ຜູ້ນຳຟີລິບປິນສະເໜີໃຫ້ເງິນຄ່າຫົວ ແກ່ເຈົ້າໜ້າທີ່ທີ່ສັງຫານກະບົດກອມມູນິດ
ປະທານາທິບໍດີ ໂຣດຣິໂກ ດູເຕີເຕ ຂອງຟີລິບປິນ ສະເໜີໃຫ້ເງິນລາງວັນເປັນຄ່າຫົວແກ່ເຈົ້າໜ້າທີ່ລັດຖະບານທີ່ສາມາດສັງຫານສະມາຊິກຂອງກຸ່ມກະບົດກອມມູນິດ ຄົນລະເກືອບ 500 ໂດລາ ເພື່ອປະຢັດຄ່າໃຊ້ຈ່າຍໃນການປາບປາມກອມມູນິດໃນປະເທດ.
ປະທານາທິບໍດີ ດູເຕີເຕ ກ່າວປາໄສຢູ່ຖານທັບອາກາດແຫ່ງໜຶ່ງໃນເມືອງເຊບູ ທາງພາກກາງຂອງປະເທດ ໃນວັນທີ 15 ກຸມພາວ່າ: ຖ້າໃຜສາມາດສັງຫານສະມາຊິກຂອງກອງທັບປະຊາຊົນໃໝ່ ເຊິ່ງເປັນກຸ່ມກອງໂຈນກອມມູນິດ, ທ່ານຈະຈ່າຍເງິນໃຫ້ທັນທີ 25.000 ເປໂຊ ຫລື ປະມານ 475 ໂດລາສະຫະລັດ. ທ່ານ ດູເຕີເຕ ກ່າວວ່າ: ທ່ານໄດ້ຄິດໄລ່ແລ້ວວ່າ ຖ້າການເຮັດສົງຄາມປາບປາມກຸ່ມກອມມູນິດດຳເນີນຕໍ່ໄປເປັນເວລາ 4 ປີ ລັດຖະບານຈະເສຍຄ່າໃຊ້ຈ່າຍສູງ, ຖ້າຈ່າຍຄ່າຫົວຄົນລະ 25.000 ເປໂຊ ທ່ານສາມາດປະຢັດເງິນໄດ້ເຖິງ 47%. ເຖິງຢ່າງໃດກໍຕາມ, ບໍ່ມີການເປີດເຜີຍລາຍລະອຽດວ່າ ທ່ານ ດູເຕີເຕ ກ່າວອີກວ່າ: ທ່ານເຊື່ອວ່າ ບັນດາເຈົ້າໜ້າທີ່ຄວາມໝັ້ນຄົງຂອງລັດຖະບານທີ່ເຮັດວຽກຢູ່ໃນພື້ນທີ່ໃນປ່າ ສາມາດສັງຫານສະມາຊິກກຸ່ມກອມມູນິດໄດ້ຢ່າງງ່າຍດາຍ ຖ້າສາມາດຍິງນົກໄດ້ກໍສັງຫານໄດ້ ເພາະຫົວຂອງຄົນເຫລົ່ານີ້ໃຫຍ່ກວ່ານົກ.
