ສຽງລົງປະຊາມະຕິຢູ່ຕວກກີອາດບໍ່ປອດໃສເຖິງ 2,5 ລ້ານສຽງ

- Untitled design - ສຽງລົງປະຊາມະຕິຢູ່ຕວກກີອາດບໍ່ປອດໃສເຖິງ 2,5 ລ້ານສຽງ

- 1492507397536 960x0 300x169 - ສຽງລົງປະຊາມະຕິຢູ່ຕວກກີອາດບໍ່ປອດໃສເຖິງ 2,5 ລ້ານສຽງ      ນັກສັງເກດການເອີຣົບຕັ້ງຂໍ້ສົງໄສວ່າ: ຄະແນນໃນການລົງປະຊາມະຕິຢູ່ຕວກກີໃນວັນທີ 16 ເມສານີ້ ອາດ ເປັນຄະແນນທີ່ບໍ່ປອດໃສເຖິງ 2,5 ລ້ານຄະແນນ.

ທ່ານນາງ ອາເລບ ໂຄຣຸນ ສສ ໂອຕຣິດ ທີ່ຮ່ວມໃນຄະນະ ສັງເກດການຂອງສະພາເອີຣົບ ໃຫ້ສຳພາດສະຖານີວິ ທະຍຸໃນປະເທດວ່າ: ມີຂໍ້ສົງໄສຫລາຍຢ່າງກົດໝາຍຕວກກີອະນຸຍາດໃຫ້ເຈົ້າໜ້າທີ່ເທົ່ານັ້ນທີ່ມີສິດເປີດຊອງລົງຄະ ແນນ ແລະ ໃຫ້ຄະນະກຳມະການການເລືອກຕັ້ງເປັນຜູ້ຕັດສິນວ່າຊອງລົງຄະແນນທີ່ບໍ່ມີກາປະທັບຖືວ່າເປັນໂມຂະ ຫລື ບໍ່ ຈຶ່ງອາດມີຄະແນນທີ່ບໍ່ປອດໃສສູງເຖິງ 2,5 ລ້ານຄະແນນ. ນອກຈາກນີ້ ຕຳຫລວດເມືອງດີຍາບາກີທີ່ປະ ຊາກອນສ່ວນຫລາຍເປັນຊາວເຄຣີດຍັງບໍ່ໃຫ້ສະມາຊິກ 2 ຄົນໃນຄະນະສັງເກດການຂອງທ່ານເຂົ້າໄປໃນບໍລິເວນ ບ່ອນເລືອກຕັ້ງ ແລະ ມີວີດີໂອເປີດເຜີຍໃນສື່ສັງຄົມອອນລາຍວ່າ: ມີຊາວຕວກກີບາງຄົນໃຊ້ສິດຊ້ຳ ເຊິ່ງເປັນເລື່ອງ ທີ່ຕ້ອງລໍຖ້າການພິສູດຕໍ່ໄປ.

ຄະນະສັງເກດການຂອງສະພາເອີຣົບ 47 ທ່ານລະບຸກ່ອນໜ້ານີ້ວ່າ: ການລົງປະຊາມະຕິແກ້ໄຂລັດຖະທຳມະນູນ ຕວກກີປ່ຽນແປງການປົກຄອງຈາກລະບອບລັດຖະສະພາເປັນລະບອບປະຊາທິປະໄຕເປັນການແຂ່ງຂັນທີ່ບໍ່ເປັນ ທຳ ເພາະກຸ່ມສະໜັບສະໜູນໃຫ້ແກ້ໄຂໄດ້ຮັບຄວາມສົນໃຈຈາກສື່ຫລາຍກວ່າກຸ່ມຄັດຄ້ານ, ສ່ວນສື່ທີ່ຄັດຄ້ານການ ລົງປະຊາມະຕິຖືກປິດປາກ. ສ່ວນພັກປະຊາທິປະໄຕປະຊາຊົນທີ່ເປັນຝ່າຍຄ້ານ ແລະ ສະໜັບສະໜູນຊາວເຄຣີດ ໄດ້ຍື່ນຮ້ອງຮຽນວ່າ: ມີບັດລົງຄະແນນທີ່ບໍ່ມີກາປະທັບສູງເຖິງ 3 ລ້ານໃບ ຄິດເປັນກວ່າ 2 ເທົ່າຂອງຄະແນນທີ່ ຝ່າຍສະໜັບສະໜູນໃຫ້ແກ່ລັດຖະທຳມະນູນຊະນະຝ່າຍຄັດຄ້ານ, ຂະນະທີ່ປະທານາທິບໍດີ ເຣເຈບ ທາຍຍິບ ແອ ໂດອານ ບໍ່ສົນໃຈສຽງວິຈານເລື່ອງຄະແນນບໍ່ປອດໃສ.

- Wave100S AD to Website 2020 0 - ສຽງລົງປະຊາມະຕິຢູ່ຕວກກີອາດບໍ່ປອດໃສເຖິງ 2,5 ລ້ານສຽງ
- WhatsApp Image 2020 05 27 at 5 - ສຽງລົງປະຊາມະຕິຢູ່ຕວກກີອາດບໍ່ປອດໃສເຖິງ 2,5 ລ້ານສຽງ
- WhatsApp Image 2020 05 27 at 5 - ສຽງລົງປະຊາມະຕິຢູ່ຕວກກີອາດບໍ່ປອດໃສເຖິງ 2,5 ລ້ານສຽງ
error: Alert: ເນື້ອຫາຂ່າວມີລິຂະສິດ !!