ລາວໂທລະ​ຄົມມະນາຄົມສະຫລຸບ​ວຽກ​ງານ​ປະຈຳ​ປີ 2017

ລາວໂທລະ​ຄົມມະນາຄົມສະຫລຸບ​ວຽກ​ງານ​ປະຈຳ​ປີ 2017 - Laotelecom - ລາວໂທລະ​ຄົມມະນາຄົມສະຫລຸບ​ວຽກ​ງານ​ປະຈຳ​ປີ 2017
ລາວໂທລະ​ຄົມມະນາຄົມສະຫລຸບ​ວຽກ​ງານ​ປະຈຳ​ປີ 2017 - Untitled design - ລາວໂທລະ​ຄົມມະນາຄົມສະຫລຸບ​ວຽກ​ງານ​ປະຈຳ​ປີ 2017

ໃນ​ວັນ​ທີ 14 ກຸມພານີ້, ລັດ​ວິ​ສາ​ຫະກິດ ລາວ ​ໂທລະ​ຄົມມະນາຄົມ (ລລທ) ​ໄດ້​ຈັດ​ກອງ​ປະຊຸມ​ສະຫລຸບ​ວຽກ​ງານ​ປະຈຳ​ປີ 2017 ຂຶ້ນ, ໂດຍ​ການ​ເປັນ​ປະທານ​ຂອງ​ທ່ານ ຖາວອນ ສົມ​ສະກຸນ ຜູ້ອຳນວຍການ​ໃຫຍ່​ລັດ​ວິ​ສາຫະກິດດັ່ງກ່າວ ​ແລະ ​ເຂົ້າຮ່ວມ​ມີ​ທ່ານ ທັນ​ສະ​ໄໝ ກົມມະ​ສິດ ລັດຖະມົນຕີ​ກະຊວງ​ໄປສະນີ, ​ໂທລະ​ຄົມມະນາຄົມ ​ແລະ ການ​ສື່ສານ, ມີ​ກຳມະການ​ສະພາ​ຂາ​ຮຸ້ນ ພ້ອມ​ດ້ວຍ​ຜູ້ຕາງໜ້າ ລລທ ສາຂາ​ແຂວງ​ທົ່ວ​ປະ​ເທດ​ເຂົ້າຮ່ວມ​ເປັນ​ຈຳນວນ​ຫລາຍ.

ທ່ານ​ຜູ້ອຳນວຍການ​ໃຫຍ່ລາວ​ໂທລະ​ຄົມ ກ່າວ​ວ່າ: ​ໃນ​ໜຶ່ງ​ປີຜ່ານມາ, ​ລັດວິສາຫະກິດຂອງຕົນໄດ້​ລົງທຶນ​ເຂົ້າ​ໃສ່​ການ​ຂະຫຍາຍ​ຕາໜ່າງລະບົບ​ໂທລະ​ຄົມມະນາຄົມ, ລວມມີ​ມູນ​ຄ່າ​ກວ່າ 82,8 ລ້ານ​ໂດ​ລາ​ສະຫະລັດ, ປັດຈຸບັນມີ​ສະຖານີ​ມື​ຖື 2G, 3G, 4G ​ແລະ 4,5G ທັງ​ໝົດ 5.711 ສະຖານີ, ສາມາດ​ຄວບ​ຄຸມ​ສັນຍານ​ມື​ຖື​ທົ່ວ 18 ​ແຂວງ, 148 ​ເມືອງ, 8.500 ກວ່າ​ບ້ານ, ​ໃນ​ນີ້ 2G ກວມ​ 59%, 3G ກວມ 38% ​ແລະ 4G ກວມ 10% ຂອງ​ຈຳນວນ​ໝູ່​ບ້ານ​ທັງ​ໝົດ ​ແລະ 4,5 G ກວມ​ເອົາ 5% ຂອງ​ຕົວ​ເມືອງ​ໃຫຍ່ ​ແລະ ມາ​ຮອດ​ປັດຈຸບັນ​ມີ​ລູກ​ຄ້າ​ຫລາຍ​ກວ່າ 1,6 ລ້ານ​ເລກ​ໝາຍ ​ແລະ ຜູ້ນຳ​ໃຊ້​ອິນ​ເຕີ​ເນັດ​​ກວ່າ 1,5 ລ້ານ​ລູກ​ຄ້າ, ​ເຊິ່ງປີ 2017 ຜ່ານມາສາມາດ​ສ້າງ​ລາຍ​ຮັບ​ໄດ້ 1.843 ຕື້​ກີບ, ​ເພີ່ມ​ຂຶ້ນຈາກ​ປີ 2016 ​ເທົ່າ​ກັບ 1,8%, ​ໃນ​ນັ້ນມີ​ກຳ​ໄລ​ສຸດທິ 381 ຕື້ກີບ, ປະຕິບັດ​ພັນທະ​ໃຫ້​ລັດ​ໄດ້ຫລາຍກວ່າ 535 ຕື້ກີບ. ນອກ​ນັ້ນຍັງ​ໄດ້​ປັບປຸງ​ລະບຽບ, ນະ​ໂຍບາຍ​ສະຫວັດດີ​ການ​ສັງຄົມ​ຕ່າງໆ ​ເພື່ອ​ຍົກ​ສູງ​ຊີວິດ​ການ​ເປັນ​ຢູ່​ຂອງ​ພະນັກງານ​ໃຫ້​ດີ​ຂຶ້ນ​ເລື້ອຍໆ, ​ໄປ​ຄຽງ​ຄູ່​ກັບ​ການ​ປະກອບສ່ວນ​ຊ່ວຍ​ເຫລືອ​ໃນ​ດ້ານ​ຕ່າງໆ​ກວ່າ 1,2 ຕື້ກີບ.

ສຳລັບ​ປີ​ໃໝ່​ນີ້, ​ແມ່ນ​ຈະ​ສູ້​ຊົນ​ສ້າງ​ຖານ​ລູກ​ຄ້າ​ໃຫ້​ບັນລຸ 3,4 ລ້ານ​ເລກ​ໝາຍ ​ແລະ ສ້າງ​ລາຍ​ຮັບ​ໃຫ້​ໄດ້ກວ່າ 1.985 ຕື້ກີບ, ທຽບ​ໃສ່​ປີ 2017 ​ເພີ່ມ​ຂຶ້ນ 7,7% ຄາດ​ຄະ​ເນ​ກຳ​ໄລ​ສຸດທິ​ໃຫ້​ໄດ້ 409,7 ຕື້ກີບ ​ເພີ່ມ​ຂຶ້ນ 7,5% ​ແລະ ຄາດ​ຄະ​ເນ​ວ່າ​ຈະ​ມອບ​ພັນທະ​ໃຫ້​ລັດ​ຈຳນວນ 568 ຕື້ກີບ ກວມ​ອັດຕາ​ສ່ວນ 30% ຂອງ​ລາຍ​ຮັບ​ປີ 2018, ພ້ອມ​ທັງ​ລົງທຶນ​ປັບປຸງ ​ແລະ ຂະຫຍາຍ​ຕາໜ່າງລະບົບ​ໂທລະ​ຄົມມະນາຄົມ, ​ໂດຍ​ສະ​ເພາະ​ແມ່ນ​ອິນ​ເຕີ​ເນັດ Mobile Broadband and Fixed Broadband ​ໃຫ້​ຮັບປະກັນ​ທາງ​ດ້ານ​ປະລິມານ ​ແລະ ຄຸນ​ນະພາ​ບ ​ເພື່ອ​ໃຫ້​ບັນລຸ​ແຜນ​ຍຸດ​ທະ​ສາດ ​ແລະ ວິ​ໄສ​ທັດ​ກ້າວ​ໄປ​ສູ່​ຍຸກ Lao Digital Life ​ໃນ​ອີກ 3 ປີ​ຂ້າງ​ໜ້າ ​ແລະ ຈະສູ້​ຊົນ​ນຳ​ເອົາ​ບໍລິສັດເຂົ້າ​ເປັນ​ບໍລິສັດ​ມະຫາຊົນ IPO ​ໃຫ້​ສຳ​ເລັດ​ໃນ​ປີ 2018 ນີ້.

ລາວໂທລະ​ຄົມມະນາຄົມສະຫລຸບ​ວຽກ​ງານ​ປະຈຳ​ປີ 2017 - Wave100S AD to Website 2020 0 - ລາວໂທລະ​ຄົມມະນາຄົມສະຫລຸບ​ວຽກ​ງານ​ປະຈຳ​ປີ 2017
ລາວໂທລະ​ຄົມມະນາຄົມສະຫລຸບ​ວຽກ​ງານ​ປະຈຳ​ປີ 2017 - WhatsApp Image 2020 05 27 at 5 - ລາວໂທລະ​ຄົມມະນາຄົມສະຫລຸບ​ວຽກ​ງານ​ປະຈຳ​ປີ 2017
ລາວໂທລະ​ຄົມມະນາຄົມສະຫລຸບ​ວຽກ​ງານ​ປະຈຳ​ປີ 2017 - WhatsApp Image 2020 05 27 at 5 - ລາວໂທລະ​ຄົມມະນາຄົມສະຫລຸບ​ວຽກ​ງານ​ປະຈຳ​ປີ 2017
error: Alert: ເນື້ອຫາຂ່າວມີລິຂະສິດ !!