມໃນເດັກນ້ອຍສາມາດປ້ອງກັນໄດ້ດັ່ງນີ້
ປອດບວມໃນເດັກນ້ອຍສາມາດປ້ອງກັນໄດ້ດັ່ງນີ້ - WhatsApp Image 2020 05 27 at 5 - ປອດບວມໃນເດັກນ້ອຍສາມາດປ້ອງກັນໄດ້ດັ່ງນີ້
error: Alert: ເນື້ອຫາຂ່າວມີລິຂະສິດ !!