ອຸກ​ໃຈ​ລາຍ​ຮັບ​ຕ່ຳ ນ້ຳມັນ​ປັບ​ຂື້ນ​ຕິກໆ

ອຸກ​ໃຈ​ລາຍ​ຮັບ​ຕ່ຳ ນ້ຳມັນ​ປັບ​ຂື້ນ​ຕິກໆ - 11157377 1436587033324713 7251712244442125132 o - ອຸກ​ໃຈ​ລາຍ​ຮັບ​ຕ່ຳ ນ້ຳມັນ​ປັບ​ຂື້ນ​ຕິກໆ
ອຸກ​ໃຈ​ລາຍ​ຮັບ​ຕ່ຳ ນ້ຳມັນ​ປັບ​ຂື້ນ​ຕິກໆ - kitchen vibe - ອຸກ​ໃຈ​ລາຍ​ຮັບ​ຕ່ຳ ນ້ຳມັນ​ປັບ​ຂື້ນ​ຕິກໆ

ອຸກໃຈກັບການແບກພາລະຄ່າຄອງຊີບໃນແຕ່ລະວັນ ກ່ອນສິອອກຈາກບ້ານໝົດໄປແລ້ວຫຼາຍແສນກີບໃຫ້ລູກໄປໂຮງຮຽນ, ຊື້ເຂົ້າປາອາຫານ, ແຕ່ລາຍຮັບມື້ໜຶ່ງບໍ່ເຖິງແສນ, ຕາຍຄັກໆນ້ຳມັນພັດມາປັບຂື້ນອີກ, ຕໍ່ໄປສິໄດ້ກິນຫຍັງແພງເງິນໄວ້ໃສ່ນ້ຳມັນລົດ.

ກະຊວງອຸດສາຫະກຳແລະການຄ້າ ໄດ້ອອກແຈ້ງການເລກທີ 0114/ຄອ.ກຄພນ, ລົງວັນທີ 7 ກຸມພາ 2018 ໃຫ້ມີຜົນຕອນ 16 ໂມງຂອງວັນທີ 13 ກຸມພາ 2018  ໃນຂອບເຂດທົ່ວປະເທດ. ເຊິ່ງແອັດຊັງທຳມະດາປັບ ຂື້ນອີກ 180 ກີບຕໍ່ລິດ, ກາຊວນປັບຂຶ້ນອີກ 200 ກີບຕໍ່ລິດ ແລະ ແອັດຊັງ ພິເສດປັບຂຶ້ນອີກ 200 ກີບຕໍ່ລິດ. ສົ່ງຜົນເຮັດໃຫ້ລາຄາຂາຍໃນນະຄອນຫຼວງວຽງຈັນນ້ຳມັນແອັດຊັງທຳມະດາຢູ່ທີ່  9.120 ກີບຕໍ່ລິດ; ແອັດຊັງພິເສດ 10.210 ກີບຕໍ່ລິດ, ກາຊວນ 8.100 ກີບຕໍ່ລິດ ແລະ ແພງກວ່າໝູ່ແມ່ນຢູ່ແຂວງຜົ້ງສາລີ ແອັດຊັງທຳມະ ດາ 9.880 ກີບຕໍ່ລິດ, ກາຊວນ 8.860 ກີບຕໍ່ລິດ.

ອຸກ​ໃຈ​ລາຍ​ຮັບ​ຕ່ຳ ນ້ຳມັນ​ປັບ​ຂື້ນ​ຕິກໆ - Visit Laos Visit SALANA BOUTIQUE HOTEL - ອຸກ​ໃຈ​ລາຍ​ຮັບ​ຕ່ຳ ນ້ຳມັນ​ປັບ​ຂື້ນ​ຕິກໆ

ນີ້ເປັນການປັບຂຶ້ນຄັ້ງທີ 9 ນັບຈາກເດືອນສິງຫາ 2017 ເຖິງ ວັນທີ 13 ກຸມພາ 2018. ຄັ້ງທຳອິດວັນທີ 03 ສິງຫາ 2017, ຄັ້ງທີ 17 ສິງຫາ 2017, ວັນທີ 7 ກັນຍາ 2017,  ວັນທີ 22 ກັນຍາ 2017.

ວັນທີ 27 ຕຸລາ 2017, ວັນ ທີ 9 ພະຈິກ 2017, ວັນທີ 8 ທັນວາ 2017, ວັນທີ 16 ມັງກອນ 2018 ແລະ ວັນທີ 13 ກຸມພາ 2018  ຕາມລຳດັບ 1,2,3…ທີ່ມີການປັບຂຶ້ນຢ່າງຕິກໆ ໂດຍຂະ ແໜງການທີ່ກ່ຽວຂ້ອງບໍ່ໄດ້ອອກມາຊີ້ແຈງຫຍັງເທື່ອກ່ຽວກັບກໍລະນີປັບຂຶ້ນລາຄານ້ຳມັນຍ້ອນສາເຫດອັນໃດ.

ການປັບຂຶ້ນລາຄານ້ຳມັນກໍເປັນເຫດຜົນເຮັດໃຫ້ສິນຄ້າອື່ນມີການປັບຕົວຂຶ້ນນຳຍ້ອນການສວຍໂອກາດຂອງຜູ້ປະກອບການທີ່ຈະເກງກຳໄລເອົາປຽບຜູ້ບໍລິໂພກໃນຍາມມີກາລະໂອກາດ. ສະນັ້ນ ປະຊາຊົນກໍຝາກ ຜ່ານສື່ມວນຊົນຮຽກຮ້ອງມາຍັງໜ່ວຍງານການຄ້າໃຫ້ມີການຕິດຕາມຄຸ້ມຄອງລາຄາສະບຽງອາຫານ ແລະ ສິນຄ້າອື່ນໆໃນທ້ອງ ຕະຫຼາດຢ່າງຕໍ່ເນື່ອງເພື່ອບໍ່ໃຫ້ເກີດເຫດການເອົາລັດເອົາປຽບຂອງຜູ້ຊື້ ແລະ ຜູ້ຂາຍ.

ອຸກ​ໃຈ​ລາຍ​ຮັບ​ຕ່ຳ ນ້ຳມັນ​ປັບ​ຂື້ນ​ຕິກໆ - 5 - ອຸກ​ໃຈ​ລາຍ​ຮັບ​ຕ່ຳ ນ້ຳມັນ​ປັບ​ຂື້ນ​ຕິກໆ
ອຸກ​ໃຈ​ລາຍ​ຮັບ​ຕ່ຳ ນ້ຳມັນ​ປັບ​ຂື້ນ​ຕິກໆ - 3 - ອຸກ​ໃຈ​ລາຍ​ຮັບ​ຕ່ຳ ນ້ຳມັນ​ປັບ​ຂື້ນ​ຕິກໆ
ອຸກ​ໃຈ​ລາຍ​ຮັບ​ຕ່ຳ ນ້ຳມັນ​ປັບ​ຂື້ນ​ຕິກໆ - 4 - ອຸກ​ໃຈ​ລາຍ​ຮັບ​ຕ່ຳ ນ້ຳມັນ​ປັບ​ຂື້ນ​ຕິກໆ