ກອງປະຊຸມຄົບຄະນະກໍາມາທິການການຕ່າງປະເທດສະພາແຫ່ງຊາດປະຈໍາປີ 2017

ກອງປະຊຸມຄົບຄະນະກໍາມາທິການການຕ່າງປະເທດສະພາແຫ່ງຊາດປະຈໍາປີ 2017 - Foriegn commitee Meeting - ກອງປະຊຸມຄົບຄະນະກໍາມາທິການການຕ່າງປະເທດສະພາແຫ່ງຊາດປະຈໍາປີ 2017
ກອງປະຊຸມຄົບຄະນະກໍາມາທິການການຕ່າງປະເທດສະພາແຫ່ງຊາດປະຈໍາປີ 2017 - Untitled design - ກອງປະຊຸມຄົບຄະນະກໍາມາທິການການຕ່າງປະເທດສະພາແຫ່ງຊາດປະຈໍາປີ 2017

ໃນວັນທີ 12-13 ກຸມພານີ້, ຄະນະກໍາມາທິການການຕ່າງປະເທດ ສະພາແຫ່ງຊາດ, ໄດ້ຈັດກອງປະຊຸມສະຫຼຸບການເຄື່ອນໄຫວວຽກງານຂອງຕົນໃນໄລຍະຜ່ານມາ ແລະ ວາງແຜນການທິດທາງໃນຕໍ່ໜ້າ, ຂຶ້ນທີ່ນະຄອນຫຼວງວຽງຈັນ, ໂດຍການເປັນປະທານຂອງທ່ານ ເອກສະຫວ່າງ ວົງວິຈິດ ປະທານກໍາມາທິການການຕ່າງປະເທດ ສະພາແຫ່ງຊາດ, ມີທ່ານ ແສງນວນ ໄຊຍະລາດ ຮອງປະທານສະພາແຫ່ງຊາດ, ທັງເປັນຜູ້ຊີ້ນໍາວຽກງານການຕ່າງປະເທດຂອງສະພາແຫ່ງຊາດ ແລະ ລັດຖະມົນຕີກະຊວງການຕ່າງປະເທດເຂົ້າຮ່ວມນໍາດ້ວຍ.

ຮອງປະທານກໍາມາທິການດັ່ງກ່າວ ໃຫ້ຮູ້ວ່າ: ໄລຍະ 1 ປີຜ່ານມາ ກໍາມາທິການການຕ່າງປະເທດ ໄດ້ເຄື່ອນໄຫວວຽກງານຂອງຕົນຢ່າງຕັ້ງໜ້າ, ຜ່ານອຸປະສັກ ແລະ ສິ່ງທ່າທາຍຫຼາຍຢ່າງ ແລະ ກໍສາມາດບັນລຸໄດ້ການຈັດຕັ້ງປະຕິບັດ 3 ພາລະບົດບາດຕົ້ນຕໍຄື: ວຽກງານຕິດຕາມ-ກວດກາ, ໄດ້ເປັນເຈົ້າການໃນການຄົ້ນຄວ້າບັນຫາສໍາຄັນຂອງຊາດ, ການໃຫ້ສັດຕະຍາບັນ ບັນດາສົນທິສັນຍາສາກົນຕ່າງໆຫຼາຍສະບັບ ແລະ ປະກອບສ່ວນຊຸກຍູ້ລັດຖະບານກໍຄືກະຊວງການຕ່າງປະເທດ ໃນການສ້າງກົດໝາຍວ່າດ້ວຍສົນທິສັນຍາ ແລະ ສັນຍາສາກົນ ເພື່ອພິຈາລະນາຕໍ່ກອງປະຊຸມສະພາແຫ່ງຊາດ. ພ້ອມດຽວກັນນີ້, ກໍໄດ້ລົງຕິດຕາມກວດກາ ແລະ ເກັບກໍາຂໍ້ມູນກ່ຽວກັບບັນຫາການຍົກຍ້າຍຖິ່ນຖານ ແລະ ການຕັ້ງພູມລໍາເນົາຕາມລໍາພັງໃຈ, ລົງກວດກາການຄ້າຊາຍແດນ ແລະ ດ່ານສາກົນຢູ່ແຂວງບໍລິຄໍາໄຊ ແລະ ລົງກວດກາບັນຫາແຮງງານຕ່າງປະເທດ ທີ່ເຂົ້າມາເຮັດວຽກຢູ່ລາວ ແລະ ບັນຫາຄົນຕ່າງປະເທດເຂົ້າ-ອອກເມືອງຜິດກົດໝາຍ ແລະ ການຄ້າຊາຍແດນເຖື່ອນ ຢູ່ແຂວງຄໍາມ່ວນ ແລະ ພົບເຫັນຜູ້ເຂົ້າມາເຮັດວຽກບໍ່ຖືກຕ້ອງຕາມລະບຽບກົດໝາຍຈໍານວນ 5.000 ກວ່າຄົນ, ສ່ວນຫຼາຍແມ່ນສັນຊາດຫວຽດນາມ, ຈີນ ແລະ ໄທ. ພ້ອມນັ້ນໄດ້ລົງກວດກາ ແລະ ແກ້ໄຂ ຊາວມົ້ງຫວຽດນາມທີ່ເຂົ້າມາຕັ້ງພູມລໍາເນົາຕາມລໍາພັງໃຈ ແລະ ສ້າງຄອບຄົວບໍ່ຖືກກົດໝາຍ ຢູ່ 4 ເມືອງຂອງແຂວງ ບໍລິຄໍາໄຊຄື: ເມືອງ ວຽງທອງ, ຄໍາເກີດ, ບໍລິຄັນ ແລະ ປາກກະດິງ ມີທັງໝົດ 673 ຄອບຄົວ. ພ້ອມໄດ້ນໍາສະເໜີໃຫ້ພາກສ່ວນກ່ຽວຂ້ອງເອົາໃຈໃສ່ແກ້ໄຂບັນຫາດັ່ງກ່າວຢ່າງຈິງຈັງ ແລະ ທັນເວລາ, ພ້ອມນີ້ ກໍໄດ້ແລກປ່ຽນ ແລະ ປຶກສາຫາລືຊອກວິທີແກ້ໄຂຮ່ວມກັບ ສະພາແຫ່ງຊາດ ສສ ຫວຽດນາມ ແລະ ໄດ້ນໍາເອົາບັນຫາດັ່ງກ່າວໄປປຶກສາຫາລືໃນກອງປະຊຸມກໍາມາທິການການຕ່າງປະເທດ ຂອງສະພາແຫ່ງຊາດ ຈໍາປູເຈຍ-ລາວ-ຫວຽດນາມ ໃນປີ 2017 ເພື່ອຮ່ວມກັນຊອກວິທີແກ້ໄຂຕາມຫຼັກການ ແລະ ກົນໄກ ຂອງແຕ່ລະຝ່າຍໄດ້ຕົກລົງຮ່ວມກັນ.

ກອງປະຊຸມຄົບຄະນະກໍາມາທິການການຕ່າງປະເທດສະພາແຫ່ງຊາດປະຈໍາປີ 2017 - Wave100S AD to Website 2020 0 - ກອງປະຊຸມຄົບຄະນະກໍາມາທິການການຕ່າງປະເທດສະພາແຫ່ງຊາດປະຈໍາປີ 2017
ກອງປະຊຸມຄົບຄະນະກໍາມາທິການການຕ່າງປະເທດສະພາແຫ່ງຊາດປະຈໍາປີ 2017 - WhatsApp Image 2020 05 27 at 5 - ກອງປະຊຸມຄົບຄະນະກໍາມາທິການການຕ່າງປະເທດສະພາແຫ່ງຊາດປະຈໍາປີ 2017
ກອງປະຊຸມຄົບຄະນະກໍາມາທິການການຕ່າງປະເທດສະພາແຫ່ງຊາດປະຈໍາປີ 2017 - WhatsApp Image 2020 05 27 at 5 - ກອງປະຊຸມຄົບຄະນະກໍາມາທິການການຕ່າງປະເທດສະພາແຫ່ງຊາດປະຈໍາປີ 2017
error: Alert: ເນື້ອຫາຂ່າວມີລິຂະສິດ !!