ເດັດດ່ຽວປັບປຸງພັກໃຫ້ໜັກແໜ້ນເຂັ້ມແຂງ

ເດັດດ່ຽວປັບປຸງພັກໃຫ້ໜັກແໜ້ນເຂັ້ມແຂງ - Untitled design - ເດັດດ່ຽວປັບປຸງພັກໃຫ້ໜັກແໜ້ນເຂັ້ມແຂງ

     ໂດຍ: ກ້ອງສ່ອງ ອິດສະຫລະ

ດັ່ງພວກເຮົາໄດ້ຮັບຮູ້ນຳ ກັນແລ້ວວ່າ: ພັກປະຊາຊົນປະ ຕິວັດລາວ ໄດ້ກຳເນີດເກີດຂຶ້ນ ໃນທ່າມກາງແປວໄຟແຫ່ງການ ຕໍ່ສູ້ປະຕິວັດຕ້ານລັດທິສັກດີ ນາ ແລະ ຈັກກະພັດລ່າເມືອງ ຂຶ້ນທີ່ເຂົ້າມາຮຸກຮານໃນຍຸກ ແຫ່ງການຕໍ່ສູ້ປະຕິວັດກ່ອນບໍ່ ທັນມີພັກນຳພາ ຂະບວນການ ຕໍ່ສູ້ຂອງບຸກຄົນ ແລະ ປະຊາຊົນ ຜູ້ຮັກຊາດໄດ້ຖືກປະລາໄຊ ຢ່າງເຈັບແສບ ແລະ ຊິ້ນຫວັງ ດັ່ງຕົວຢ່າງຂະບວນການຕໍ່ສູ້ ຂອງເຈົ້າອະນຸວົງ ເຈົ້າຟ້າປັດ ໄຈ, ພໍ່ກະດວດ, ອົງແກ້ວກົມ ມະດຳ ແລະ ຜູ້ຮັກຊາດອື່ນໃນ ສອງຝັ່ງຂອງ. ການປະລາໄຊ ໃນສະໄໝນັ້ນ, ບໍ່ພຽງແຕ່ໃນ ດ້ານການທະຫານ, ຍຸດທະວີ ທີ ແລະ ສີລະປະຍຸດ. ພວກເຮົາ ຍັງໄດ້ເສຍກຳລັງພົນຢ່າງ ຫລວງຫລາຍ, ບັນດາຜູ້ນຳໃນ ຂະບວນການຕໍ່ສູ່ໄດ້ຖືກສັງ ຫານຢ່າງໂຫດຫ້ຽມນອກນັ້ນ, ຍັງໄດ້ ເສຍແຜ່ນດິນ, ທັງເສຍ ຊັບໃນດິນສິນໃນນ້ຳ ແລະ ເສຍ ພົນລະເມືອງໄປຕັ້ງຫລາຍສິບ ລ້ານ. ນີ້ຄືສັດຈະທຳແຫ່ງຄວາມ ຈິງທີ່ພັກເຮົາໄດ້ຖອດຖອນເອົາ ມາເປັນບົດຮຽນໃນ ຂະບວນ ວິວັດແຫ່ງການຕໍ່ສູ້ເພື່ອ ຄວາມ ເປັນເອກະລາດ ແລະ ອິດສະ ຫລະພາບຂອງເຊື້ອຊາດລາວ, ຄົນລາວໃນພາລະກຳປະຫວັດ ສາດຂອງຕົນ.

 

+ ສະມາຊິກພັກຕ້ອງເປັນກົກ

+ ສະມາຊິກພັກອ້ອມຂ້າງກະຊວງ ຖວທ ເຊື່ອມຊຶມ 4 ເອກະສານສຳຄັນຂອງຊາດ

ເດັດດ່ຽວປັບປຸງພັກໃຫ້ໜັກແໜ້ນເຂັ້ມແຂງ - Wave100S AD to Website 2020 0 - ເດັດດ່ຽວປັບປຸງພັກໃຫ້ໜັກແໜ້ນເຂັ້ມແຂງ

ພາຍຫລັງ, ພັກຄອມມູນິດ ອິນດູຈີນໄດ້ກຳເນີດເກີດຂຶ້ນ ຂະບວນການຕໍ່ສູ້ຂອງສາມປະ ເທດລາວ, ຫວຽດນາມ ແລະ ກຳປູເຈຍໄດ້ຮ່ວມກັນຕີຕ້ານ ສັດຕູໂຕດຽວກັນ, ຍິ່ງຕໍ່ສູ້ຢ່າງ ຢືດເຍື້ອຍາວນານເທົ່າໃດກໍ ຍິ່ງໄດ້ຮັບໄຊຊະນະຢ່າງຖ້ວມ ທົ້ນ ແລະ ກວ້າງຂວາງ. ຈົນມາ ຮອດວັນທີ 22 ເດືອນມີນາ (3) ປີ 1955 ພັກປະຊາຊົນລາວ ໃນ ເມື່ອກ່ອນ ແລະ ພັກປະຊາຊົນ ປະຕິວັດລາວໃນປັດຈຸບັນຈິ່ງ ໄດ້ຮັບການສ້າງຕັ້ງຂຶ້ນຢ່າງ ເປັນທາງການ, ຕະຫລອດໄລ ຍະແຫ່ງການນຳພາຕໍ່ສູ້ເພື່ອ ປົດປ່ອຍປະເທດຊາດມາເຖິງ ໄລຍະສ້າງສາ ແລະ ພັດທະນາ ປະເທດຊາດພັກປະຊາຊົນປະ ຕິວັດລາວໄດ້ເຮັດທຸກສິ່ງທຸກ ຢ່າງເພື່ອປະເທດຊາດ ແລະ ເພື່ອ ປະຊາຊົນກ້າວເຂົ້າສູ່ຍຸກແຫ່ງ ການປ່ຽນແປງໃໝ່, ການນຳ ພາຂອງພັກຍິ່ງປະເຊີນໜ້າກັບ ບັນຫາຕ່າງໆ ຫລາຍດ້ານ, ບັນ ດາອິດທິກຳລັງປໍລະປັກກໍພະຍາ ຍາມເຮັດທຸກສິ່ງທຸກຢ່າງເພື່ອ ເຮັດໃຫ້ອົງກອນຂອງພັກ ແລະ ສະມາຊິກພັກຖືກທຳລາຍດ້ວຍວິທີທີ່ເລິກແລບແນບນຽມ, ແຕ່ ພາຍໃຕ້ການຊີ້ນຳ-ນຳພາ, ຄວາມສາມັກຄີຢ່າງໜັກແໜ້ນ ແລະ ມີແນວທາງອັນຖືກຕ້ອງ ສອດຄ່ອງແຕ່ລະໄລຍະຈຶ່ງເຮັດໃຫ້ພວກເຮົາໄດ້ຍືນຍົງຄົງມາ ຮອດປັດຈຸບັນ.

ແນວໃດກໍຕາມ, ມາເຖິງ ເວລານີ້ສະພາບການຂອງໂລກ ແລະ ພາກພື້ນໄດ້ປ່ຽນແປງໄປ ຢ່າງສັບສົນ ແລະ ໄວລາ, ມີທັງ ສິ່ງເອື້ອອຳນວຍ ແລະ ສິ່ງຫຍໍ້ທໍ້. ຍ້ອນສະພາບດັ່ງກ່າວພວກເຮົາຈຶ່ງມີຄວາມຈຳເປັນທີ່ຈະຕ້ອງ ປັບປຸງພັກໃຫ້ໜັກແໜ້ນເຂັ້ມ ແຂງ. ສິ່ງທີ່ຈຳເປັນກ່ອນອື່ນ ໝົດແມ່ນປັບປຸງບັນດາແນວ ຄິດໄຂ່ວເຂວຂອງບັນດາສະ ຫາຍສະມາຊິກພັກ ໃຫ້ຢູ່ໃນຂອບ ຂອງພັກ. ຮັກສາບົດບາດການ ນຳພາຂອງພັກໃຫ້ເປັນແກນ ນຳອັນແໜ້ນແກ່ນ ແລະ ໃສ ແຈ້ງ. ໃນໄລຍະຜ່ານມາ, ໄດ້ມີ ສະມາຊິກພັກຈຳນວນບໍ່ໜ້ອຍ ໄດ້ເອົາບົດບາດຂອງພັກໄປ ແອບແຝງເຂົ້າໃນການເຄື່ອນ ໄຫວທີ່ບໍ່ຖືກຕ້ອງເຊັ່ນ: ສໍ້ລາດ ບັງຫລວງ, ພົວພັນຢາເສບຕິດ, ກິນສິນບົນ, ເກີດພະຍາດອາດ ຍາສິດ, ສວຍໃຊ້ ແລະ ສວຍ ໂອກາດເອົາຖານະຕຳແໜ່ງ ຫາຜົນປະໂຫຍດມາໃຫ້ຕົນເອງ ແລະ ພວກພ້ອງຢ່າງ ບໍ່ມີຂອບ ເຂດ. ພະຍາຍາມສ້າງກຸ່ມກ້ອນ ພັກພວກ, ຖືເບົາຕໍ່ການປະຕິ ບັດພັນທະໜ້າທີ່ທີ່ພັກກໍຄືຊາດ ແລະ ປະຊາຊົນໄດ້ມອບໝາຍ ໃຫ້ ອັນທີ່ສະແດງອອກຢ່າງຈະ ແຈ້ງກໍຄືປະຕິບັດແຜນລາຍຮັບ-ລາຍຈ່າຍບໍ່ໄດ້ຕາມຄາດໝາຍ ແລະ ຍັງມີຫລາຍທ້ອງຖິ່ນເກີດ ປະກົດການຫຍໍ້ທໍ້ແບບຊຳເຮື້ອ ບໍ່ຫົວຊາຕໍ່ຊີວິດການເປັນຢູ່ຂອງປະຊາຊົນ.

ສະນັ້ນ, ສິ່ງທີ່ກ່າວມາຂ້າງ ເທິງ ນີ້ມາຮອດປັດຈຸບັນຈຶ່ງເຫັນ ວ່າ ມີຄວາມຈຳເປັນຕ້ອງໄດ້ ພ້ອມກັນເດັດດ່ຽວປັບປຸງພັກ ໄປຕາມກົນໄກທີ່ຖືກຕ້ອງສອດສ່ອງ; ໂດຍສະເພາະແມ່ນໃຫ້ ໄປຕາມຄຳສັ່ງເລກທີ 01/ກມ ສພ ລົງວັນທີ 3 ມັງກອນ 2018 ກ່ຽວກັບການກໍ່ສ້າງໜ່ວຍພັກ ໃຫ້ປອດໃສ ແລະ ໜັກແໜ້ນ./.

ເດັດດ່ຽວປັບປຸງພັກໃຫ້ໜັກແໜ້ນເຂັ້ມແຂງ - WhatsApp Image 2020 05 27 at 5 - ເດັດດ່ຽວປັບປຸງພັກໃຫ້ໜັກແໜ້ນເຂັ້ມແຂງ
ເດັດດ່ຽວປັບປຸງພັກໃຫ້ໜັກແໜ້ນເຂັ້ມແຂງ - WhatsApp Image 2020 05 27 at 5 - ເດັດດ່ຽວປັບປຸງພັກໃຫ້ໜັກແໜ້ນເຂັ້ມແຂງ
error: Alert: ເນື້ອຫາຂ່າວມີລິຂະສິດ !!