9 ທີມຜ່ານເຂົ້າຮອບສຸດທ້າຍ ແຂ່ງຂັນໂຄປາ ໂຄຄາ-ໂຄລາລາວ

9 ທີມຜ່ານເຂົ້າຮອບສຸດທ້າຍ ແຂ່ງຂັນໂຄປາ ໂຄຄາ-ໂຄລາລາວ - 27999905 732599026950673 516188094 o - 9 ທີມຜ່ານເຂົ້າຮອບສຸດທ້າຍ ແຂ່ງຂັນໂຄປາ ໂຄຄາ-ໂຄລາລາວ
9 ທີມຜ່ານເຂົ້າຮອບສຸດທ້າຍ ແຂ່ງຂັນໂຄປາ ໂຄຄາ-ໂຄລາລາວ - Untitled design - 9 ທີມຜ່ານເຂົ້າຮອບສຸດທ້າຍ ແຂ່ງຂັນໂຄປາ ໂຄຄາ-ໂຄລາລາວ

ໃນວັນທີ 15 ກຸມພາ 2018  ທີ່ສະຫະພັນບານເຕະແຫ່ງຊາດລາວໄດ້ມີພິທີຖະແຫລງຂ່າວການແຂ່ງຂັນເຕະບານນັກຮຽນສາມັນໂຄປາໂຄຄາ-ໂຄລາ ລາວ ຮຸ່ນອາຍຸບໍ່ເກີນ 16 ປີ ມີ 9 ທີມຊາຍ-ຍິງຜ່ານເຂົ້າຮອບ ໂດຍມີທ່ານ ໂພທອນ ຖານະວະດີ ຄະນະບໍລິຫານສະຫະພັນບານເຕະແຫ່ງຊາດລາວ (ສຕລ), ທ່ານ ຫົງແກ້ວ ທໍາມະວົງ ຫົວໜ້າຂະແໜງພາລະ ແລະ ສິລະປະສຶກສາ, ທ່ານນາງ ຕຸນີ ແສນຍາກອນ ຜູ້ຈັດການຝ່າຍການຕະຫລາດໂຄປາໂຄຄາ-ໂຄລາລາວ, ມີບັນດາຄູຝຶກ 9 ໂຮງຮຽນຜ່ານເຂົ້າຮອບ, ນັກກິລາ ແລະ ແຂກຖືກເຊີນເຂົ້າຮ່ວມ.

ທ່ານ ໂພທອນ ຖານະວະດີ ໄດ້ກ່າວໃນພິທີຖະແຫລງຂ່າວວ່າ: ການແຂ່ງຂັນຄັ້ງນີ້ໄດ້ຮັບການຮ່ວມມືລະຫວ່າງ ບໍລິສັດໂຄປາ ໂຄຄາ-ໂຄລາ ບ໋ອດຕຣິງ ຈໍາກັດ ແລະ ພະແນກສຶກທິການ ແລະ ກິລາ ນະຄອນຫລວງວຽງຈັນ ໂດຍດໍາເນີນການແຂ່ງຂັນຂຶ້ນແຕ່ວັນທີ 28 ມັງກອນຜ່ານມາ ເຊິ່ງມີທັງໝົດ 113 ທີມເຂົ້າຮ່ວມ, ໃນນັ້ນ ຍິງ 42 ທີມ ຈາກ 9 ຕົວເມືອງໃນນະຄອນຫລວງວຽງຈັນ. ມາຮອດປັດຈຸບັນສາມາດຄັດເລືອກໄດ້ທີມທີ່ເປັນຕົວແທນຂອງ 9 ຕົວເມືອງຜ່ານເຂົ້າຮອບສຸດທ້າຍ ຍິງ 9 ທີມ; ສໍາລັບທີມຊາຍ ປະກອບມີ ມສ ໄຊເສດຖາ ຕົວແທນເມືອງໄຊເສດຖາ, ມຕ ແສງວິໄລ ຕົວແທນ ເມືອງສີໂຄດຕະບອງ, ມສ ສາທິດ ຕົວແທນເມືອງໄຊທານີ, ມຕ ບໍ່ໂອ ຕົວແທນເມືອງຫາດຊາຍຟອງ, ໂຮງຮຽນກຽດຕິສັກ ຕົວແທນເມືອງສີສັດຕະນາກ, ມສ ສົມສະຫວາດ ຕົວແທນເມືອງປາກງື່ມ, ມສ ນາຊາຍທອງ ຕົວແທນເມືອງນາຊາຍທອງ, ມສ ສົດທະຈິດ ຕົວແທນເມືອງຈັນທະບູລີ, ມສ ປາກຕອນ ຕົວແທນເມືອງນາຊາຍທອງ; ສ່ວນທີມຍິງປະກອບມີ: ມປ ໂຮ່ຈິມິງ ຕົວແທນເມືອງສີໂຄດຕະບອງ, ມສ ໂພນທັນ ຕົວແທນເມືອງໄຊເສດຖາ, ມສ ບໍ່ນາງົວ ຕົວແທນເມືອງຈັນທະບູລີ, ມສ ໂຄກສີວິໄລ ຕົວແທນເມືອງໄຊທານີ, ມສ ນາທຽມ ຕົວແທນເມືອງສັງທອງ, ມສ ສີຖານໃຕ້ ຕົວແທນເມືອງຫາດຊາຍຟອງ, ມສ ບ້ານໂດມ ຕົວແທນເມືອງປາກງື່ມ, ມສ ໂພນທອງ ຕົວແທນເມືອງນາຊາຍທອງ, ມສ ຈອມເພັດ ຕົວແທນ​ເມືອງສີສັດຕະນາກ.

ສໍາລັບການແຂ່ງຂັນຮອບ 9 ທີມສຸດທ້າຍຈະເລີ່ມຂຶ້ນມື້ນີ້ (16 ກຸມພາ 2018) ທີ່ເດີ່ນເຈົ້າອານຸວົງ.

9 ທີມຜ່ານເຂົ້າຮອບສຸດທ້າຍ ແຂ່ງຂັນໂຄປາ ໂຄຄາ-ໂຄລາລາວ - Wave100S AD to Website 2020 0 - 9 ທີມຜ່ານເຂົ້າຮອບສຸດທ້າຍ ແຂ່ງຂັນໂຄປາ ໂຄຄາ-ໂຄລາລາວ
9 ທີມຜ່ານເຂົ້າຮອບສຸດທ້າຍ ແຂ່ງຂັນໂຄປາ ໂຄຄາ-ໂຄລາລາວ - WhatsApp Image 2020 05 27 at 5 - 9 ທີມຜ່ານເຂົ້າຮອບສຸດທ້າຍ ແຂ່ງຂັນໂຄປາ ໂຄຄາ-ໂຄລາລາວ
9 ທີມຜ່ານເຂົ້າຮອບສຸດທ້າຍ ແຂ່ງຂັນໂຄປາ ໂຄຄາ-ໂຄລາລາວ - WhatsApp Image 2020 05 27 at 5 - 9 ທີມຜ່ານເຂົ້າຮອບສຸດທ້າຍ ແຂ່ງຂັນໂຄປາ ໂຄຄາ-ໂຄລາລາວ
error: Alert: ເນື້ອຫາຂ່າວມີລິຂະສິດ !!