ພົບຜູ້ຕ້ອງສົງໄສຕິດໄຂ້ລາສຊາ 450 ຄົນ ແລະ ເສຍຊີວິດ 37 ຄົນຢູ່ນີເຊຣີ
February 14, 2018 - 6:14 PM

ອົງການອະນາໄມໂລກຖະແຫລງວ່າ: ມີຜູ້ຕິດເຊື້ອເຖິງ 450 ຄົນຈາກໄຂ້ລາສຊາຢູ່ນີເຊຣີໃນໄລຍະເວລາບໍ່ຮອດ 5 ອາທິດ.
ຖະແຫລງການອົງການອະນາໄມໂລກລະບຸວ່າ: ຄາດວ່າມີຜູ້ເສຍຊີວິດເຖິງ 43 ຄົນຈາກເຊື້ອໄວຣັສໄຂ້ເລືອດອອກລາສຊາ ເຊິ່ງເປັນພະຍາດຕິດຕໍ່ອັນຕະລາຍຕາມທີ່ມີລາຍງານລະຫວ່າງ 1 ມັງກອນເຖິງ 4 ກຸມພາຜ່ານມາ ໂດຍມີລາຍງານຢືນຢັນຜູ້ເສຍຊີວິດຈາກໄຂ້ລາສຊາ 37 ຄົນແລ້ວ. ດຣ. ວົງດິມາເກກເນຮູ ອາເລມູ ຜູ້ແທນອົງການອະນາໄມໂລກຢູ່ນີເຊຣີ ກ່າວວ່າ: ຕົວເລກຜູ້ຕິດເຊື້ອມີຈຳນວນຫລາຍກວ່າປົກກະຕິໃນໄລຍະປີນີ້, ພະຍາດໄຂ້ລາສຊາແຜ່ລະບາດຈາກການສຳຜັດ ຫລື ຕິດຕໍ່ກັບຂອງເຫລວໃນຮ່າງກາຍຂອງຜູ້ຕິດເຊື້ອ ແລະ ຄົນມັກຕິດເຊື້ອໄວຣັສດັ່ງກ່າວຈາກຂອງເສຍທີ່ໜູຂັບຖ່າຍອອກມາ.