ບາງສິ່ງຄວນຮູ້ກ່ຽວກັບຄວາມຝັນ

ບາງສິ່ງຄວນຮູ້ກ່ຽວກັບຄວາມຝັນ - 031302 2018 - ບາງສິ່ງຄວນຮູ້ກ່ຽວກັບຄວາມຝັນ
ບາງສິ່ງຄວນຮູ້ກ່ຽວກັບຄວາມຝັນ - Untitled design - ບາງສິ່ງຄວນຮູ້ກ່ຽວກັບຄວາມຝັນ

ເຊື່ອວ່າທຸກຄົນຕ້ອງເຄີຍຝັນເວລານອນຫລັບ, ແຕ່ທ່ານກໍບໍ່ໄດ້ສົນໃຈຫຍັງຫລວງຫລາຍກັບມັນ ຫລື ບາງທ່ານອາດເອົາຄວາມຝັນໄປຕີເປັນໂຕເລກກໍມີ. ມື້ນີ້ພວກເຮົາຈຶ່ງໄດ້ນຳເອົາຄວາມຈິງ 10 ຂໍ້ກ່ຽວກັບຄວາມຝັນທີ່ທ່ານອາດຍັງບໍ່ຮູ້ມາບອກ ບາງເທື່ອຄວາມຝັນນັ້ນມັນອາດມີຫຍັງທີ່ທ່ານຄິດບໍ່ເຖິງກໍເປັນໄດ້.

ບາງສິ່ງຄວນຮູ້ກ່ຽວກັບຄວາມຝັນ - Wave100S AD to Website 2020 0 - ບາງສິ່ງຄວນຮູ້ກ່ຽວກັບຄວາມຝັນ
  1. ເດັກນ້ອຍອາຍຸ 3 ປີມີໂອກາດຝັນຮ້າຍຫລາຍກ່ວາເດັກອາຍຸອື່ນ : ຜູ້ເປັນແມ່ອາດເຄີຍເຫັນເຫດການທີ່ລູກຕື່ນຂຶ້ນມາຮ້ອງໄຫ້ຕອນກາງເດິກຍ້ອນຝັນຮ້າຍ ແລ້ວຕ້ອງໄປອອຍລູກໃຫ້ມິດນັ້ນເປັນຍ້ອນວ່າເດັກນ້ອຍຍັງບໍ່ສາມາດຈັດລຽງຂໍ້ມູນທີ່ໂຕເອງພົບມາໄດ້ດີປານໃດ ມັນຈຶ່ງກາຍເປັນຄວາມຝັນທີ່ສັບສົນວຸ້ນວາຍຈົນເຮັດໃຫ້ຮູ້ສຶກຢ້ານ.
  2. ສິ່ງອ້ອມຂ້າງສາມາດລົບກວນຄວາມຝັນໄດ້ : ຫລາຍເທ່ືອທີ່ເຮົາມັກຈະຝັນແປກໆ ເຊັ່ນ : ກຳລັງເຮັດຫຍັງຈັກຢ່າງຢູ່ເພີນໆ ຢູ່ດີໆກໍຕົກນຳ້ ຫລື ມີຝົນຕົກ ເມື່ອຮູ້ສຶກໂຕຕື່ນຂຶ້ນມາກໍຮູ້ສຶກປວດຍ່ຽວຢ່າງແຮງ ນັ້ນເປັນຍ້ອນອາການປວດຍ່ຽວຂອງທ່ານເຂົ້າໄປລົບກວນທ່ານໃນຄວາມຝັນ ຫລື ບາງເທື່ອຖ້າທ່ານບໍ່ໄດ້ດື່ມນຳ້ກ່ອນເຂົ້ານອນ ທ່ານອາດຝັນວ່າກຳລັງດື່ມນຳ້ຢູ່ກໍເປັນໄດ້.
  3. ສານເສບຕິດມີຜົນຕໍ່ຄວາມຝັນ : ສານເສບຕິດມີຜົນຕໍ່ລະບົບປະສາດ ແລະ ສະໝອງໂດຍກົງ ດັ່ງນັ້ນຜູ້ທີ່ໃຊ້ສານເສບຕິດມັກມີຄວາມຝັນທີ່ແປກກ່ວາຄົນທົ່ວໄປ ຖ້າຝັນຮ້າຍຂຶ້ນມາກໍຈະຄືກັບວ່າເປັນຄວາມຈິງຫລາຍ ຈົນບາງຄັ້ງທ່ານອາດຈະຕ້ອງເສຍນຳ້ຕາໃຫ້ກັບຄວາມຝັນນັ້ນກໍມີ.
  4. ຄວາມຝັນບໍ່ແມ່ນຄຳທວາຍ ບາງຄົນອາດເຊື່ອວ່າຄວາມຝັນເປັນການບອກເຫດການບາງຢ່າງໃນອະນາຄົດ ຫລື ນຳເອົາສິ່ງທີ່ຝັນນັ້ນມາຕີເປັນສັນຍະລັກບາງຢ່າງ ແລ້ວຮຽບຮຽງເປັນເລື່ອງລາວ ໂດຍທີ່ຄວາມຈິງມັນເປັນພຽງແຕ່ພາບທີ່ໂຕເຮົານັ້ນສ້າງຂຶ້ນມາເອງ.
  5. ບໍ່ແມ່ນທຸກຄົນທີ່ຈະຝັນເປັນສີສັນ : ມີພຽງ 12% ຂອງຄວາມຝັນທັງໝົດເທົ່ານັ້ນທີ່ເປັນສີຂາວ – ດຳ ສ່ວນທີ່ເຫລືອນັ້ນຈະມີຄວາມຝັນເປັນພາບສີແບບທີ່ເຮົາເບິ່ງເຫັນ, ແຕ່ບາງເທື່ອຄົນກໍບອກວ່າໂຕເອງຝັນເປັນສີທັງໝົດ ຫລື ສີຂາວດຳທັງໝົດ ນັ້ນເປັນຍ້ອນວ່າທ່ານເລືອກທີ່ຈະຈື່ຈຳຄວາມຝັນພຽງແຕ່ບາງພາກສ່ວນເທົ່ານັ້ນ.
  6. ເຮົາຈະຝັນໃນສິ່ງທີ່ເຮົາຮູ້ເທົ່ານັ້ນ : ຫລາຍເທື່ອທີ່ເຮົາຄິດວ່າເຮົາຝັນເຖິງຄົນບໍ່ຮູ້ຈັກ, ແຕ່ຄວາມຈິງແລ້ວຄົນເຫລົ່ານັ້ນເປັນຄົນທີ່ຢ່າງໜ້ອຍຕ້ອງເຄີຍຜ່ານຕາເຮົາມາກ່ອນ ພຽງແຕ່ເຮົາຈື່ບໍ່ໄດ້, ແຕ່ການບໍ່ມີຂອບເຂດຂອງຄວາມຝັນນັ້ນມັນເກີດຂຶ້ນໄດ້ເອງຕາມທຳມະຊາດ ບໍ່ຈຳເປັນຕ້ອງເປັນເລື່ອງທີ່ເຄີຍເກີດຂຶ້ນແລ້ວເທົ່ານັ້ນ.
  7. ຄວາມຝັນຊ່ວຍໃຫ້ທ່ານບໍ່ເປັນພະຍາດທາງຈິດ : ເວົ້າກັນວ່າຄວາມຝັນຖືເປັນການປົດປ່ອຍຄວາມເຄັ່ງຄຽດ, ລະບາຍຄວາມຮູ້ສຶກຕ່າງໆທີ່ຢູ່ໃນໃຈອອກມາ ເມື່ອໃດທີ່ທ່ານບໍ່ນອນ, ນອນໜ້ອຍ ຫລື ຖືກປຸກກາງເດິກເລື້ອຍໆ ຈະເຮັດໃຫ້ຄວາມເຄັ່ງຄຽດນັ້ນສະສົມຢູ່ໃນໃຈ ອາດຈະກາຍເປັນພະຍາດທາງຈິດເລີຍກໍໄດ້.
  8. ໃຜໆກໍຝັນໄດ້ : ບໍ່ຕ້ອງສົງໄສວ່າຄົນຕ່າງຊາດ ຕ່າງສາສະໜາເຂົາເຈົ້າຝັນກັນຫລືບໍ່ ? ຄຳຕອບກໍຄື ບໍ່ວ່າຈະເປັນເດັກນ້ອຍ ຫລື ຜູ້ເຖົ້າສັນຊາດໃດກໍຝັນໄດ້ຄືກັນໝົດ, ແຕ່ທີ່ບາງຄົນບອກວ່າໂຕເອງບໍ່ເຄີຍຝັນອາດຈະມາຈາກຈື່ບໍ່ໄດ້ຫລາຍກ່ວາ.
  9. ຄົນເຮົາຈື່ຄວາມຝັນໄດ້ພຽງ 10% ເທົ່ານັ້ນ : ລອງສັງເກດເບິ່ງວ່າ 5 ນາທີຫລັງຈາກຕື່ນ ທ່ານຈະຍັງຈື່ຄວາມຝັນນັ້ນໄດ້ຢູ່ໜ້ອຍໜຶ່ງ ແຕ່ເມື່ອຜ່ານໄປ 10 ນາທີເທົ່ານັ້ນມັນຈະຫລົງເຫລືອພຽງແຕ່ 10% ໃນຫົວຂອງທ່ານເທົ່ານັ້ນ. ດັ່ງນັ້ນ ຖ້າໃຜຝັນເຫັນເລກ ຫລື ອັນໃດກໍດີ ຈົ່ງຟ້າວຈົດໄວ້ ຫລື ເລົ່າໃຫ້ຄົນອື່ນຟັງກ່ອນທີ່ທ່ານຈະລືມ.
  10. ຄົນຕາບອດກໍຝັນໄດ້ : ຄົນຕາບອດໃນບ່ອນນີ້ແບ່ງອອກເປັນ 2 ກໍລະນີ ຄື : ຕາບອດແຕ່ກຳເນີດ ເມື່ອຝັນຈະບໍ່ສາມາດເຫັນພາບໃດໄດ້ ເພາະບໍ່ມີພື້ນຖານຂອງພາບນັ້ນມາກ່ອນ, ແຕ່ຈະຝັນເປັນສຽງ, ສຳຜັດ ແລະ ລົດຊາດເທົ່ານັ້ນ. ສ່ວນຄົນທີ່ບໍ່ໄດ້ຕາບອດມາແຕ່ກຳເນີດຈະຝັນເຫັນເປັນພາບໄດ້ ຍ້ອນມີພາບຢູ່ໃນຫົວຢູ່ແລ້ວ.
ບາງສິ່ງຄວນຮູ້ກ່ຽວກັບຄວາມຝັນ - WhatsApp Image 2020 05 27 at 5 - ບາງສິ່ງຄວນຮູ້ກ່ຽວກັບຄວາມຝັນ
ບາງສິ່ງຄວນຮູ້ກ່ຽວກັບຄວາມຝັນ - WhatsApp Image 2020 05 27 at 5 - ບາງສິ່ງຄວນຮູ້ກ່ຽວກັບຄວາມຝັນ
error: Alert: ເນື້ອຫາຂ່າວມີລິຂະສິດ !!