ເບິ່ງຄືນຄຸນນະພາບຄລີນິກບ້ານເຮົາ

ເບິ່ງຄືນຄຸນນະພາບຄລີນິກບ້ານເຮົາ - 258855 1 - ເບິ່ງຄືນຄຸນນະພາບຄລີນິກບ້ານເຮົາ
ເບິ່ງຄືນຄຸນນະພາບຄລີນິກບ້ານເຮົາ - Untitled design - ເບິ່ງຄືນຄຸນນະພາບຄລີນິກບ້ານເຮົາ

ໂດຍ: ທ່ຽງທຳ

ສະບາຍດີ, ເພື່ອນຜູ້ອ່ານທີ່ ຮັກແພງ, ຫລາຍຄົນກໍອາດຈະຮູ້ ດີແລ້ວ, ປັດຈຸບັນນີ້ ການເກີດຂຶ້ນ ຂອງຄລີນິກ ບໍລິການປິ່ນປົວ ສຸຂະພາບຂອງປະຊາຊົນຢູ່ບ້ານ ເຮົາ ເມືອງເຮົາແມ່ນມີຂຶ້ນຢ່າງ ຫລວງຫລາຍ, ຈົນຂະແໜງ ມະຫາພາກກ່ຽວຂ້ອງຈະບໍ່ສາ ມາດຄວບຄຸມໄດ້, ນັບທັງຂອງ ລົງທຶນຕ່າງປະເທດ, ທ່ານໝໍ ພາຍ ໃນເຮົາກໍເກືອບວ່າໃຜໆ ກໍ ມີຄລີນິກ ແລະ ບ່ອນບໍລິການ ປິ່ນປົວສຸຂະພາບ ສະເພາະຂອງ ຕົນ. ທັງນີ້ກໍເພື່ອເລັ່ງໃສ່ຮອງຮັບ ຄວາມຕ້ອງການຂອງຜູ້ມາໃຊ້ ບໍລິການໃນດ້ານນີ້ກໍນັບມື້ເພີ່ມ ຂຶ້ນຢ່າງໜ້າຕົກໃຈ ແລະ ໂຮງ ໝໍໃຫຍ່ຕ່າງໆກໍຈົນເກີນຄວາມ ສາມາດຮອງຮັບ-ນີ້ ແມ່ນດີຖ້າ ເຮົາສາມາດຄວບຄຸມນະພາບ ຂອງບັນດາຄລີນິກ ແລະ ບ່ອນ ບໍລິການດ່ັງກ່າວຂອງພາກເອ ກະຊົນໃຫ້ດີຂຶ້ນ, ນັບທັງດ້ານລາ ຄາເກັບຄ່າບໍລິການປິ່ນປົວນັ້ນ ໃຫ້ສົມເຫດສົມຜົນກໍຈະເປັນ ທ່າແຮງໜຶ່ງຊ່ວຍແບ່ງເບົາພາ ລະເບື້ອງລັດ, ແຕ່ກົງກັນຂ້າມ ໃນຜ່ານມານີ້, ກໍຍ້ອນເບິ່ງມະ ຫາພາກຂາດການເອົາໃຈໃສ່ ກວດກາຄຸ້ມຄອງ ຈິ່ງເຮັດໃຫ້ ບັນດາຄລີນິກເລົ່ານັ້ນໄປໃນ ທາງທີ່ບໍ່ຄ່ອຍດີປານໃດ, ບາງ ບ່ອນເຮັດສີ່ໂປຫ້າເບຫລາຍ ກໍຈົນໄດ້ສັ່ງປິດ, ໂຄສະນາແນວ ໜຶ່ງ ແລະ ເຮັດໄປແນວໜຶ່ງ, ນັບ ທັງການເກັບຄ່າບໍລິການກໍເອົາ ໄປຢ່າງບໍ່ເລືອກໜ້າ, ຮ້າຍແຮງ ໄປກວ່ານັ້ນ, ເມື່ອອາທິດຜ່ານ ມາມີເພື່ອນຜູ້ອ່ານໜັງສືພິມ ລາວພັດທະນາເຮົາສ່ອງແສງ ມາວ່າ: ມີຄລີນິກແຫ່ງໜຶ່ງເຮັດ ຢູ່ກັບເຮືອນຜູ້ເປັນເຈົ້າຂອງ, ເຊິ່ງ ເບິ່ງແລ້ວຍັງເປືອນເປີ ແລະ ຂາດການອະນາໄມ ແລະ ອາດຈະບໍ່ມີການຄ່າເຊື້ອໃດໆ. ແຕ່ຍັງເຮັດບໍລິການຜ່າຕັດ ພະຍາດຕ່າງໆ ເບິ່ງແລ້ວມັນມີ ຄວາມສ່ຽງຫລາຍໃນ ການຕິດ ເຊື້ອຫລັງຜ່າຕັດ, ເຊິ່ງຍັງບໍ່ ທັນເວົ້າຮອດຄຸນນະພາບ ແລະ ຄວາມອາດສາມາດຂອງທິມ ງານເຮັດຜ່າຕັດນັ້ນເປັນແນວ ໃດ. ແລະ ອີກດ້ານໜຶ່ງຜູ້ເຮັດ ວຽກດັ່ງກ່າວກໍແມ່ນພະນັກງານ ແພດຢູ່ຕາມໂຮງໝໍລັດຕ່າງໆ ໂດຍເພິ່ນອ້າງວ່າສ້າງລາຍຮັບ ເສດຖະກິດຄອບຄົວ, ແຕ່ຖ້າ ທຸກຄົນເຮັດໄດ້ດີເຮັດມີຄຸນນະພາບ ແລະ ມີຈັນຍາບັນການ ແພດດີກໍນັບວ່າຊົມເຊີຍເປັນ ຢ່າງສູງ- ແຕ່ເຖິງຢ່າງໃດເພື່ອ ຄວາມອຸ່ນໃຈ ແລະ ໄວ້ເພື່ອ ເຊື່ອໃຈຈິ່ງຂໍໃຫ້ເບື້ອງມະຫາ ພາກກ່ຽວຂ້ອງເອົາໃຈໃສ່ກວດ ກາຕື່ມເພື່ອປັບປຸງຄຸນນະພາບ ຂອງພັກໃຫ້ດີຂຶ້ນ, ເພື່ອບ້ານ ເມືອງໄດ້ເພິ່ງພາອາໄສ./.

 

+ ຊ້າກໍຍັງດີກວ່າບໍ່ເຮັດ

ເບິ່ງຄືນຄຸນນະພາບຄລີນິກບ້ານເຮົາ - Wave100S AD to Website 2020 0 - ເບິ່ງຄືນຄຸນນະພາບຄລີນິກບ້ານເຮົາ

+ ກາແດງຊ່ວຍຍົກລະດັບຄວາມຮູ້ໃຫ້ການແພດລາວ

ເບິ່ງຄືນຄຸນນະພາບຄລີນິກບ້ານເຮົາ - 258855 1 - ເບິ່ງຄືນຄຸນນະພາບຄລີນິກບ້ານເຮົາ
(ພາບປະກອບ)
ເບິ່ງຄືນຄຸນນະພາບຄລີນິກບ້ານເຮົາ - WhatsApp Image 2020 05 27 at 5 - ເບິ່ງຄືນຄຸນນະພາບຄລີນິກບ້ານເຮົາ
ເບິ່ງຄືນຄຸນນະພາບຄລີນິກບ້ານເຮົາ - WhatsApp Image 2020 05 27 at 5 - ເບິ່ງຄືນຄຸນນະພາບຄລີນິກບ້ານເຮົາ
error: Alert: ເນື້ອຫາຂ່າວມີລິຂະສິດ !!