ເມືອງສີໂຄດຕະບອງສອບເສັງນັກຮຽນເກັ່ງຊັ້ນປະຖົມ ແລະ ມັດທະຍົມຂັ້ນເມືອງປະຈຳສົກຮຽນ 2017-2018
ໃນທ້າຍອາທິດຜ່ານມານີ້, ຫ້ອງການສຶກສາ ແລະ ກິລາ ເມືອງສີໂຄດຕະບອງ ນະຄອນ ຫລວງວຽງຈັນ ໄດ້ຈັດສອບເສັງ ຄັດເລືອກນັກຮຽນເກັ່ງ ຊັ້ນ ປ5, ມ4 ແລະ ມ7 ໃນສົນຮຽນ 2017-2018. ເພື່ອເປັນການ ແຂ່ງຂັນການສອນດີ-ຮຽນ ເກັ່ງຂອງຄູສອນ ແລະ ນັກ ຮຽນ ຊັ້ນຮຽນຕ່າງໆ ໃຫ້ມີຄຸນນະ ພາບ ແລະ ເປັນການປະຕິບັດ ແຜນຍຸດທະສາດການສຶກສາ ໃນໄລຍະໃໝ່ໃຫ້ປະກົດຜົນເປັນຈິງ, ເພື່ອນໍາເອົາຜົນການສອບ ເສັງຄັດເລືອກນັກຮຽນເກັ່ງ ນໍາໃຊ້ເຂົ້າໃນການປະເມີນ, ການວາງແຜນພັດທະນາ ແລະ ນໍາໃຊ້ເຂົ້າໃນການຕີລາ ຄາລະດັບຄຸນນະພາບຂອງ ແຕ່ ລະໂຮງຮຽນອີກດ້ວຍ.
+ ຜົນການສອບເສັງມະຫາວິທະຍາໄລວິທະຍາສາດສຸຂະພາບ ຈະອອກມາແລ້ວໃນກາງເດືອນກັນຍານີ້
+ ຜົນການສອບເສັງຂອງນັກຮຽນສາມັນສຶກສາ ທົ່ວນະຄອນຫລວງວຽງຈັນບັນລຸໄດ້ຕາມລະດັບຄາດໝາຍ
ການສອບເສັງຄັ້ງນີ້ ໄດ້ ຈັດຂຶ້ນທີ່ໂຮງຮຽນ ມໍປາຍ ມິດຕະພາບນະຄອນຫຼວງ ວຽງ ຈັນ-ນະຄອນໂຮຈີ່ມິນ, ມີນັກ ສອບເສັງທັງໝົດ 414 ຄົນ, ຍິງ 208 ຄົນ. ໃນນັ້ນຊັ້ນ ປ5 ມີນັກຮຽນເຂົ້າສອບເສັງ 121 ຄົນ, ຍິງ79 ຄົນ, ມີ 3 ວິ ຊາສອບເສັງຄື: ຄະນິດສາດ, ພາສາລາວ ແລະ ໂລກອ້ອມ ຕົວ, ມ4 ມີ ຜູ້ສອບເສັງ 180 ຄົນ, ຍິງ 127 ຄົນ ແລະ ມ7 ມີ ຜູ້ສອບເສັງ113 ຄົນ, ຍິງ 82 ຄົນ, ມີ 4 ວິຊາສອບເສັງ ຄື:ຄະນິດສາດ, ພາສາລາວ- ວັນນະຄະດີ, ຟີຊິກສາດ ແລະ ເຄມີສາດ. ພາຍຫຼັງສໍາເລັດ ການສອບເສັງແລ້ວຫ້ອງການ ສຶກສາທິການ ແລະ ກິລາເມືອງ ຈະໄດ້ສະຫຼຸບຜົນທີ່ໄດ້ຮັບໃຫ້ ພະແນກສຶກສາທິການ ແລະ ກິລານະຄອນຫຼວງ ເພື່ອກຽມ ສອບເສັງຂັ້ນນະຄອນຫຼວງ ໃນວັນທີ 16 ມີນານີ້.
