ຜູ້ນຳປາແລັສຕິນຢ້ຽມຢາມຣັດເຊຍ ຂໍແຮງສະໜັບສະໜູນ

ຜູ້ນຳປາແລັສຕິນຢ້ຽມຢາມຣັດເຊຍ ຂໍແຮງສະໜັບສະໜູນ - 7ea0747446bdc2b3e7b7d2215b708f06a96ca6b0 - ຜູ້ນຳປາແລັສຕິນຢ້ຽມຢາມຣັດເຊຍ ຂໍແຮງສະໜັບສະໜູນ
ຜູ້ນຳປາແລັສຕິນຢ້ຽມຢາມຣັດເຊຍ ຂໍແຮງສະໜັບສະໜູນ - Untitled design - ຜູ້ນຳປາແລັສຕິນຢ້ຽມຢາມຣັດເຊຍ ຂໍແຮງສະໜັບສະໜູນ

ປະທານາທິບໍດີ ມາ​ມຸດ ອັບ​ບັດ ຜູ້ນຳ​ຂອງ​ປາ​ແລັສຕິນ ​ເດີນທາງ​ຢ້ຽມຢາມຣັດ​ເຊຍ ​ໃນ​ວັນ​ທີ 12 ກຸມພາ​ນີ້ ​ເພື່ອ​ຂໍ​ການ​ສະໜັບສະໜູນ​ຈາກ​ປະທານາທິບໍດີ ວະ​ລາ​ດິ​ເມຍ ປູ​ຕິນ ຈາກ​ກໍລະນີ​ທີ່​ລັດຖະບານ​ອາ​ເມ​ລິ​ກາ​ປະກາດ​ຮັບຮອງ​ນະຄອນ​ເຢລູຊາ​ເລ​ມ​ໃຫ້​ເປັນ​ເມືອງ​ຫລວງ​ຂອງ​ອິດສະ​ລາ​ແອນ.

ຜູ້ນຳປາແລັສຕິນຢ້ຽມຢາມຣັດເຊຍ ຂໍແຮງສະໜັບສະໜູນ - 645x344 defying us abbas seeks greater role for russia in peace talks 1518039156277 300x160 - ຜູ້ນຳປາແລັສຕິນຢ້ຽມຢາມຣັດເຊຍ ຂໍແຮງສະໜັບສະໜູນ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ມົດ​ສະ​ກູ ປະ​ເທດຣັດ​ເຊຍ ​ໃນ​ວັນ​ທີ 12 ກຸມພາ​ວ່າ: ການ​ຢ້ຽມຢາມ​ມົດ​ສະ​ກູ​ຂອງ​ທ່ານ ອັບ​ບັດ ມີ​ຂຶ້ນ 2 ອາທິດ ຫລັງ​ການ​ຢ້ຽມຢາມ​ຂອງ​ທ່ານ ​ເບ​ນຈາ​ມິນ ​ເນ​ຕັນ​ຢາ​ຮູ ນາຍົກລັດຖະມົນຕີອິດສະລາ​ແອນ ​ໂດຍ​ທ່ານ ອັບ​ບັດ ປະຕິ​ເສດ​ຈະ​ມີ​ການ​ຕິດ​ຕໍ່​ໃດໆ​ກັບ​ລັດຖະບານ​ອາ​ເມ​ລິ​ກາ​ຂອງ​ປະທານາທິບໍດີ ​ໂດ​ນັນ ທຣຳ ນັບ​ແຕ່​ທ່ານ ທຣຳ ປະກາດ​ຮັບຮອງ​ເຢລູຊາ​ເລ​ມ​ໃຫ້​ເປັນ​ເມືອງ​ຫລວງ​ຢ່າງ​ເປັນ​ທາງ​ການ​ຂອງ​ອິດສະ​ລາ​ແອນ ​ໃນ​ທ້າຍ​ປີຜ່ານມາ.

ທັງ​ນີ້ ຄົນ​ປາ​ແລັສຕິນ​ເບິ່ງ​ການ​ຕັດສິນ​ໃຈ​ຂອງ​ອາ​ເມ​ລິ​ກາ ​ເຊິ່ງ​ເປັນ​ການ​ພິກ​ນະ​ໂຍບາຍ​ການ​ທູດ​ຕ່າງປະ​ເທດ​ທີ່​ວໍ​ຊິງ​ຕັນ​ດຳ​ເນີນ​ມາ​ຫລາຍ​ປີ ​ເປັນ​ການ​ປະຕິ​ເສດ​ຄວາມ​ຫວັງ​ຂອງ​ຄົນ​ປາ​ແລັສຕິນ ທີ່​ຕ້ອງການ​ໃຫ້​ເຢລູຊາ​ເລ​ມ​ເບື້ອງຕາ​ເວັນ​ອອກ ​ເປ​ັນ​ເມືອງ​ຫລວງ​ຂອງ​ລັດ​ເອກະລາດ​ປາ​ແລັສຕິນທີ່​ຈະ​ສ້າງຕັ້ງຂຶ້ນ​ໃນ​ອະນາຄົດ.

ຜູ້ນຳປາແລັສຕິນຢ້ຽມຢາມຣັດເຊຍ ຂໍແຮງສະໜັບສະໜູນ - Wave100S AD to Website 2020 0 - ຜູ້ນຳປາແລັສຕິນຢ້ຽມຢາມຣັດເຊຍ ຂໍແຮງສະໜັບສະໜູນ

ອິດສະ​ລາ​ແອນ​ຍຶດຄອງ​ເຢລູຊາ​ເລ​ມຕາ​ເວັນ​ອອກ ​ໃນ​ສົງຄາມ 6 ວັນ​ໃນ​ປີ 1967 ກ່ອນ​ຈະ​ຮ່ວມ​ດິນ​ແດນ​ສ່ວນ​ນີ້​ເປັນ​ຂອງ​ຕົນ ​ແລະ ຕໍ່​ມາ​ປະກາດ​ວ່າ​ເຢລູຊາ​ເລ​ມທັງ​ໝົດ​ເປັນ​ເມືອງ​ຫລວງ​ທີ່​ບໍ່​ສາມາດ​ແບ່ງ​ແຍກ​ໄດ້​ຂອງ​ອິດສະ​ລາ​ແອນ.

ຜູ້ນຳປາແລັສຕິນຢ້ຽມຢາມຣັດເຊຍ ຂໍແຮງສະໜັບສະໜູນ - WhatsApp Image 2020 05 27 at 5 - ຜູ້ນຳປາແລັສຕິນຢ້ຽມຢາມຣັດເຊຍ ຂໍແຮງສະໜັບສະໜູນ
ຜູ້ນຳປາແລັສຕິນຢ້ຽມຢາມຣັດເຊຍ ຂໍແຮງສະໜັບສະໜູນ - WhatsApp Image 2020 05 27 at 5 - ຜູ້ນຳປາແລັສຕິນຢ້ຽມຢາມຣັດເຊຍ ຂໍແຮງສະໜັບສະໜູນ
error: Alert: ເນື້ອຫາຂ່າວມີລິຂະສິດ !!