ອາເມລິກາຈັບມືສາມປະເທດຕັ້ງໂຄງການ ແຂ່ງເສັ້ນທາງສາຍໄໝໃໝ່ຈີນ

ອາເມລິກາຈັບມືສາມປະເທດຕັ້ງໂຄງການ ແຂ່ງເສັ້ນທາງສາຍໄໝໃໝ່ຈີນ - 1519014672325 960x0 - ອາເມລິກາຈັບມືສາມປະເທດຕັ້ງໂຄງການ ແຂ່ງເສັ້ນທາງສາຍໄໝໃໝ່ຈີນ
ອາເມລິກາຈັບມືສາມປະເທດຕັ້ງໂຄງການ ແຂ່ງເສັ້ນທາງສາຍໄໝໃໝ່ຈີນ - AGL banner - ອາເມລິກາຈັບມືສາມປະເທດຕັ້ງໂຄງການ ແຂ່ງເສັ້ນທາງສາຍໄໝໃໝ່ຈີນ

ສື່​ອົດ​ສະຕຣາລີລາ​ຍງານ​ອ້າງ​ເຈົ້າໜ້າ​ທີ່​ອາ​ເມ​ລິ​ກາ​ວ່າ: ອົດ​ສະຕຣາລີ, ອາ​ເມ​ລິ​ກາ, ອິນ​ເດຍ ​ແລະ ຍີ່ປຸ່ນ ກຳລັງ​ເຈລະຈາ​ກັນ​ເລື່ອງ​ຕັ້ງ​ໂຄງການ​ຂຶ້ນມາ​ເປັນ​ທາງ​ເລືອກ​ໂຄງການ​ເສັ້ນທາງ​ສາຍ​ໄໝ​ໃໝ່ຂອງ​ຈີນ ຫວັງ​ຄັດຄ້ານ​ການ​ແຜ່​ອິດ​ທິພົນ​ຂອງ​ຈີນ.

​ເຈົ້າໜ້າ​ທີ່​ອາ​ເມ​ລິ​ກາ​ທີ່​ຂໍ​ສະຫງວນ​ນາມ​ກ່າວ​ວ່າ: ການ​ຫາລື​ຍັງ​ຢູ່​ໃນ​ຂັ້ນ​ເລີ່​ມຕົ້ນຈຶ່ງ​ຍັງ​ບໍ່​ສາມາດ​ປະກາດ​ໄດ້​ໃນ​ໄລຍະ​ທີ່​ນາຍົກລັດຖະມົນຕີ ມັລຄອມ ​ເທິ​ນບູນ ຂອງ​ອົດ​ສະຕຣາລີ ຈະ​ຢ້ຽມຢາມ​ອາ​ເມ​ລິ​ກາ​ໃນ​ອາທິດ​ນີ້ ​ແຕ່​ເປັນ​ເລື່ອງ​ທີ່​ໄດ້​ມີ​ການ​ຫາລື​ຢ່າງ​ຈິງ​ຈັງ. ​ເຖິງ​ຢ່າງ​ໃດ​ກໍ​ດີ ຢາກ​ໃຫ້​ເອີ້ນ​ໂຄງການ​ນີ້​ວ່າ​ເປັນ​ທາງ​ເລືອກ​ຂອງ​ໂຄງການ​ເສັ້ນທາງ​ສາຍ​ໄໝ​ສະຕະວັດ​ທີ 21 ບໍ່​ແມ່ນ​ຄູ່​ແຂ່ງ ບໍ່​ມີ​ໃຜ​ຫ້າມ​ຈີນ​ສ້າງ​ໂຄງລ່າງ​ພື້ນຖານ, ທ່າ​ເຮືອ​ຂອງ​ຈີນ​ອາດ​​ໄປ​ບໍ່​ຮອດ​ໃນ​ທາງ​ເສດຖະກິດ, ອາ​ເມ​ລິ​ກາ​ເສີມຕໍ່​ດ້ວຍ​ການ​ສ້າງ​ຖະໜົນ ຫລື ທາງ​ລົດ​ໄຟ​ເຊື່​ອມຕໍ່​ກັບທ່າ​ເຮືອນັ້ນ.

ອາເມລິກາຈັບມືສາມປະເທດຕັ້ງໂຄງການ ແຂ່ງເສັ້ນທາງສາຍໄໝໃໝ່ຈີນ - Wave100S AD to Website 2020 0 - ອາເມລິກາຈັບມືສາມປະເທດຕັ້ງໂຄງການ ແຂ່ງເສັ້ນທາງສາຍໄໝໃໝ່ຈີນ

ທ່ານ ​ໂຍຊິ​ຮິ​ເດະ ສຸ​ກະ ຫົວ​ໜ້າ​ເລຂາທິການ​ຄະນະ​ລັດຖະບານ​ຍີ່ປຸ່ນ ຊີ້​ແຈງ​ລະຫວ່າງ​ການ​ຖະ​ແຫລ​ງຂ່າວ​ຕາມ​ປົກກະຕິ​ວ່າ: ທັງ​ສີ່​ປະ​ເທດ​ຕາມ​ຂ່າວ​ມີ​ການ​ແລກປ່ຽນ​ເລື່ອງ​ທີ່​ເປັນ​ຜົນ​ປະ​ໂຫຍ​ດຮ່ວມ​ກັນ​ເປັນ​ປະຈຳ​ຢູ່​ແລ້ວ ​ແລະ ບໍ່​ແມ່ນ​ການ​ຕ້ານທານ​ໂຄງການ​ຂອງ​ຈີນ. ຂະນະ​ດຽວ​ກັນ ສຳນັກ​ຂ່າວຣອຍ​ເຕີ​ລາຍ​ງານ​ອ້າງປຶ້ມຂາວ​ປີ 2017 ​ເລື່ອງ​ການ​ຊ່ວຍ​ເຫລືອ​ເພື່ອ​ການ​ພັດທະນາ​ຢ່າງ​ເປັນ​ທາງ​ການ​ຂອງ​ຍີ່ປຸ່ນ​ວ່າ: ຍີ່ປຸ່ນ​ຈະ​ໃຫ້ການ​ຊ່ວຍ​ເຫລືອ​ນີ້​ສົ່ງ​ເສີມ​ຍຸດ​ທະ​ສາດ​ອິນ​ໂດ-ປາຊີ​ຟິກ ​ແລະ ​ເປີດ​ກວ້າງ ​ເຊິ່ງມີ​ເລື່ອງ​ໂຄງ​ລ່າງ​ພື້ນຖານຄຸນ​ນະພາ​ບລວມຢູ່​ນຳ. ຍຸດ​ທະ​ສາດ​ນີ້​ໄດ້​ຮັບ​ຄວາມ​ເຫັນ​ພ້ອມ​ຈາກ​ອາ​ເມ​ລິ​ກາ​ແລ້ວ ​ແລະ ຖືກ​ເບິ່ງ​ວ່າ​ເປັນ​ຄູ່​ແຂ່ງ​ໂຄງການ​ເສັ້ນທາງ​ສາຍ​ໄໝ​ໃໝ່​ຂອງ​ຈີນ.

ອາເມລິກາຈັບມືສາມປະເທດຕັ້ງໂຄງການ ແຂ່ງເສັ້ນທາງສາຍໄໝໃໝ່ຈີນ - lattana 1 - ອາເມລິກາຈັບມືສາມປະເທດຕັ້ງໂຄງການ ແຂ່ງເສັ້ນທາງສາຍໄໝໃໝ່ຈີນ
error: Alert: Content is protected !!